Ester 2:15 - Chuj San Sebastian Bible

¹⁵ Ax x'aji, a yic xjaw stzol-l yic 'ix Ester, 'ix yisl win Abihail yican Mardoqueo, yic tz'at 'ix wayc yet' win rey, cojn wal tas 'ix yal Hegai win yilmal eb' 'ix 'ix, cojn chi xyij 'at 'ix. Caw wach' 'ix Ester chi 'a sat smasnil eb' tztan̈wni 'ix.

Chuj San Mateo Bible

¹⁵ Axo ix aji, ayic ix c'och stzolal d'a yib'an̈ ix Ester yisilcan vin̈aj Abihail, sc'ab'yoc vin̈aj Mardoqueo chi', yic b'at vay ix yed' vin̈ rey chi', an̈ej tas ix yal vin̈aj Hegai stan̈vumal eb' ix, an̈ej ix yic'b'at ix. Te vach' ix Ester chi' d'a yol sat masanil eb' tz'ilan ix.

Ester 2:15 Iomraidhean Croise

Ester 2:14

A 'a yic sq'uic'b'alil tz'at eb' 'ix wayc yet' win rey cha, ax 'a yic junx sq'uin̈b'ial, tz'ec' eb' 'ix 'a junx n̈a 'a 'aj 'ayc' eb' 'ix schab'l 'istzil win rey, atn 'a 'aj 'aych win Saasgaz yilmalc eb' 'ix schab'l 'istzil winac. Tzcan eb' 'ix ta'. Man̈xtzac c'och eb' 'ix 'a win rey chi jun 'ejm xo, cojn toto 'ay junc 'ix caw tzchaj sc'ojl win rey cha, to 'ixta', tz'awtx sb'i 'ix, 'ixta to tz'aj 'ix tzc'ochx 'a winac.

Ester 2:16

A 'a yic slajn̈il 'ujal, 'a jun 'uj Tebet sb'i, 'a yic yucl ab'il xo yoch win Asuero reyal, ata 'ix 'ijx 'at 'ix Ester 'a win rey, yic tz'at 'ix wayc yet' winac.

Ester 2:3

Si' cab' win rey tic junjnoc schecb' 'a junjn niwc chon̈ab' 'a yol smacb'en, yic wach' a eb' tz'i'n cot smasnil eb' 'ix cob'stac 'ix to caw wach' yilxi. Jaw cab' eb' 'ix 'a yatut win rey 'a Susa tic. Tz'ochcn eb' 'ix 'a yol sc'ab' win Hegai, atn win tztan̈wni eb' 'ix yistl win rey, ax win tzb'on yilx eb' 'ix.

Ester 8:1

A 'a yic jun c'u cha, a smasnil tas 'ay 'a win Amán, win 'ajc'ojl yajch 'a eb' israel, 'ix yac' win rey chi yico'oc 'ix reina Ester. Ax pax win Mardoqueo, 'ix 'ajx pax jun niwquil 'opiso 'a win yuj win rey cha, yujto tox 'ix yal Ester chajtlto yican sb'a 'ix yet' winac.

Ester 9:29

Ax pax 'ix reina Ester yisl win Abihail, yet' Mardoqueo win israel, 'a sb'i yopiso eb', 'ix stz'ib'n eb' junx ch'an̈ carta yuj q'uin̈ yic Purim, yic tzwach' 'ajx 'och yip ch'an̈ b'ab'l carta.

Pr 15:33

A mach 'ay yel'ch Jehová 'a sat, caw tzq'uib' sjelnal; toto tznib'j to niwn yel'chi, yowlal 'emmquilal tzyutj sb'a b'ab'el.

Cantares 6:9

palta an tic, cojn wal ach tic wach'ch 'ayin. Lajn ach 'icha junc no 'uch may spaltail. Cojn ach caw xajn ach yuj a nun. A yic tzach 'ilx yuj eb' 'ix cob'stac, yuj eb' 'ix reina, yet' jun tzo'n̈ xo eb' 'ix, smasnil eb' 'ix, tzaln yuj swach'l elxi, xchi winac.

Cantares 8:10

An tic, lajn in wal 'icha junc muro, ax wim, lajn pax 'icha chab'oc torre. Yuj cha, caw wal tzalj ni quelm chi wet'oc.

A Tas Sc'ulejnac Eb' Schecab' Jesús Hechos 7:10

A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.