Esdras 8:18 - Chuj San Sebastian Bible

¹⁸ Yuj scolwal Dios, 'ix checx cot Serebías yuj eb'. A jun winc cha, caw wal tznachj 'el yu'uj, yin̈tl jun levita tzcuch Mahli. A jun cha, 'ix cot yet' eb' yunnal, yet' eb' yu'tac; wajxclajn̈wan̈ sb'ey eb' 'a smasnil.

Chuj San Mateo Bible

¹⁸ Yuj scolval Dios ix ic'chajcot vin̈aj Serebías yuj eb' vin̈, yujto a vin̈ chi' te jelan vin̈, yin̈tilal vin̈ jun vin̈ levita scuchan Mahli. A vin̈aj Serebías chi', ix cot vin̈ yed' eb' yuninal yed' eb' yuc'tac, 18 eb' d'a smasanil.

Esdras 8:18 Iomraidhean Croise

1 Cr 6:1

A eb' yunnal Leví: atn Gersón, Coat yet' Merari.

1 Cr 6:19

Ax eb' yunnal Merari: atn Mahli yet' Musi. Atn eb' tic yin̈tl Leví.

1 Cr 6:4

Atn slistail eb' yin̈tl Aarón tic, eb' 'unnab'il masnto 'a eb' 'ichicnab'il: Eleazar, Finees, Abisúa, Buqui, Uzi, Zeraías, Meraiot, Amarías, Ahitob, Sadoc, Ahimaas, Azarías, Johanán, Azarías, atn win 'ochnc ya'malc 'och sti eb' 'anma 'a Dios 'a jun yatut Dios sb'ojnac chan̈ Salomón 'a Jerusalén. Azarías, Amarías, Ahitob, Sadoc, Salum, Hilcías, Azarías, Seraías, Josadac.

2 Cr 30:22

A Ezequías, 'ix yal yuj diosal 'a smasnil eb' levita, to caw xya'ch eb' 'a snab'en ya'n servil Jehová. 'Ix chi eb' no xajmb'al tz'ajx xajmb'al-l 'a jun q'uin̈ to niwn yel'ch 'a uque c'u. 'Ix yac' eb' xajmb'al yic junc'ojlal, 'ix ya'n eb' yuj diosal 'a Jehová qui Diosalec, atn sDiosal eb' qui mam quichmec.

Esdras 7:28

Yuj schamc'ojlal Jehová, yuj cha, wach'n 'a sat win rey, 'a sat eb' ya'mal 'och snab'en winac, yet' 'a sat smasnil eb' niwc yel'ch yopiso yet' win rey cha. Yuj scolwal Jehová qui Diosalec 'a wib'an̈, yuj cha, xin te'wtzan in b'a, 'ix wa'n syam sb'a smasnil eb' yajl yaj 'a yib'n̈ yin̈tl eb' wit israelal, sec tzmeltzj eb' wet'oc, xchi Esdras.

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

Esdras 8:16

Xlajw cha, xin checn 'at Eliezer, Ariel, Semaías, Elnatán, Jarib, Elnatán, Natán, Zacarías, yet' Mesulam. A eb' tic, caw niwn yel'ch eb', an̈jtona xin checb't Joiarib, yet' Elnatán, caw wal cuywjum eb'.

Esdras 8:19

An̈jtona', xchecx cot pax Hasabías yet' Jesaías. A eb' cha, yin̈tl Merari eb', xcot eb' yet' yunnal yet' eb' yu'tac, junc'l sb'ey eb' 'a smasnil.

Esdras 8:22

Tox 'ix calc 'a win rey cha, to a qui Diosalec a tztan̈wni mach tz'och 'emmquilal 'a 'a, palta tzcot yowl sc'ojl 'a mach matz yiclni tas tzyala. Yuj cha, tzin q'uixw in c'ann in soldado 'a win rey, atn eb' tzb'ey 'a yoc, yet' eb' tzq'ue 'a yib'n̈ chej yic tzon̈ stan̈wni eb' 'a yol b'e, xin chi 'a eb'.

Esdras 8:24

Yajn̈ej xin si'n 'el lajchwan̈ eb' yajl yaj 'a scal eb' wit ya'mal 'och qui ti 'a Dios: atn Serebías, Hasabías, yet' lajn̈wan̈ xo eb'.

Nehemías 12:24

A eb' yajl yaj 'a scal eb' levita tzb'itni: atn Hasabías, Serebías, Josué, Binuy yet' Cadmiel. Ax jun tzo'n̈ xo eb' yican eb' cha, lin̈n 'ec' eb' 'a yojltac eb' yic tzb'itn eb'. Tzyaln eb' yuj diosal 'a Jehová, yic 'aych eb' 'a yopiso 'a stzolil, 'icha yutjnac win schecb' Dios yaln 'a pecti, atn David.

Nehemías 2:8

Tza'n pax junc xo carta 'a win Asaf, atn win yilmal te niwc te 'ay 'a yol a macb'en, sec wach' tzyac' win te 'ayin. 'Oj c'anxoc te 'a spuertail yatut eb' 'ayc' stan̈wc yatut Dios, yet' spuertail smuroal chon̈ab', yet' pax stel watut 'aj 'oj waji, xin chi 'a 'a. Yuj swach'c'ojlal in Diosal 'a wib'an̈, 'ix ya'n win rey smasnil jun tzo'n̈ tic 'ayin.

Nehemías 8:7

Ax eb' levita, atn Josué, Bani, Serebías, Jamin, Acub, Sabtai, Hodías, Maasías, Kelitá, Azarías, Jozabad, Hanán yet' Pelaía, 'ix cham wal yaln 'elt eb' 'a eb' chon̈b' lin̈n 'ec' 'a yet'ul.

Pr 24:3

Tze na si'mb'il tas tzeyutj e b'on yol eyatut, 'icha junc n̈a wach' tz'aj sb'o yet' jelnal yet' pax wach' nab'enal.

Pr 3:6

Na cot Jehová yet' smasnil tas tzlaj a b'o', sec a 'oj e'n 'at 'a jun wach' b'eyb'al.

Jeremías 3:15

'Oj wa'ch eyilmal 'icha wal tas tzchaj in c'ojol, sec ax eb' 'oj 'a'nc yajlil 'a eyib'n̈ yet' jelnal yet' wach' nab'enal.

1 Co 14:20

Ex wu'tac, ex wanab', man̈ 'icha'oc eb' 'unin, man̈ 'ichcta tzeyutj e b'a e nan jun tzo'n̈ tic. Ax e b'eyb'al, comnoc 'icha eb' cotc 'unin, may 'aj tzb'o eb' maysch'olnil, 'ichcta tzeyutj e b'a. Ax e nab'en, caw te'n tzeyutej, yujto man̈ ex 'unnoc.