Esdras 6:21 - Chuj San Sebastian Bible

²¹ Smasnil eb' israel paxncta 'a Babilonia, schi eb' no xajmb'al yic jun q'uin̈ cha, yet' smasnil eb' xya'ch sb'a yet' eb', atn eb' spojjnac 'el sb'a 'a scal smaysch'olnilal eb' 'anma cajn 'a stz'ey eb', yic tzyaln sb'a eb' 'a Jehová sDiosal.

Chuj San Mateo Bible

²¹ Masanil eb' israel ix xid'ec' d'a Babilonia chi', ix chi noc' silab' yic q'uin̈ chi' eb', yed' eb' ix yiq'uel sb'a d'a schucal juntzan̈ ch'oc chon̈ab'il cajan d'a slac'anil. Junn̈ej ix yutej sb'a eb' yed' eb' israel yic tz'och eb' ejmelal d'a Jehová sDiosal Israel chi'.

Esdras 6:21 Iomraidhean Croise

2 Cr 30:19

wach'xam mantzac sacb'tzej sb'a eb', 'icha yaln sleyl atut, xchi.

Esdras 9:1

'Ix ec' jun tiempoal, ax eb' yajl yaj wuj 'a scal eb' chon̈b' cha, 'ix jaw eb' 'ayin, xyaln eb' 'ixtic: A eb' quit israelal, yet' eb' ya'mal 'och qui ti 'a Dios, yet' pax jun tzo'n̈ xo eb' levita, matz pojl sb'a eb' 'a scal eb' chuc chon̈b'al cajn 'a jun nacion̈ tic, 'in to tzb'eylb'ej eb' stu b'eyb'al eb' cananeo, eb' hitita, eb' ferezeo, eb' jebuseo, eb' amonita, eb' moabita, eb' egipcio yet' eb' amorreo.

Esdras 9:11

atn tas 'ix 'ac' yal eb' a checab', eb' tzach 'a'n servil. Ach tic 'ix al 'ayn̈ on̈ to jun 'eln̈ej maysch'olnil sb'eyb'al jun tzo'n̈ 'anma cajn 'a sat lum lum tzac' quico'oc on̈, b'ut'jnac 'el smasnil snacion̈ eb' yuj stu b'eyb'al.

Nehemías 10:28

Ax smasnil eb' chon̈ab', eb' ya'mal 'och sti eb' 'anma 'a Dios, eb' levita, atn eb' tan̈m puerta, eb' tzb'itni, eb' ya'mal servil yatut Dios, yet' nan̈l xo eb' yit chon̈b' eb' tox spojl sb'a 'a scal eb' chuc chon̈b'al 'a jun lugar cha, xyac' eb' sti', yic tzyiclj eb' sley Dios, yet' yistzil, yet' smasnil yunnal eb', yet' yisl eb', eb' to tzax nachj 'el jun cuynb'il chi yu'uj.

Nehemías 9:2

Tzpojn 'el sb'a eb' israel chi 'a scal eb' chuc chon̈b'al. Xq'ue lin̈n eb' yaln smul yet' smul eb' smam yichm eb'.

Salmos 93:5

Mamin Jehová, a wal jun tzo'n̈ a paxti tic, caw wal 'ay yip 'a jun 'ejmn̈ej. A atut niwn yel'chi yujto ecn̈ej yaj 'a smasnil tiempo.

Is 52:11

'Eln̈ecta, 'eln̈ect 'a yol schon̈b' eb' 'aj Babilonia, man̈ eyam tas man̈ wach'c 'ay 'a jun chon̈b' cha. A mach tz'i'nb'ey jun tzo'n̈ yamc'ab' yic Jehová, man̈x eya't e b'a 'a scal maysch'olnil.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.