Esdras 5:1 - Chuj San Sebastian Bible

¹ A eb' schecb' Dios 'a jun tiempoal cha, atn Hageo yet' Zacarías, yunnal Iddo, xyaln eb' 'a eb' 'aj Judá yet' 'a eb' 'aj Jerusalén yuj tas 'ix yal sDiosal eb' 'a 'a.

Chuj San Mateo Bible

¹ A eb' vin̈ schecab' Jehová Dios, aton vin̈aj Hageo yed' vin̈aj Zacarías yuninal vin̈aj Iddo, ix och ijan eb' vin̈ yalan d'a eb' aj Judá yed' d'a eb' aj Jerusalén, tas syal Jehová Dios d'a eb'.

Esdras 5:1 Iomraidhean Croise

Esdras 4:24

'Ixtnta 'ajnc yoch wan sb'o yatut Dios 'a Jerusalén 'a jun tiempoal cha, masnto yic schab'l ab'il yoch win Darío reyl 'a Persia.

Esdras 6:14

Ax eb' tzjucb'tzan jun munljel cha, x'ochx eb' swach' b'oc yatut Dios, masnto xlajw sb'o'i, 'icha wal yaj yaln can eb' schecb' Dios, atn Hageo, yet' Zacarías yunnal Iddo. 'Ixtnta x'aj swach' b'o yatut Dios cha. 'Ix b'o 'icha 'ix yutj yaln sDiosal chon̈b' israel, yet' tas xyal eb' sreyl Persia, atn Ciro, Darío yet' Artajerjes.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Hageo 1:1

A 'a yic b'ab'l c'u yoch swacl 'uj yic schab'l ab'il yoch win Darío reyal, ata in schec Jehová an Hageo in tic yic tz'at in paxtinc yet' win gobernador 'a Judá, atn Zorobabel, yunnal can Salatiel, yet' pax Josué win sat ya'mal 'och sti eb' 'anma 'a Dios, win yunnal can Josadac.

Hageo 2:18

A 'a yic 24 yoch sb'aln̈il 'uj yic jun ab'il tic, a 'a jun c'u tic xe ya'x can 'ejm yipnub'al yich watut.

Zacarías 8:9

A Jehová tztac' yuj smasnil, a tzaln 'ixtic: Te'n tzeyutj e b'a, ex to wan eyab'n jun tzo'n̈ paxti 'ix yalcn 'el eb' in checb' 'a yictax x'ejm yipnub'al yich watut sb'o'i, an Jehová in tztac' wuj smasnil.