Esdras 5:5 - Chuj San Sebastian Bible

⁵ Palta caw 'aych Dios yet' eb' tzjucb'tzan jun munljel cha, ma'ix tenx 'och wan eb' yuj eb' 'ajc'ojl cha. Ax win gobernador cha, ton̈j 'ix yac' win tz'ib'xoc 'at jun ch'an̈ carta 'a win rey Darío, stan̈wni win spac yuj tas 'oj yutc win rey chi yaln yu'uj.

Chuj San Mateo Bible

⁵ Palta a Dios ix och val yed' eb' israel scuchb'an jun munlajel chi', yuj chi' maj cachjioch vaan eb' munlajvum yuj vin̈ yajal chi' yed' eb' ajun yed'oc. An̈ejto ix stz'ib'ejb'at juntzan̈ lolonel eb' vin̈ d'a vin̈aj rey Darío, ix stan̈van eb' vin̈ tas ol aj spacan vin̈.

Esdras 5:5 Iomraidhean Croise

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

Esdras 7:28

Yuj schamc'ojlal Jehová, yuj cha, wach'n 'a sat win rey, 'a sat eb' ya'mal 'och snab'en winac, yet' 'a sat smasnil eb' niwc yel'ch yopiso yet' win rey cha. Yuj scolwal Jehová qui Diosalec 'a wib'an̈, yuj cha, xin te'wtzan in b'a, 'ix wa'n syam sb'a smasnil eb' yajl yaj 'a yib'n̈ yin̈tl eb' wit israelal, sec tzmeltzj eb' wet'oc, xchi Esdras.

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

Esdras 8:22

Tox 'ix calc 'a win rey cha, to a qui Diosalec a tztan̈wni mach tz'och 'emmquilal 'a 'a, palta tzcot yowl sc'ojl 'a mach matz yiclni tas tzyala. Yuj cha, tzin q'uixw in c'ann in soldado 'a win rey, atn eb' tzb'ey 'a yoc, yet' eb' tzq'ue 'a yib'n̈ chej yic tzon̈ stan̈wni eb' 'a yol b'e, xin chi 'a eb'.

Salmos 32:8

Mamin Jehová, ach 'ix al 'ayn 'ixtic: Q'ueln in 'ochn̈ej 'ayach, 'oj ach in cuyu', 'oj wac' a nab'enoc, ax in ch'oxn jun b'e 'aj 'oj a b'eyi.

Salmos 33:18

Palta ax Jehová q'uelnn̈ej 'och 'a eb' yiclum yet' 'a eb' to 'ay schamc'ojlal 'a 'a. A 'aych yipc sc'ojl eb',

Salmos 34:15

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a.

Salmos 76:10

A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

A Scarta San Pablo D'a Eb' Aj Filipos 1:28

Caw man̈ ex xiw 'a eb' tzchichn 'och 'ayn̈ec. 'Ixta 'oj eyutc e ch'oxn 'eli, to 'oj satcn 'el eb' 'a jun 'ejmn̈ej. An̈jtona', 'ixta 'oj 'aj scheclj 'eli, to 'ayx qui colnb'ilec, yujto 'ixta 'oj yutc Dios sch'oxni.

A Sb'ab'el Carta San Pedro 3:12

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a, palta 'ay cot yowl sc'ojl 'a yib'n̈ eb' tzb'on maysch'olnil, xchi 'a Ch'an̈.