Ester 2:12 - Chuj San Sebastian Bible

¹² Jun ab'il xyac'a, yic xb'o yilx eb' cob'stac chi smasnil. B'ab'el, waque 'ujl xyac' sucx 'och yalil te mirra 'a sniwnal eb' 'ix, ax waque xo 'ujal, sucx 'och perjuma yet' crema 'a eb' 'ix, atn jun tzc'an xon eb' 'ix 'ix. Ax yic xlajw sb'o 'el'ch yilx eb' 'ix, junjnal 'ix 'ijx 'at eb' 'ix wayc yet' win rey Asuero cha.

Chuj San Mateo Bible

¹² Masanil juntzan̈ eb' ix cob'estac chi', jun ab'il ix b'ochaj yilji eb' ix. D'a sb'ab'elal vaque' ujal succhajec' aceite yic mirra d'a snivanil eb' ix. Axo d'a junxo vaque' ujal, succhajec' perfume yed' crema d'a eb' ix ichataxon juntzan̈ sc'an eb' ix ix. Axo yic ix el yab'ilal sb'ochaj yilji eb' ix chi', junjunal ix ic'jib'at eb' ix yic svay eb' ix yed' vin̈ rey chi'.

Ester 2:12 Iomraidhean Croise

Ester 2:11

Junjn c'u tz'ec' Mardoqueo chi 'a sti 'el te n̈a 'a 'aj 'ayc' eb' 'ix yistzil win rey cha, yic tz'ec' yilnoc toto wach' sc'ojl 'ix Ester cha, yet' yuj tas tz'aj yajx servil 'ix.

Ester 2:13

'Ixta x'aj sc'och junjn eb' 'ix 'a win rey cha. A yic tz'elt eb' 'ix 'a yol n̈a 'a 'aj 'ayc' eb' 'ix 'ix cha, tztac' yi'n 'at eb' 'ix tas tznib'j tzyij 'ati.

Ester 2:3

Si' cab' win rey tic junjnoc schecb' 'a junjn niwc chon̈ab' 'a yol smacb'en, yic wach' a eb' tz'i'n cot smasnil eb' 'ix cob'stac 'ix to caw wach' yilxi. Jaw cab' eb' 'ix 'a yatut win rey 'a Susa tic. Tz'ochcn eb' 'ix 'a yol sc'ab' win Hegai, atn win tztan̈wni eb' 'ix yistl win rey, ax win tzb'on yilx eb' 'ix.

Ester 2:9

A 'ix Ester cha, caw wal wach' snab'en 'ix xyilch win Hegai, yuj cha, caw wach' xyutj win snab'en 'a 'ix. Wal 'a yajn̈ej, xya'n win 'ajxoc b'o yilx 'ix, ax tas caw wach' sc'uxxi, a xyac' win 'ajxoc 'a 'ix. 'Ix 'ajx 'och ucwn̈ eb' 'ix ya'mal servil win rey chi ya'malc servil 'ix, eb' 'ix to caw wach' ya'w servil. Xlajw cha, x'ajx 'at eb' 'ix yet' 'ix Ester chi 'a jun cuarto caw wach' 'a jun n̈a 'aj cajn 'ec' eb' 'ix yistzil win rey.

Pr 7:17

Tox xwa'ch perjuma 'a 'a, caw su'q'ui yec' sjab'. A te mirra, te áloe yet' te canela a xwa'ch 'a 'a.

Cantares 3:6

¿Tas jun wan scot 'a cusltac lum cha, a tzquila to scal tab' 'aychi yic tzcot cha? A jun cha, stab'l te mirra yet' stab'l incienso, stab'l pax jun tzo'n̈ xo tas su'q'ui sjab'.

Is 3:24

Ax sjel 'oj 'ajxoc 'a eb', atn tic: A tas caw tu sjab', a chi 'oj 'och sjelc perjuma; a lasu, a chi 'oj 'och sjelc jal-l caw wach'; ax jolm caw wach' tz'aj squichxi, 'oj pucoc; a pichl caw tzlab'b'i, a te n̈achtac 'oj 'ochcn sjeloc; ax sat eb' wach' yilxi, 'oj juwc can yilxi, tz'ib'intac 'oj 'ajcni.

Is 57:9

Tzlaj eya'ch aceite 'ayex yet' yal su'q'ui sjab' yic tzex 'at eyal e b'a 'a jun yechl comn dios Mélec. Xlaj eya't eb' e checb' 'a najat yic tzsayn cot eb' jun tzo'n̈ xo e diosal, 'icha to x'emch eb' 'a scal eb' chamnac.