Esdras 9:6 - Chuj San Sebastian Bible

⁶ Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Chuj San Mateo Bible

⁶ Ix valan icha tic: Ach in Diosal, tzin te q'uixvi d'ayach. Tzin somchaj chaan̈. Maxtzac nachaj vuuj tas svutej valan in b'a d'ayach, yujto ix te ec' yib'an̈ co chucal. A co mul chi' ix q'uec'och d'a satchaan̈.

Esdras 9:6 Iomraidhean Croise

Gn 13:13

A 'a jun chon̈b' cha, caw maysch'olnil sb'eyb'al eb' 'anma', til wal maysch'olnil tzb'o eb' 'a sat Jehová.

A Ch'an̈ B'ab'el Libro Yic Yab'ixal Eb' Rey 8:47

Toto a yic 'ayn̈ 'ec' 'a junc chuc chon̈b'al cha, tznan sb'a qui c'ojl on̈, tzqui c'ann niwnc'ojlal 'aych yuj qui mul tz'och on̈,

2 Cr 28:9

Ata 'ay jun schecb' Jehová Oded sb'i. A jun cha, 'ix 'elt 'a sat eb' soldado yic 'ix c'och eb' 'a Samaria cha, xyaln 'a eb' 'ixtic: —A Jehová qui Diosalec, atn pax sDiosal eb' qui mam quichmec, 'ix cot yowl sc'ojl 'a Judá, yuj cha, xya'n 'och 'a yol e c'ab'. Palta ax xo tic, xe mil cham eb' yet' yowl e c'ojol, caw xq'ue'ch eyowl chi 'a satcha'an̈.

Esdras 9:13

A wal yuj smasnil maysch'olnil x'el qui b'on on̈, yet' qui mul x'och 'ayach, yuj cha, x'ec' jun tzo'n̈ yailal tic 'a quib'n̈ on̈. Palta ach tic ach qui Diosal on̈, ma'ix a'ch qui yailal 'a quib'n̈ on̈, 'icha tas smoj qui chan 'aych on̈, palta x'el 'a a c'ojl pitzn on̈ jaywn̈ xo on̈ tic on̈.

Esdras 9:15

Mamin Jehová, qui Diosal ach an̈ israel on̈ tic on̈, caw wach' a nab'en 'ayn̈ on̈. 'Ix 'el 'a a c'ojol, to pitzn on̈ jaywn̈ xo on̈ colchj can 'el tic. Yuj cha, tzcaln q'uet qui mul 'a ojltac on̈, caw wal man̈ smojc tzon̈ 'och 'a ojltac yuj jun tic, xchi Esdras 'a slesal.

Nehemías 1:6

Tzin tew 'aych ticnec, to tza maclj ab' in lesl an a checb' in tic. 'A junjn c'u, yet' 'a junjn 'ac'wal, tzin tew 'aych cuj an̈ a chon̈b' on̈ tic on̈, to caw a checb' caj on̈. Tzwal yuj in mul yet' eb' wit israelal tic. Yel toni, an̈ tic yet' eb' qui mam quichm on̈, x'och qui mul 'aych on̈.

Job 40:4

¿Tas wal 'oj wutc in ta'wi, toc 'ay jac xon wel'chi? Yel xo wach' to sictac tzin cani.

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Salmos 38:4

A in maysch'olnilal cha, a quiln q'ue 'a wib'an̈, 'icha wal junc niwquil 'ictz matz techj yal-l wu'uj.

Salmos 38:5

Yuj wal in pital, yuj cha, lajwnac in, wan in c'a'i, 'ayx in jab'.

Ex 32:31

Xlajw xoj cha, 'ix 'atx Moisés 'a lum jolm witz cha, lum 'aj 'ayc' Jehová, xyaln 'a 'ixtic: —Yel ton wal Mamin, a jun chon̈b'al eb' 'anma tic, caw wal niwquil smul eb' x'och 'a ojltac. Sb'o eb' jun sdiosal nab'a oro, xya'n 'ejm sb'a eb' 'a 'a.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

Is 59:12

Ach qui Diosal on̈, caw yel x'och qui mul 'aych on̈, mun wal a qui mul chi tz'i'n cot 'a quib'n̈ on̈. A tas xlaj qui b'o on̈, caw checl yaji, cojc wal si'mb'il 'aj xlaj 'och qui mul on̈.

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Jeremías 31:19

'Ix quij 'el qui b'a 'ayach, palta xqui na qui b'a ticnec. A yic xcojcan 'eli, to caw may qui ch'olnil on̈, chijn on̈ 'ejmi, tzon̈ 'ec' yuj q'uixwc'ojlal. 'Emmquilal xoj tzcutj qui b'a yuj jantc qui mul x'och 'a yictax quelm on̈t on̈, xchi eb' 'aj chon̈b' Efraín 'ayin.

Jeremías 51:9

A eb' chuc nacion̈al cajn ta', a eb' tzaln 'ixtic: Tox 'ix ca'ch cob' remel 'a Babilonia tic, palta man̈xtzac 'an̈tx yu'uj. Can cab'i', pax coyc junjn on̈c 'a qui chon̈ab', yujto caw 'ix q'ue'ch smul jun chon̈b' tic 'a satcha'an̈, caw 'ix q'ue'ch 'a scal 'asun, xchi eb'.

Jeremías 6:15

¿Tom 'ix q'uixw eb' sb'on jun tzo'n̈ maysch'olnil cha? Wal yel, caw ma'ix q'uixw xon wal eb' jab'oc, ¡toxn man̈ yojcoc eb' sq'uixwi! Yuj cha, an Jehová in, an tzwala to a wal yic 'oj wa'nc 'och yailal 'a yib'n̈ eb', 'oj satcn 'el eb', xchi Dios.

Jeremías 8:12

¿Tom tzq'uixw jac eb' yuj jun tzo'n̈ tas matz tzchaj in c'ojl tzb'o cha? Wal yel tzwala, caw matz q'uixw xon eb', caw matz chacb' 'el sat eb' sq'uixw xon jab'oc. Yuj cha, an Jehová in, an tzwala, to a yic 'oj wa'n jawc yailal 'a yib'n̈ eb', 'oj telwc 'ejm eb', 'icha jun tzo'n̈ eb' 'emnc xo, xa chi 'a eb', xchi Dios 'ayin.

Lm 3:42

'Ix 'och wal qui mul on̈, caw tenmtac xcutj qui b'a 'aych on̈, yuj cha, ma'ix ac' niwnc'ojlal qui mul on̈.

Ez 16:63

'Oj wac' niwnc'ojlal 'a yuj tas sb'o cha, palta 'oj sna coti, man̈x 'a wal b'a'n̈ 'oj sb'an̈ sb'a, to an tzwala, xchi Dios, xa chi 'a yib'n̈ Jerusalén, xchi 'ayin.

Lv 26:40

Yujto 'ix 'och stenmtacl eb' 'ayin, yuj cha, 'oj woch 'ajc'ojlal 'a eb', ax wa'n can 'at eb' 'a schon̈b' eb' 'ajc'ojl yajch 'a eb' cha. Toto 'oj sna sb'a sc'ojl eb' 'aj pit 'oj yutc sb'a 'ayin, ax yi'n 'ejm sb'a eb' 'a wojltac yuj yaln q'uet' eb' smul yet' e mul ax tic, tzyactn can eb' sb'on masych'olnilal,

Lc 15:21

Xyaln win 'unnab'il chi 'ixtic: Mamin, caw x'och in mul 'a Dios. X'och pax in mul 'ayach. Ax ticnec, man̈x smojc tzin al onnaloc, xchi win 'a smam cha.

Lc 18:13

Ax win tecm 'el tumn cha, najttac xcan lin̈n winac. Caw 'ix xiw winac. Toxn ma'ix q'ue q'ueln xon win jac 'a satcha'an̈. Caw man̈x oc yaj yilx win yuj scusc'ojlal. Xyaln win 'ixtic: Ach in Diosal, comnoc tz'o'ch wal a c'ojl 'ayin, to caw yel 'ajmul in si'mb'il, xchi win 'a Dios.

Ro 6:21

Palta ¿tom 'ay jac qui ganar 'a spatc jun tzo'n̈ qui b'ojnaquec cha? Caw tzon̈ q'uixwec yuj jun tzo'n̈ chi ticnec. Yuj wal jun tzo'n̈ cha, tz'at eb' 'anma 'a chaml 'a jun 'ejmn̈ej.

Apoc 18:5

Yujto a jun tzo'n̈ smul 'ix cha, caw xq'uib' cha'an̈, masnto xq'uel 'a satchan̈ tic. Ax Dios 'ix nan cot stul 'ix.