Esdras 4:7 - Chuj San Sebastian Bible

⁷ Ax 'a yol stiempoal Artajerjes, sreyl Persia, ata 'ix tz'ib'x 'at jun ch'an̈ carta yuj Bislam, Mitrídates, Tabeel, yet' jun tzo'n̈ xo eb' yitb'eym eb'. A ch'an̈ carta cha, tz'ib'b'il ch'an̈ 'a sti eb' arameo.

Chuj San Mateo Bible

⁷ An̈ejtona' ayic ayoch vin̈aj Artajerjes reyal d'a Persia, ix slajtiej sb'a vin̈aj Bislam, vin̈aj Mitrídates, vin̈aj Tabeel yed' pax juntzan̈xo eb' vin̈ yetb'eyum eb' vin̈. Ix stz'ib'ejb'at juntzan̈ lolonel eb' vin̈ d'a vin̈ rey chi'. A d'a ti' arameo ix tz'ib'chaj ch'an̈ uum chi'.

Esdras 4:7 Iomraidhean Croise

A Ch'an̈ Schab'il Libro Yic Yab'ixal Eb' Rey 18:26

Xlajw cha, 'ix ta'w Eliaquim, Sebna, yet' Joa 'ixtc 'a win syajlil eb' soldado asirio cha: Tzon̈ tew 'ayach, to tzach paxtin 'ayn̈ 'a sti arameo, yujto tznachj 'el cuj an̈ tic on̈. Man̈ al 'ayon̈ 'a sti hebreo, yujto tzyab' eb' 'anma 'ay q'ue 'a yib'n̈ smuroal chon̈b' tic, xchi eb'.

Esdras 4:1

'Ix yab'n sb'a eb' 'ajc'ojl yajch 'a eb' paxncta 'a Babilonia, atn eb' yin̈tl Judá yet' eb' yic Benjamín, to wan xo sb'on pax eb' yatut Jehová sDiosal Israel.

Esdras 4:17

Xlajw cha, xya'n 'at win rey chi spac spaxti eb' cha, xyaln win 'ixtic: Ach comandante Rehum yet' ach 'ajtz'ib' Simsai, yet' pax jun tzo'n̈ xo eb' eyitb'eym cajn 'a Samaria, yet' jun tzo'n̈ xo chon̈b' 'a sc'axpil 'ec' a cha, tzwac' stzatzl e c'ojol, junc'ojlal cab' eyaji.

Esdras 4:8

A win Rehum a comandante yaji, ax Simsai a 'aj tz'ib', a 'ix tz'ib'n 'at jun ch'an̈ carta 'a win rey Artajerjes cha.

Esdras 4:9

A ch'an̈ carta cha, tzyal ch'an̈ 'ixtic: An comandante Rehum in tic yet' win 'ajtz'ib' Simsai, yet' jun tzo'n̈ xo eb' yajal, eb' juez, eb' gobernador, yet' eb' yajl cotnc 'a Persia, 'a Erec, 'a Babilonia, yet' 'a Susa 'a yol yic Elam, yet' 'a jun tzo'n̈ xo nacion̈, atn eb' 'ix 'ijx 'elt 'a yol schon̈b' yuj win Asnapar jun winc to niwn yel'chi, 'ix 'ijx 'at eb' yuj 'a chon̈b' Samaria, yet' 'a jun tzo'n̈ xo chon̈b' 'a sc'axpil 'e't sti a Éufrates. Tzcaln at 'aych mamin rey Artajerjes: An̈ a checb' on̈ tic on̈, cajn on̈ 'a sc'axpil 'e't sti a Éufrates, tic tzca't stzatzl a c'ojol:

Esdras 5:6

Atn scopiail ch'an̈ carta tic. Tzyal ch'an̈ 'ixtic: Mamin rey Darío, tznib'j qui c'ojl on̈ to junc'ojlal cab' aji. Tzcac' ojcoc 'eli, to on̈ xit' 'at quil smasnil yol yic Judá. A yatut jun Dios niwn yel'chi, wan sb'o'i, 'ayx 'och q'uen niwc q'uen 'a 'a. Tox 'ix q'ue spatzb'il, caw wal 'aych 'ip yuj eb' 'aj Judá, jab'xoj sb'o yuj eb'.

Esdras 7:1

A yic 'aych win Artajerjes reyl 'a Persia, a yic cha, ata 'ayc' jun win ya'mal 'och sti' eb' israel 'a Dios 'a Babilonia, tzcuch Esdras. Ax eb' smam yichm 'aj cotnc yin̈til, atn eb' tic: Seraía, Azarías, Hilcías, Salum, Sadoc, Ahitob, Amarías, Azarías, Meraiot, Zeraías, Uzi, Buqui, Abisúa, Finees, Eleazar, yet' Aarón, win b'ab'l ya'mal 'och sti eb' 'anma 'a Dios.

Esdras 8:36

Xlajw cha, xca'n ch'an̈ scarta win rey 'a eb' gobernador yet' 'a eb' capitan̈ yaj 'a sc'axpil 'e't a Éufrates. Ax x'aji xcolwj eb' 'ayn̈ on̈, locn xo pax eb' scolwj quet' 'a yatut Dios.

Nehemías 2:1

A 'a yic jun c'ual 'a yol 'uj Nisán, 'a yic sjunc'lil ab'il yoch Artajerjes reyal, yic wan wa'n 'ejm yal uva 'a yojltac win rey, xyilni to cusltac in sat, palta may 'aj 'ixta wilxi.

Is 36:11

Xlajw cha, 'ix ta'w Eliaquim, Sebna, yet' Joa 'a win syajlil eb' soldado asirio cha: Tzon̈ tew 'ayach, to tzach paxtin 'ayn̈ 'a sti arameo, yujto tznachj 'el cuj an̈ tic on̈. Man̈ al 'ayn̈ 'a sti hebreo, yujto tzyab' eb' 'anma 'ay q'ue 'a yib'n̈ smuroal chon̈b' tic, xchi eb'.

Dn 11:2

A ticnec, 'oj wac' ojcoc 'el jun tzo'n̈ tas to caw yel 'oj ujoc. 'Ayt chan̈wn̈ eb' rey 'oj yac' yajlil 'a Persia cha, 'oj 'e'cn 'oxwn̈ eb', ax yoch win schan̈l cha. A jun cha, yel xo 'oj q'ue'choc ricoal 'a yib'n̈ 'oxwn̈ xo eb' cha. Yuj wal sricoal cha, ax yi'n wal yip eb' soldado, ax ya'n owl si'mb'il yet' jun sreyl Grecia cha.

Dn 2:4

Xlajw cha, 'ix paxtin eb' tzyal jelnal sb'a chi 'a win rey 'a sti eb' arameo, atn sti eb' cha, 'ix yaln eb' 'ixtic: —¡Mamin rey, 'ayc'n̈ej cab' opiso tic 'a jun 'ejmn̈ej! Al 'ayn̈ an̈ a checb' on̈ tic, tas 'ix el 'a a waych cha, an̈ xo 'oj cal 'aych on̈ tas tzyal 'el'chi, xchi eb'.