Esdras 6:1 - Chuj San Sebastian Bible

¹ Yuj cha, xya'n win rey Darío sayxc 'ilxoc 'a 'aj tzmolx ch'an̈ un̈ to niwc yel'ch 'a Babilonia;

Chuj San Mateo Bible

¹ Yuj chi' ix yalan vin̈aj rey Darío chi' to saychaj tastac tz'ib'ab'il b'aj sic'b'ilcan tastac d'a Babilonia.

Esdras 6:1 Iomraidhean Croise

Esdras 4:15

Sayx cab' 'ilxoc 'a ch'an̈ libro yic snanb'il cot eb' a mam echam. Ata 'oj yala', ax ojcan 'eli to a jun chon̈b' cha, caw wal tenmtac. 'Ay smay 'a eb' rey, yet' 'a jun tzo'n̈ xo chon̈ab', yujto a 'a yic yaln̈taxi 'ix syamch ya'n stenmtaquil, yuj cha, 'ix lajw 'el jun chon̈b' tic.

Esdras 4:19

'Ix wa'n sayx 'ilxoc, 'ix 'ilchj toni, to a jun chon̈b' cha, caw wal tenmtac xyutj sb'a 'a eb' rey 'a yic yaln̈taxi, 'ix syam sb'a eb' ya'n tenmtacl 'a eb' rey cha.

Esdras 5:17

A ticnec mamin rey, toto wach' jun tic tzab'i, tzqui c'an 'ayach, to tzsayx 'ilxc 'a eb' ch'an̈ un̈ molb'il 'a sdespacho win rey 'a Babilonia cha, toto yel a rey Ciro tz'a'n b'o sjel yatut Dios 'a Jerusalén, tzal cot cab'i', tas tzotj a cuyn 'a yib'n̈ jun tic, xchi eb' 'a scarta cha.

Esdras 6:22

Uque c'u sna eb' sq'uin̈l 'ixm pan may yich 'a tzaljc'ojlal, yujto a Jehová a x'a'n 'och tzaljc'ojlal 'a snab'en eb', yujto xyac' jelmjoc snab'en win sreyl Persia, sec tzcolwj sb'on yatut Dios, atn sDiosal chon̈b' Israel.

Esdras 7:13

Tox 'ix wal 'a smasnil eb' et chon̈b' 'ayc' 'a yol in macb'en tic, toq'ue tzyal sc'ojl eb' tz'at et' 'a Jerusalén: atn eb' ya'mal 'och sti eb' 'anma 'a e Diosal, yet' jun tzo'n̈ xo eb' levita.

Job 29:16

'Icha to mamb'il waj 'a eb' 'ay tas sc'a'l tz'och yu'uj, tzin colwj pax in b'onyaj eb' chuc chon̈b'al yic 'ay tas tznib'j eb' sb'o'yaji.

Salmos 40:7

Yuj cha, 'ix waln 'ixtc 'ayach: Waj 'a tic ach in Diosal, 'icha wal yaj stz'ib'x can wab'xil 'a Ch'an̈ U'un̈.

Pr 25:2

Smoj wal qui'nec chan̈ sb'i Dios yuj tas c'ultac yaj yu'uj, ax eb' rey tzcalc eb' wach'il, yujto tzcham wal sb'eyc'ojlan eb' junc tas.

Jeremías 36:29

Tzaln jun tzo'n̈ paxti tic 'a win rey cha: 'Ixtc wal yaln Jehová: Ach tic 'ix 'a n̈us tz'a ch'an̈ u'un̈, 'ix a tenn 'och wan Jeremías yujto stz'ib'j 'a ch'an̈ un̈ cha, chajtlto 'oj jawc win sreyl Babilonia wul satl jun nacion̈ tic, man̈x 'a junc 'anma', man̈x 'a pax junc no noc' 'oj can 'a 'a.

Jeremías 36:32

Xlajw cha, xwi'n pax cot junx b'e'n̈ ch'an̈ u'un̈, 'ix wa'n 'a win Baruc, win 'ajtz'ib' yaj 'ayin. Ax win stz'ib'n pax smasnil tas 'ix walx cha, tzyal 'el'chi, atn smasnil tas tz'ib'b'il 'a ch'an̈ sn̈us win Joacim. 'Ayt jun tzo'n̈ xo stz'acb' xwac' stz'ib'c 'och to pax 'a ch'an̈.

Ez 2:9

Ax xwilni 'ay jun c'ab' xjaw 'a wojltac, 'ix cot b'achn 'ayn yet' jun ch'an̈ un̈ chulb'ilb'ec'an.

Ez 3:1

'Ix yaln 'ayn 'ixtic: Ach 'anma', c'ux tas x'ilchj o'oj, c'ux 'ejm tas tz'ib'b'il 'a ch'an̈ un̈ tic, tzlajw cha, tz'at alnc jun tzo'n̈ paxti chi 'a eb' et israelal, xchi 'ayin.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

Apoc 5:1

'Ix wiln jun wocn 'ejm 'a sdespacho. A 'a swach' c'ab', ata 'ay jun ch'an̈ un̈ chulb'ilb'ec'an. 'Ay stz'ib'l 'a yojol, yet' 'a spatic. 'Ay uque seyo 'aych 'a spatic. Yuj cha, matz tac' sjacwi.