Esdras 4:12 - Chuj San Sebastian Bible

¹² Tzcac' ojcoc 'el mamin rey, to a eb' 'aj Judá paxncta 'a Babilonia, c'ochnc eb' 'a Jerusalén. Wan sb'on pax chan̈ eb' jun chon̈b' to tenmtac xoni, caw maysch'olnil. Ya'jnacx 'ejm eb' yipnub' yich, wan xo sb'on chan̈ eb' smuroal jun chon̈b' cha.

Chuj San Mateo Bible

¹² Mamin rey, scalb'at d'ayach to a eb' judío ac'b'il meltzaj d'a yol a macb'en, ix javi eb' d'a Jerusalén tic. Van sb'oanxiq'ue jun chon̈ab' eb', jun pit yutejnac sb'a. Toxo ix syamoch eb' sb'oanxiq'ue smuroal, vanxo sb'oel yuj eb'.

Esdras 4:12 Iomraidhean Croise

A Ch'an̈ Schab'il Libro Yic Yab'ixal Eb' Rey 18:20

¿Tom tzcob' e na', to yujn̈ej paxti wach' yalxi, ax yel yip eb' in soldado to jeln ya'n owal? ¿Mach wal 'aych yipc e c'ojol, yuj cha, tze nib'n tzyac' owl wet'oc?

A Ch'an̈ Schab'il Libro Yic Yab'ixal Eb' Rey 24:1

A 'a yol stiempoal Joacim 'ix cot Nabucodonosor sreyl Babilonia yet' eb' soldado, yic tzya'n eb' owl yet'oc. 'Ix 'och 'a yol nacion̈ cha, ax Joacim 'oxe ab'il 'ix syiclj tas xyal win Nabucodonosor cha. Palta yajn̈ej sjeln snab'en, 'ix meltzj 'och 'ajc'ojlal 'a 'a.

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

Esdras 4:15

Sayx cab' 'ilxoc 'a ch'an̈ libro yic snanb'il cot eb' a mam echam. Ata 'oj yala', ax ojcan 'eli to a jun chon̈b' cha, caw wal tenmtac. 'Ay smay 'a eb' rey, yet' 'a jun tzo'n̈ xo chon̈ab', yujto a 'a yic yaln̈taxi 'ix syamch ya'n stenmtaquil, yuj cha, 'ix lajw 'el jun chon̈b' tic.

Esdras 4:19

'Ix wa'n sayx 'ilxoc, 'ix 'ilchj toni, to a jun chon̈b' cha, caw wal tenmtac xyutj sb'a 'a eb' rey 'a yic yaln̈taxi, 'ix syam sb'a eb' ya'n tenmtacl 'a eb' rey cha.

Esdras 5:3

A 'a yic jun tiempoal cha, 'ix jaw Tatnai gobernador yaj 'a junx sc'axpil 'ec' a Éufrates, yet' Setar-boznai, yet' jun tzo'n̈ xo yitb'eym eb', Xyaln eb' 'ixtic: ¿Mach 'ix aln 'ayex, yuj cha, tze b'on chan̈ jun n̈a tic? ¿Tas sb'i jun tzo'n̈ winc chi tzb'on chan̈ jun n̈a tic? xchi eb'.

Esdras 5:9

Xlajw cha, xqui c'anb'n 'ixtc 'a eb' tzjucb'tzan jun munljel cha: ¿Mach 'ix alni tze b'on jun n̈a tic?

Nehemías 1:3

Xyaln eb' 'ayn 'ixtic: A eb' quit chon̈b' cha, 'ayc' eb' ticnec 'a Judá, caw cusltac yaj eb', q'uixweltac yilx 'och eb'. Ax pax yuj Jerusalén, mac'b'il 'ejm lan̈chjoc smuroal, tz'anc pax spuertail, xchi eb' 'ayin.

Nehemías 6:6

'a 'aj tzyal win 'ixtic: Caw wal tzb'ey speclal 'a scal 'anma', 'ixtnta pax yaln Gesem, chajtlto ach tic yet' eb' et israelal, to wan e nalb'an eyi'n 'el e b'a 'a yaln̈ schecnb'il win rey. Yuj cha, wan e b'on chan̈ e muro. A tzyal wal tz'aj yel speclal, tolab' ach 'oj och reyal.

Ester 3:8

Yuj cha, 'ix yaln Amán 'a win rey Asuero 'ixtic: —A 'a smasnil chon̈b' 'ayc' 'a yol a macb'en 'ach mamin rey, 'ay wal jun macn̈ 'anma chuc yeli; chuc yel sley 'a yib'n̈ jun tzo'n̈ xo chon̈ab', matz yiclj xon a ley mamin rey. Caw man̈ smojc cajnn̈ej 'ec' eb' 'a yol a macb'en 'aj tzac' reyal.

Jeremías 52:3

Caw tenmtac xyutj sb'a 'a win sreyl Babilonia. A eb' 'aj Judá yet' eb' 'aj Jerusalén caw 'ix stzuntzj cot eb' yowl Jehová, yuj cha, 'ix yi'n 'el eb' 'a yojltac. Yuj jun tzo'n̈ cha, tz'ec' jun tzo'n̈ niwc yailal tic 'a yib'n̈ eb'.

Dn 3:8

A 'a yic cha, 'ay jun tzo'n̈ ewin caldeo 'ix wul 'a'nc 'och sc'a'l eb' 'aj Judá 'a win rey.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

Lc 13:34

Ax wal tic ex 'aj Jerusalén, caw tzlaj e mil cham eb' schecb' Dios. Ax jun tzo'n̈ xo eb' tzchecx cot yuj Dios 'ayex, ton̈j tzlaj e jul cham eb' yet' q'uen q'ue'en. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni. 'Ixta tzex wutej, palta toxn matz yal e c'ojol.

A Tas Sc'ulejnac Eb' Schecab' Jesús Hechos 24:5

A wal win Pablo tic, caw tzcab' syal yuj on̈, 'ijn matz caw techj cuj on̈. C'uxn tz'ec' stzuntzc chan̈ win owl 'a scal eb' quit israelal 'a junjn lugar. Yajl yaj win 'a junc'aj xo cuynb'il, atn eb' tzya'ch sc'ojl 'a jun win 'aj Nazaret.

1 Ts 5:22

Smasnil tas maysch'olnil, caw man̈ e cha eyab'i'.