Esdras 4:15 - Chuj San Sebastian Bible

¹⁵ Sayx cab' 'ilxoc 'a ch'an̈ libro yic snanb'il cot eb' a mam echam. Ata 'oj yala', ax ojcan 'eli to a jun chon̈b' cha, caw wal tenmtac. 'Ay smay 'a eb' rey, yet' 'a jun tzo'n̈ xo chon̈ab', yujto a 'a yic yaln̈taxi 'ix syamch ya'n stenmtaquil, yuj cha, 'ix lajw 'el jun chon̈b' tic.

Chuj San Mateo Bible

¹⁵ Saychajocab' iljoc b'aj molb'ab'il tas tz'ib'ab'ilcan yuj eb' a mam icham. Ata' ol il yuj tas scalb'at tic, ol ojtacaneli to a jun chon̈ab' tic te chuc, ay smay eb' d'a juntzan̈xo eb' rey yed' d'a juntzan̈xo nación. Yuj schucal eb', ix satjiel schon̈ab' eb' tic.

Esdras 4:15 Iomraidhean Croise

A Ch'an̈ Schab'il Libro Yic Yab'ixal Eb' Rey 24:20

Yuj cha, 'ix cot yowl sc'ojl Jehová 'a Jerusalén yet' 'a Judá, masnto 'ix yij 'el eb' 'a yojltac. 'Ix meltzj 'och Sedequías 'ajc'ojlal 'a sreyl Babilonia.

A Ch'an̈ Schab'il Libro Yic Yab'ixal Eb' Rey 25:4

Ax eb' caldeo 'ix yac' ganar eb' sma'n olchjoc smuroal jun chon̈b' cha. Wach'xam oyn 'och eb' soldado chi 'a spatquil, palta 'ix 'el win rey yet' smasnil eb' soldado 'a 'ac'wal. 'Ix 'el eb' 'a scal yawb'ente eb' rey. X'el'ch eb' 'a jun puerta 'a snan̈l chab' muro, 'ix 'at eb' 'a jun b'e tzc'och 'a span̈nil sti a Jordán.

Esdras 4:12

Tzcac' ojcoc 'el mamin rey, to a eb' 'aj Judá paxncta 'a Babilonia, c'ochnc eb' 'a Jerusalén. Wan sb'on pax chan̈ eb' jun chon̈b' to tenmtac xoni, caw maysch'olnil. Ya'jnacx 'ejm eb' yipnub' yich, wan xo sb'on chan̈ eb' smuroal jun chon̈b' cha.

Esdras 4:14

Palta an̈ xo tic, 'ayn̈ 'och ach ca'n servil mamin rey, ma'oj yal qui c'ojl to 'ixta 'oj aji. Yuj cha, tzca'n ojcoc 'el jun tzo'n̈ tic.

Esdras 4:16

Tzcac' ojcoc 'eli, toto a jun chon̈b' tic, to tzb'ox chan̈ yet' smuroal, toto 'ixta', man̈x 'a aln ec 'a sc'axpil 'e't sti a Éufrates tic, xchi eb' 'a win rey cha.

Nehemías 2:19

Palta ax yic xyab'n Sanbalat yet' Tobías cha, yet' pax Gesem win árabe, caw 'ix b'uchjw eb' 'ayn̈ on̈, man̈x 'a quel'ch 'a eb' on̈, xyaln eb' 'ixtic: —¿Tas 'oj e b'o'? ¿Tom tze nib'j tzeyac' tu nab'enal 'a win rey? xchi eb'.

Nehemías 6:6

'a 'aj tzyal win 'ixtic: Caw wal tzb'ey speclal 'a scal 'anma', 'ixtnta pax yaln Gesem, chajtlto ach tic yet' eb' et israelal, to wan e nalb'an eyi'n 'el e b'a 'a yaln̈ schecnb'il win rey. Yuj cha, wan e b'on chan̈ e muro. A tzyal wal tz'aj yel speclal, tolab' ach 'oj och reyal.

Ester 2:23

A jun paxti cha, 'ix sayx 'ec' wal si'mb'il toto caw yel, ax yic xcheclji, chajtlto caw yel, yuj cha, a eb' schecb' win rey chi schawn̈il, 'ix 'ajx q'ue locn eb' 'a jun te', yic tzcham eb'. A jun 'ix uj cha, 'ix yac' win rey chi tz'ib'xoc can 'a ch'an̈ un̈ 'a 'aj tz'ib'x yab'xil jun nacion̈ cha.