Esdras 5:6 - Chuj San Sebastian Bible

^6-8 Atn scopiail ch'an̈ carta tic. Tzyal ch'an̈ 'ixtic: Mamin rey Darío, tznib'j qui c'ojl on̈ to junc'ojlal cab' aji. Tzcac' ojcoc 'eli, to on̈ xit' 'at quil smasnil yol yic Judá. A yatut jun Dios niwn yel'chi, wan sb'o'i, 'ayx 'och q'uen niwc q'uen 'a 'a. Tox 'ix q'ue spatzb'il, caw wal 'aych 'ip yuj eb' 'aj Judá, jab'xoj sb'o yuj eb'.

Chuj San Mateo Bible

⁶ Aton scopiail tas ix stz'ib'ejb'at vin̈aj Tatnai, vin̈aj Setar-boznai yed' pax juntzan̈xo eb' vin̈ yetyajalil eb' vin̈ d'a vin̈aj rey Darío chi'.

Esdras 5:6 Iomraidhean Croise

Esdras 4:23

Ax yic 'ix 'awtx ch'an̈ scarta rey Artajerjes 'a yojltac win comandante Rehum yet' Simsai win 'ajtz'ib', yet' eb' yitb'eym eb' cha, wal 'a yajn̈ej x'at eb' smasnil mu'c 'a Jerusalén, xit' ya'nc pural eb' yoch wan eb' 'aj Judá chi smunlji.

Esdras 4:9

A ch'an̈ carta cha, tzyal ch'an̈ 'ixtic: An comandante Rehum in tic yet' win 'ajtz'ib' Simsai, yet' jun tzo'n̈ xo eb' yajal, eb' juez, eb' gobernador, yet' eb' yajl cotnc 'a Persia, 'a Erec, 'a Babilonia, yet' 'a Susa 'a yol yic Elam, yet' 'a jun tzo'n̈ xo nacion̈, atn eb' 'ix 'ijx 'elt 'a yol schon̈b' yuj win Asnapar jun winc to niwn yel'chi, 'ix 'ijx 'at eb' yuj 'a chon̈b' Samaria, yet' 'a jun tzo'n̈ xo chon̈b' 'a sc'axpil 'e't sti a Éufrates. Tzcaln at 'aych mamin rey Artajerjes: An̈ a checb' on̈ tic on̈, cajn on̈ 'a sc'axpil 'e't sti a Éufrates, tic tzca't stzatzl a c'ojol:

Esdras 5:3

A 'a yic jun tiempoal cha, 'ix jaw Tatnai gobernador yaj 'a junx sc'axpil 'ec' a Éufrates, yet' Setar-boznai, yet' jun tzo'n̈ xo yitb'eym eb', Xyaln eb' 'ixtic: ¿Mach 'ix aln 'ayex, yuj cha, tze b'on chan̈ jun n̈a tic? ¿Tas sb'i jun tzo'n̈ winc chi tzb'on chan̈ jun n̈a tic? xchi eb'.

Esdras 6:6

Xlajw yab'n win rey tas alb'il can cha, xya'n cot win rey Darío jun ley 'a win Tatnai gobernador yaj 'a stojlal 'aj tz'em c'u 'a sc'axpil 'e't a Éufrates, yet' 'a Setar-boznai, yet' 'a eb' yit yajlil eb', xyaln cot 'a eb' 'ixtic: 'Actjec can chon̈b' Jerusalén.

Esdras 8:36

Xlajw cha, xca'n ch'an̈ scarta win rey 'a eb' gobernador yet' 'a eb' capitan̈ yaj 'a sc'axpil 'e't a Éufrates. Ax x'aji xcolwj eb' 'ayn̈ on̈, locn xo pax eb' scolwj quet' 'a yatut Dios.