Esdras 7:16 - Chuj San Sebastian Bible

¹⁶ Tze'n pax 'at smasnil q'uen plata, q'uen oro xa chaj 'a eb' 'anma 'a yol smacb'en Babilonia, yet' jantcn̈ej q'uen ofrenda tz'el 'a sc'ojl eb' ya'mal 'och sti eb' 'anma 'a Dios ya'ni, yet' yic jun tzo'n̈ xo eb' et chon̈ab', atn q'uen tzyac' eb' yuj yatut e Diosal 'a Jerusalén.

Chuj San Mateo Bible

¹⁶ Tzic'anpaxb'at masanil q'uen plata, q'uen oro ix a cha d'a eb' anima d'a yol yic Babilonia yed' jantac tas tz'el d'a sc'ol eb' etisraelal yed' eb' sacerdote yac'an yuj scajnub' e Diosal chi'.

Esdras 7:16 Iomraidhean Croise

1 Cr 29:17

Wojc wal ach in Diosal, to tza b'eyc'ojlej qui nab'en, caw tzchaj a c'ojl tojlal. Yuj cha, an tic yet' in tojl nab'enal tzwa'n jun tzo'n̈ tic. A ticnec caw tzin tzalj wilni to a smasnil eb' a chon̈b' yamn 'a tic, wal 'a smasnil sc'ojl eb' 'ix ya'n eb' yofrenda 'ayach.

1 Cr 29:6

Xlajw cha, ax eb' yajl yaj 'a scal eb' yican, yet' eb' yajl yaj 'a junjn 'in̈tal eb' yit israelal, yet' eb' yajl yaj 'a junjn mil soldado, mto 'a junjn ciente soldado, yet' smasnil eb' yajl yaj 'a smasnil munljel tzb'o yuj win rey, 'ix 'el wal 'a sc'ojl eb' ya'n scolwal.

1 Cr 29:9

Caw 'ix tzalj smasnil eb' 'anma', yuj jun tzo'n̈ tas 'ix 'el 'a sc'ojl eb' yajl chi ya'ni, yujto yet' wal smasnil sc'ojl eb', 'ix ya'n eb' 'a Jehová. An̈jtona', caw 'ix tzalj pax rey David yet' eb'.

2 Cr 31:14

A Coré, yunnal Imna yin̈tl Leví, a yajl yaj 'a yib'n̈ eb' stan̈mal spuertail yatut Jehová 'a stojlal 'aj tzq'uel c'u, 'aych pax 'a yib'n̈ schan ofrenda to tz'el 'a sc'ojl eb' 'anma ya'ni, yet' ofrenda to tzpojx 'eq'ui, yet' tas to yic Jehová yaji.

2 Cr 6:2

Palta an tic, 'ix in b'o jun atut caw man̈x jantcoc swach'il, 'a 'aj tzach 'aji, jun et'l 'aj 'oj a can cajn 'a smasnil tiempo, xchi.

2 Cr 6:5

Yictax wi'n 'elt in chon̈b' 'a Egipto, may junc chon̈b' xin si'l 'a scal yin̈tl Israel, yic ata tzb'o junc watut 'aj tzin 'aj cajan, yic tzb'inax in b'i ta', mant 'a pax junc winc tox xin si'li, yic tzjucb'tzan in chon̈b' tic,

2 Cr 6:6

palta a ticnec, xin si'l chon̈b' Jerusalén, sec wach' ata tzb'inax in b'i. Ach in si'n pax 'eli sec wach' ach 'oj ac' reyl 'a yib'n̈ in chon̈b' tic, xchi Dios 'a in mam.

Esdras 1:4

E masnil ex to 'ayxto can 'a jun lugar tic, ex to tzex paxi, colwj cab' eb' 'anma cajn 'a e tz'ey ya'n 'at q'uen plata, q'uen oro, no cajb'en noc' yet' tzann̈j tas 'ay 'a eb'. Ya't cab' pax eb' yofrenda to tz'el 'a sc'ojl ya'n 'at yuj yatut Dios 'ay 'a Jerusalén, xchi jun ley cha.

Esdras 1:6

Smasnil eb' cajn 'a stz'ey eb', 'ix colwj eb' ya'n q'uen plata, q'uen oro, no c'ajb'en noc' yet' tas 'ay 'a eb', yet' jun tzo'n̈ tas to chan̈ stojol, yet' smasnil tas to tz'el 'a sc'ojl eb' ya'ni.

Salmos 135:21

¡A 'a lum tzaln Sión a cab' ta tzalx wach' paxti 'a Jehová, atn jun cajn 'ec' 'a Jerusalén! ¡Alx cab' wach' paxti 'a Jehová!

2 Co 8:12

Toto tz'el 'a qui c'ojlec ca'n cofrenda, caw tzalj Dios yet'oc, a tzyala tas 'ay 'ayn̈ec. Matz c'ana, toto may tas 'ay 'ayn̈ec.

2 Co 9:7

Junjn on̈ec, yowlal tzca'c 'icha tzqui nac yet' qui nab'en. Man̈ cusc'ojlaloc tzcutj ca'ni. Man̈ yujoc tzqui na'a, to tzon̈ 'ajx pural tzca'ni, yujto a Dios, tzchamc'ojlan eb' tzalji tzya'n yico'.