Esdras 4:4 - Chuj San Sebastian Bible

⁴ Palta caw 'ix 'och tecn eb' 'ajc'ojl chi 'a eb', sec tzchab'c'ojlej sb'a eb' 'aj Judá, yic tzyactcn eb' sb'on jun munljel cha.

Chuj San Mateo Bible

⁴ Palta ix och val ijan eb' ajc'ol chi' yac'an chab'axq'ue sc'ol eb', yic xivchaan̈ masanil eb' cajan d'a Judá chi' yic vach' maxtzac sb'oxiq'ue jun templo chi' eb'.

Esdras 4:4 Iomraidhean Croise

A Ch'an̈ Schab'l Libro Samuel 4:1

A yic xyab'n win Is-boset, win yunnal can Saúl chajtlto xcham Abner 'a Hebrón, yuj cha, 'ix xiw cha'an̈, xiw chan̈ pax smasnil eb' israel 'aych yet'oc.

Esdras 3:3

Wach'xam to tzxiw eb' 'a eb' chon̈b' 'ay 'a stz'ey eb' cha, palta 'ix scha b'oj pax chan̈ eb' jun yet'l xajmb'al chi 'a yet'l xoni. 'A junjn sq'uin̈b'ial yet' 'a junjn yemc'ual, 'ix ya'n tz'a eb' xajmb'al to tz'a smasnil yuj yijx chan̈ sb'i Jehová yuj eb'.

Esdras 4:5

An̈jtona', 'ix yac' eb' 'ajc'ojl chi tumn smontnub'loc jun tzo'n̈ eb' yajl 'a Persia cha, sec wach' tztenx 'och wan eb' israel yet' jun munljel cha. 'Ixtan̈ej xyutj sb'a eb' 'a smasnil tiempo yic 'aych Ciro reyl 'a Persia, masnto 'a yic x'och win Darío reyal.

Nehemías 4:11

Am wal snan eb' 'ajc'ojl yajch 'ayn̈ chi 'on̈, to ma'oj nachj 'el cu'uj, yic matz quil yoch eb' 'a qui cal yic tzon̈ smiln cham eb', ax yoch wan jun munljel tic yaln eb'.

Nehemías 4:2

Syamn 'och yaln b'uchwal paxti 'ayn̈ 'a sat eb' yitb'eym ajun yet'oc, yet' 'a sat eb' soldado 'aj Samaria, xyaln 'ixtic: ¿Tas wan sb'on jun tzo'n̈ israel 'a'm wejl tic? ¿Tom 'oj ya'x eb' xajmb'al jun 'ejm xo snani? ¿Tom junn̈j c'u 'oj sb'o eb' jun munljel tic snani? ¿Tzcob' sna am eb' to a 'a scal jun tzo'n̈ tz'anc q'uen tic, ata 'oj yic' 'elt eb' jun tzo'n̈ 'a't q'uen yalni? xchi eb'.

Nehemías 6:9

A eb' cha, tzyal eb' 'ixta', yuj on̈ xib'tn chan̈ eb', snan am eb' to 'oj cac' chab'c'ojlal, sec man̈xtzac lajw sb'o jun munljel tic; palta to xwach' 'och in te'nal.

Jeremías 38:4

Yuj cha, 'ix yaln eb' yajl chi 'a win rey chi 'ixtic: —Mil cham jun winc tic, yujto tzjaw schab'c'ojlal eb' soldado 'ayt 'ec' 'a yol chon̈b' tic yuj spaxti win tzyala, tzya'n pax win somchjoc snab'en smasnil eb' 'anma'. A wal jun winc tic, caw man̈oc swach'l eb' quit chon̈b' tzsaya, palta to tzjuw 'el snab'en eb' yu'uj, xchi eb'.

Dn 10:13

A jun ángel yajl yaj 'a yol yic Persia, a in yamn 'och wan junschawinc c'ual. Ax pax Miguel, atn jun ángel sat yajl yaji, a xjaw colwjoc wet'oc, 'ix cancn 'a stz'ey eb' syajlil Persia cha.

Dn 10:20

'Ix yaln 'ayn 'ixtic: ¿Ojc ama tas yuj in jaw wul ach wila'? A ticnec, 'oj wal 'ayach, tas jun tzo'n̈ tz'ib'b'il 'a ch'an̈ libro yic jun tzo'n̈ paxti caw yel: A ticnec, to 'oj in 'atx wac' owl yet' jun ángel syajlil Persia. Ax yic 'oj lajwc wa'n owl yet' cha, ax sjaw pax jun ángel syajlil Grecia. A yic tzwa'n owl yet' eb', may junc mach tzcolwj wet'oc, cojn wal Miguel, jun ángel syajlil chon̈b' Israel, a tzcolwj wet'oc.