Esdras 4:9 - Chuj San Sebastian Bible

^9-11 A ch'an̈ carta cha, tzyal ch'an̈ 'ixtic: An comandante Rehum in tic yet' win 'ajtz'ib' Simsai, yet' jun tzo'n̈ xo eb' yajal, eb' juez, eb' gobernador, yet' eb' yajl cotnc 'a Persia, 'a Erec, 'a Babilonia, yet' 'a Susa 'a yol yic Elam, yet' 'a jun tzo'n̈ xo nacion̈, atn eb' 'ix 'ijx 'elt 'a yol schon̈b' yuj win Asnapar jun winc to niwn yel'chi, 'ix 'ijx 'at eb' yuj 'a chon̈b' Samaria, yet' 'a jun tzo'n̈ xo chon̈b' 'a sc'axpil 'e't sti a Éufrates. Tzcaln at 'aych mamin rey Artajerjes: An̈ a checb' on̈ tic on̈, cajn on̈ 'a sc'axpil 'e't sti a Éufrates, tic tzca't stzatzl a c'ojol:

Chuj San Mateo Bible

⁹ Aton jun carta tic ix yac'b'at eb' vin̈ chavan̈ chi' yed' eb' vin̈ yajal yaj yed' eb' vin̈ yed' eb' vin̈ ay yopisio cotnac d'a Persia yed' eb' ic'b'ilcot d'a Erec, d'a Babilonia, d'a Susa, d'a yol smacb'en Elam

Esdras 4:9 Iomraidhean Croise

Gn 10:22

Eb' yunnal Sem, atn Elam, Asur, Arfaxad, Lud yet' Aram.

A Ch'an̈ Schab'il Libro Yic Yab'ixal Eb' Rey 17:24

A sreyl chon̈b' Asiria 'ix 'i'n cot eb' 'anma 'ayc' 'a Babilonia, 'a Cuta, 'a Ava, 'a Hamat, yet' 'a Sefarvaim, 'ix jaw cajn eb' 'a jun tzo'n̈ chon̈b' 'ay 'a yol yic Samaria sjelc eb' israel.

Esdras 4:8

A win Rehum a comandante yaji, ax Simsai a 'aj tz'ib', a 'ix tz'ib'n 'at jun ch'an̈ carta 'a win rey Artajerjes cha.

Esdras 5:3

A 'a yic jun tiempoal cha, 'ix jaw Tatnai gobernador yaj 'a junx sc'axpil 'ec' a Éufrates, yet' Setar-boznai, yet' jun tzo'n̈ xo yitb'eym eb', Xyaln eb' 'ixtic: ¿Mach 'ix aln 'ayex, yuj cha, tze b'on chan̈ jun n̈a tic? ¿Tas sb'i jun tzo'n̈ winc chi tzb'on chan̈ jun n̈a tic? xchi eb'.

Esdras 5:6

Atn scopiail ch'an̈ carta tic. Tzyal ch'an̈ 'ixtic: Mamin rey Darío, tznib'j qui c'ojl on̈ to junc'ojlal cab' aji. Tzcac' ojcoc 'eli, to on̈ xit' 'at quil smasnil yol yic Judá. A yatut jun Dios niwn yel'chi, wan sb'o'i, 'ayx 'och q'uen niwc q'uen 'a 'a. Tox 'ix q'ue spatzb'il, caw wal 'aych 'ip yuj eb' 'aj Judá, jab'xoj sb'o yuj eb'.

Esdras 6:6

Xlajw yab'n win rey tas alb'il can cha, xya'n cot win rey Darío jun ley 'a win Tatnai gobernador yaj 'a stojlal 'aj tz'em c'u 'a sc'axpil 'e't a Éufrates, yet' 'a Setar-boznai, yet' 'a eb' yit yajlil eb', xyaln cot 'a eb' 'ixtic: 'Actjec can chon̈b' Jerusalén.

Nehemías 4:2

Syamn 'och yaln b'uchwal paxti 'ayn̈ 'a sat eb' yitb'eym ajun yet'oc, yet' 'a sat eb' soldado 'aj Samaria, xyaln 'ixtic: ¿Tas wan sb'on jun tzo'n̈ israel 'a'm wejl tic? ¿Tom 'oj ya'x eb' xajmb'al jun 'ejm xo snani? ¿Tom junn̈j c'u 'oj sb'o eb' jun munljel tic snani? ¿Tzcob' sna am eb' to a 'a scal jun tzo'n̈ tz'anc q'uen tic, ata 'oj yic' 'elt eb' jun tzo'n̈ 'a't q'uen yalni? xchi eb'.

Ester 1:2

Ax chon̈b' Susa a sat yaj 'a eb' chon̈b' cha, ata 'ay sdespacho win rey.

Ester 2:3

Si' cab' win rey tic junjnoc schecb' 'a junjn niwc chon̈ab' 'a yol smacb'en, yic wach' a eb' tz'i'n cot smasnil eb' 'ix cob'stac 'ix to caw wach' yilxi. Jaw cab' eb' 'ix 'a yatut win rey 'a Susa tic. Tz'ochcn eb' 'ix 'a yol sc'ab' win Hegai, atn win tztan̈wni eb' 'ix yistl win rey, ax win tzb'on yilx eb' 'ix.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Jeremías 25:25

'Ix wa'n 'a smasnil eb' rey 'a chon̈b' Zimri, 'a Elam, yet' 'a Media,

Jeremías 49:34

A yic schan 'el Sedequías yich ya'n reyl 'a Judá, a yic cha, 'ix yal Jehová 'ixtc 'a 'ayn an Jeremías in tic yuj chon̈b' Elam.

Ez 32:24

Ata mucb'il win sreyl chon̈b' Elam, oyn 'och smasnil eb' soldado 'a stz'ey, atn eb' chamnc yuj owal. Teln 'ec' sniwnal win 'a scal eb' 'anma chamnc yuj owl cha, atn eb' man̈ wico'oc, eb' 'a'jnac 'ejm xiwc'ojlal 'a scal eb' 'anma 'a yolyib'n̈q'uinl tic, palta man̈x 'a yel'ch x'aj sc'och eb' 'a scal eb' chamnc cha.

Dn 8:2

A wal xwutj wilni, 'icha wal to 'ayn 'ec' 'a chon̈b' Susa, jun 'ay 'a yol yic Elam 'a sti a niwn a Ulai sb'i.

A Tas Sc'ulejnac Eb' Schecab' Jesús Hechos 2:9

A 'a qui calec, 'ay mach 'aj Partia, 'aj Media, 'aj Elam, 'aj Mesopotamia, 'aj Judea, 'aj Capadocia, 'aj Ponto, yet' 'a yol yic Asia.