Esdras 3:10 - Chuj San Sebastian Bible

¹⁰ A yic 'ix ya'n 'ejm eb' albanil yich yatut Jehová, 'ix q'ue wan lin̈n eb' ya'mal 'och sti eb' 'anma 'a Dios, xya'n 'och eb' spichl yic yopiso cha, xyutz'n eb' strompeta. Ax eb' levita yin̈tl Asaf, syucn eb' jun tzo'n̈ q'uen címbalo, yic wan yaln eb' swach' paxti 'a Jehová, 'icha yaj yaln can David win ya'jnac reyl 'a chon̈b' Israel 'a pecti'.

Chuj San Mateo Bible

¹⁰ Ayic ix yac'anem yich scajnub' Jehová chi' eb' albañil, ix q'ue lin̈an eb' vin̈ sacerdote, ayoch spichul eb' vin̈ yic sacerdoteal, yed'nac strompeta eb' vin̈. Axo eb' levita yin̈tilal vin̈aj Asaf yed'nac splatillo eb', sb'itan eb' d'a Jehová, icha yalnaccan vin̈aj David sreyal Israel d'a peca'.

Esdras 3:10 Iomraidhean Croise

1 Cr 15:24

Ax eb' ya'mal 'och sti eb' 'anma 'a Dios, atn Sebanías, Josafat, Natanael, Amasai, Zacarías, Benaía yet' Eliezer. A eb' tz'utz'n trompeta 'a yojltac te caxa cha. An̈jtona pax Obed-edom yet' Jehías tan̈m caxa pax yaj eb'.

1 Cr 15:27

A te pichl lino caw wach' 'aych yuj David, 'ixta pax yic eb' levita b'achjnac te caxa cha. An̈jtona', 'ixta pax yic eb' tzb'itn cha, 'ixta yic Quenanías win tzjucb'tzan eb' tzb'itni. A David 'aych pax jun schaleco nab'a lino yu'uj.

1 Cr 16:37

Xlajw cha, xya'n can 'och David yopiso win Asaf yet' eb' ajun yet'oc, sec wach' a eb' tz'iln te scaxail strato Jehová 'a junjn c'u, a tzyal tas tzc'anx ta'.

1 Cr 16:42

A eb' tic, 'ix yutz'j eb' trompeta, syucn eb' platillo yet' jun tzo'n̈ xo yamc'ab', yic tzb'itn eb' 'a Dios, ax pax eb' yunnal Jedutún tan̈m puerta yaj eb'.

1 Cr 23:5

Chan̈e mil eb' tz'och stan̈malc puerta, ax chan̈e xo mil eb' tz'och 'a alj wach' paxti 'a yojltac Jehová, yet' jun tzo'n̈ yamc'ab' ya'jnac David b'o'oc, yic tz'och yopiso ta'.

2 Cr 35:14

Xlajw cha, sb'on eb' mun yico', yet' pax yic eb' ya'mal 'och sti eb' 'anma 'a Dios, yujto a eb' yin̈tl Aarón cha, caw wal witz'n yaj eb', yuj ya'n tz'a eb' no xajmb'al to tz'a smasnil yet' no xepual masnto tzq'uic'b'i. Yuj cha, mun wal tzb'o eb' levita yico', yet' yic pax eb' yin̈tl Aarón cha.

2 Cr 35:15

Ax pax eb' 'aych 'a yib'n̈ sb'itni, atn eb' yin̈tl can Asaf, a eb' tic, 'aychn̈ej eb' yiln yopiso, 'icha yaljnac can David, yet' Asaf, Hemán, Jedutún, atn eb' schecb' rey David 'a pecti'. Ax eb' tan̈m puerta 'aychn̈ej pax eb' yiln yopiso. May junc eb' xyactjcan yiln yopiso, yujto a eb' yit levitail eb', a eb' xb'on xajmb'al eb' cha.

2 Cr 5:12

Ax smasnil eb' levita 'aych 'a yib'n̈ to tzb'itni, 'icha Asaf, Hemán yet' Jedutún, eb' yunnal eb', yet' pax eb' yican eb', lin̈n 'och eb' 'a stz'ey yet'l xajmb'al 'a stojlal 'aj tzq'uel c'u. A te lino 'aych spichloc eb'. Yamb'il címbalo, salterio, yet' pax arpa yuj eb'. 'Ay pax 120 eb' ya'mal 'och sti eb' 'anma tz'utz'n trompeta yet' eb'.

Esdras 5:16

Xlajwn̈ej sc'och Sesbasar 'a Jerusalén, xya'n 'ejm yipnub'al yich yatut Dios. Yictax cha, x'el yich sb'o'i, palta mantzac lajw sb'o ticnec.

Salmos 150:5

B'itn coyc yet' q'uen platillo tzsil-li sjaj. B'itn coyc yet' q'uen platillo c'uyyi s'at sjaj 'a najat.

Hageo 2:15

A ticnec, nac coti tas eyaj 'a yic mantzac eyij 'el yich e b'on pax watut tic.

Zacarías 4:10

A jun tzo'n̈ eb' may yel'ch 'a sat yic 'ix 'el yich jun munljel cha, ax yic 'oj yilnc eb' to wan ya'n 'och Zorobabel plomo yic tztojlb'tzan 'och q'uen slajb' q'uen tz'och 'a watut cha, caw 'oj tzaljoc chan̈ eb', xchi Dios. Xlajw cha, 'ix yaln pax jun ángel chi 'ixtic: A uque cantil cha, a tzch'oxni 'icha to 'ay uque yol sat Jehová, yujto c'uxn tzyil smasnil yolyib'n̈q'uinal, xchi.

Zacarías 4:6

'Ix yaln pax jun ángel chi 'ayn jun 'ejm xo: A Jehová tztac' yuj smasnil a tzaln jun tzo'n̈ paxti tic 'ixtc 'a win Zorobabel: Man̈ yujoc eb' soldado, man̈ yujoc pax yip junc mach, ax sta'n o'oj, palta yuj Wespíritu.

Zacarías 4:7

Wach'xam til wal yajltacl sb'o watut 'icha junc niwquil witz, palta a 'a sat ach Zorobabel, man̈ 'ajltacc 'oj 'aj sb'o'i. Ach wal 'oj a'ch q'uen niwquil q'uen niwn yel'ch 'oj q'ue 'a sjolm schicn watut cha, ya' sb'a ax eb' chon̈ab', wan yel yaw eb' yaln 'ixtic: Man̈x jantcoc swach'l yilx x'aji, ya' cab' Dios swach'c'ojlal 'a yib'an̈, 'oj xchic eb', xchi Dios, xchi jun ángel cha.

Zacarías 6:12

Tzaln 'a 'ixtic: A Jehová tztac' yuj smasnil, a tzaln 'ixtic: 'Ay jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol, 'oj yic' wal yip 'a 'aj 'ayc' cha, 'oj sb'ox chan̈ sjel watut.

Zacarías 7:3

Xwul sc'anb'noc eb' 'ixtc 'a eb' schecb' Dios, yet' 'a eb' ya'mal 'och sti eb' 'anma': ¿An̈j 'ijnoc am tzca'ch te pichl n̈achtac yic cusc'ojlal on̈, tzon̈ 'och pax am 'a c'ajb'c'ojlal 'a yotquil 'uj yic junjn ab'il, yic tzqui nan cot sma'nb'il 'ejm yatut Dios, 'icha xon tzqui b'o'ec, masnto ticnec? xchi eb'.

A Ch'an̈ B'ab'el Libro Samuel 22:18

Yuj cha, xyaln win rey chi 'ixtc 'a Doeg win edomita: —Mil cham ewin ach tic, xchi winac. Yuj cha, syamn 'och win Doeg smiln cham eb'. A wal 'a yic jun c'u cha, 'ay 85 sb'isl eb' winc smil cham winac, atn eb' tz'a'n 'och te pichl chaleco to nab'a lino.