Esdras 5:12 - Chuj San Sebastian Bible

¹² An̈jtona', xyaln pax eb', to a smam yichm eb' tzuntzjnac cot yowl sc'ojl Dios 'ay yic satcha'an̈, yuj cha, yajx 'och ab' eb' 'a yol sc'ab' win Nabucodonosor sreyl Babilonia, win yin̈tl eb' caldeo. Ab' ma'jnac 'ejm lan̈chjoc jun yatut Dios cha, xlajw cha, xyi'n 'at eb' 'anma 'a 'icha presoal 'a Babilonia cha.

Chuj San Mateo Bible

¹² Ix yalan eb' to a eb' smam yicham eb' tzuntzannaccot yoval sc'ol sDiosal satchaan̈ chi', yuj chi' a ac'annacoch eb' d'a yol sc'ab' vin̈aj Nabucodonosor sreyal Babilonia, yin̈tilal eb' caldeo. A vin̈ pojannac em jun pat chi', yic'annacb'at eb' anima vin̈ d'a Babilonia chi'.

Esdras 5:12 Iomraidhean Croise

A Ch'an̈ Schab'il Libro Yic Yab'ixal Eb' Rey 24:2

Palta 'ix chec cot Jehová eb' soldado 'aj Babilonia atn eb' caldeo, eb' sirio, eb' moabita, yet' eb' amonita yic tzwul yelc'noc eb' tas 'ay 'a chon̈b' Judá, sec wach' tzjuw 'el yuj eb', 'icha yaj yaln can eb' schecb' Dios.

A Ch'an̈ Schab'il Libro Yic Yab'ixal Eb' Rey 25:1

Ax 'a yic slajn̈il xo c'u yic slajn̈il 'uj 'a yic sb'aln̈il ab'il xo yoch Sedequías reyal, 'ix jaw rey Nabucodonosor yet' smasnil soldado yac' owl 'a Jerusalén. 'Ix 'och oyn eb' 'a spatquil, sb'on chan̈ eb' scamplamento 'a yojltac chon̈b' cha, sb'on pax chan̈ eb' sb'achte 'a spatquil smuroal.

2 Cr 36:20

Ax jantcto eb' ma'ix cham yuj espada, 'ix 'ijx 'at eb' 'a 'icha presoal 'a Babilonia. 'Ix 'ochcn eb' smosooc win rey yet' eb' yunnal winac, masnto xyij yip nacion̈ Persia.

Salmos 106:40

'Ix stzuntzj cot wal eb' yowl a c'ojl 'a yib'an̈, 'ix alni to man̈x eco'oc eb'.

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Jeremías 5:29

¿Tom ma'oj wac' syailal eb' yuj jun tzo'n̈ tic? An Jehová in, an tzwala, to 'oj wac' spac yic eb' 'anma tzb'on 'icha jun tzo'n̈ tic.

Jeremías 51:59

A 'a yic schan̈l ab'il yoch Sedequías reyl 'a Judá, a yic cha, 'ix yaln Jeremías win schecb' Dios jun tzo'n̈ paxti tic 'a win Seraías yunnal Nerías, win yixchicn Maasías. A win Seraías cha, ajun win yet' win rey Sedequías yic 'ix 'at eb' 'a Babilonia, a win 'ajcuenta sayn yet'l win rey 'aj wach' scani yic tz'ec' win 'aj tz'eq'ui.

Jeremías 52:12

A 'a yic slajn̈il c'u yoch yol 'uj yic sb'aln̈lajn̈il ab'il yoch Nabucodonosor reyl 'a Babilonia, 'ix c'och Nabuzaradán 'a Jerusalén, sat yajl yaj yuj win Nabucodonosor, comandante pax yaj 'a eb' soldado tztan̈wni win rey cha.

Dn 9:5

Caw x'och qui mul on̈ yet' qui tenmtacl 'ayach. Cojxn̈ej maysch'olnil xqui b'o on̈, man̈x ach nanoc cuj on̈. 'Ix qui patquiln can 'el a checnb'il on̈ yet' pax a ley.

Dt 31:17

Yuj wal cha, 'oj cot wowl 'a eb', ax wactn can eb' sch'ocoj. Man̈x 'oj in na cot eb', man̈x yalnb'ilc yailal yet' pax b'ilc'ojlal 'oj jawc 'a yib'n̈ eb', masnto 'oj yal eb' 'ixtic: ¿Tas wal yuj tzcab'c syail, yuj am to man̈x 'ayc 'ec' qui Diosalec quet'oc? 'oj schic eb'.

Dt 32:30

¿Tas yuj cojn yuj junc eb' 'ajc'ojol on̈ 'atc 'elc junc mil on̈ec? ¿Tas pax yuj cojn chawn̈ eb' xon̈ pechn 'at lajn̈e mil on̈ec? May tas tztac' yuj eb', toto man̈oc Jehová qui Colmal on̈ 'a'nec 'a yol sc'ab' eb'.

Jueces 2:14

Yuj wal cha, xcot yowl sc'ojl Jehová 'a eb'. 'Ix 'ajx 'och eb' 'a yol sc'ab' nan̈l eb' soldado xwul 'elc'noc tas 'ay 'a eb'. 'Ix 'ajx 'och pax eb' 'a yol sc'ab' eb' 'ajc'ojl 'ayc' 'a stz'ey, man̈x 'ic stac' scoln sb'a eb' 'a eb' 'ajc'ojl cha.

Jueces 4:2

Yuj cha, xya'n Dios eb' 'a yol sc'ab' win Jabín sreyl Canaán, win ya'jnac reyl 'a Hazor. A win syajlil eb' soldado win rey cha, atn win tzcuch Sísara. Ata cajn win 'a Haroset-goim.

Jueces 6:1

A eb' israel caw man̈ wach'c tas 'ix sb'o eb' 'a sat Jehová, yuj cha, 'ix 'ajx 'och eb' 'a yol sc'ab' eb' madianita 'a uque ab'il yuj Jehová.