Ester 1:10 - Chuj San Sebastian Bible

¹⁰ A wal 'a yic stz'acw yucl c'u q'uin̈, caw wal tzalj sc'ojl win rey chi yuj yal uva jawnac sti', yuj cha, schecn 'at win ucwn̈ eb' winc 'aych ya'malc servil to 'aych yipc sc'ojol, atn Mehumán, Bizta, Harbona, Bigta, Abagta, Zetar yet' Carcas

Chuj San Mateo Bible

¹⁰ A val d'a yuquil c'ual q'uin̈ chi', ix te tzalaj sc'ol vin̈ rey chi' yuj vino. Yuj chi' ix schecb'at ucvan̈ eb' vin̈ yac'umal servil vin̈, eb' vin̈ ayoch yipoc sc'ol vin̈, aton vin̈aj Mehumán, vin̈aj Bizta, vin̈aj Harbona, vin̈aj Bigta, vin̈aj Abagta, vin̈aj Zetar yed' vin̈aj Carcas.

Ester 1:10 Iomraidhean Croise

Gn 43:34

A tas tzc'ux José 'a sat smexa a x'ajx 'a eb', a pax Benjamín, o'ejm to 'ec'b'al yic win x'ajx 'a yib'n̈ yic ewin yu'tac cha. 'Ixta xyutj José swa'i, xyu'n tas yet' eb' yu'tac 'a tzaljc'ojlal.

A Ch'an̈ Schab'l Libro Samuel 13:28

A yic mantzac wa eb' cha, 'ix yaln Absalón 'ixtc 'a eb' schecab': Tzeyiln sq'ue 'an̈ 'a sjolm Amnón, ax waln 'ayex to tze mil chamoc, cojn cha, tze miln cham muc'uc. Man̈ ex xiw e milni, yujto an tzwala. Caw te'n tzeyutj e b'a, man̈ ex xiwoc, xchi Absalón cha.

Ester 1:9

An̈jtona pax 'ix reina Vasti, 'ix yac' 'ix b'o jun niwn wa'el, yic wach' tzwa pax eb' 'ix yistzil ewin 'awtb'il 'a sdespacho win rey cha.

Ester 3:15

Wal 'a yajn̈ej 'ix spucn 'el eb' checb' chi ch'an̈ un̈ 'aj tz'ib'b'il jun ley cha, a tzyal xyutj win rey yalni. 'Ix alx 'el jun paxti chi mu'c 'a yol chon̈b' Susa. Ya' sb'a wan yu'w 'an̈ win rey yet' win Amán, ax eb' 'anma 'a chon̈b' Susa cha, caw wal somchj chan̈ eb' yuj jun paxti cha.

Pr 20:1

A eb' tz'u'w 'an̈, tzlaj b'ajwj eb', tzq'ue somnjoc eb' ya'n owal, a mach 'ay snab'en, matz ya't sb'a 'a scal 'u'l 'an̈ cha.

Pr 31:4

Ach Lemuel, man̈ wach'oc toto 'oj oc' te 'an̈ caw ow. Man̈ smojc pax yu'n eb' et yajlil te 'an̈ cha,

Ec 10:19

A tas wach' sc'uxxi, wach' toni, ax 'u'l 'an̈, tzaljc'ojlal ton paxi, palta yuj jun tzo'n̈ tic, tznib'x to 'ay tumin.

Jueces 16:25

Caw 'ix tzalj eb' 'anma', 'ix sc'ann 'elt eb' Sansón cha, yic tz'elwni eb' 'a 'a. 'Ix yi'n 'elt eb' win 'a yol preso, 'ix ya'n 'och eb' 'a snan̈l jun tzo'n̈ yoyl n̈a, yuj yixtn eb'.

Jueces 19:6

'Ix 'em wocn eb' schawn̈il, 'ix wa eb', xyu'n eb' tas xyuq'uej, ax win smam 'ix 'ix cha, 'ix tew 'och win 'a eb' to tzcan eb' junc xo 'ac'wl 'a tzaljc'ojlal.

Rt 3:7

Ax win Booz, 'ix wa'i, xyu'n tas xyuq'uej, caw wal tzalj win si'mb'il. Xlajw cha, 'ix 'ec' c'otn win sway 'a stz'ey 'aj b'uln 'ec' 'ixm cebada cha. Ax 'a yic sq'ue'ac'wlil xo, caw c'un xc'och 'ix Rut 'a stz'ey winac. 'Ix yi'n chan̈ 'ix sc'u winac, xlajw cha, 'ix 'ec' c'otn 'ix sway 'a yoctc winac.