Esdras 2:68 - Chuj San Sebastian Bible

⁶⁸ 'Ay jun tzo'n̈ eb' yajl yaj 'a yib'n̈ eb' yican, a yic xjaw eb' 'a yatut Jehová 'a Jerusalén, 'ix ya'n eb' yofrenda yic tzb'ox can chan̈ yatut Dios 'a yet'l xoni.

Chuj San Mateo Bible

⁶⁸ Ayic ix c'och eb' d'a Jerusalén, ay juntzan̈ eb' yajal d'a scal eb', ix yac' silab' eb' yuj sb'ochajxi scajnub' Jehová b'aj ayec' d'a peca'.

Esdras 2:68 Iomraidhean Croise

1 Cr 21:18

'Ix yaln jun yángel Jehová chi 'a Gad, to tzyal 'a David, to tzb'o chan̈ junc yet'l xajmb'al 'a ste'lab' trigo Ornán cha.

1 Cr 22:1

Yuj cha, 'ix yaln David 'ixtic: A 'a tic 'oj b'o chan̈ yatut Jehová Dios, yet' jun yet'l xajmb'al 'aj 'oj ca'c tz'a qui xajmb'al an̈ israel on̈c tic, xchi.

2 Cr 3:1

'Ix 'el yich sb'on eb' munljum yatut Jehová 'a Jerusalén, yic schab'l xo c'u yoch schab'l 'uj yic schan̈l ab'il yoch Salomón reyl 'a Israel. Ata xb'o 'a lum jolm witz Moriah, 'a 'aj sch'oxjnac sb'a Jehová 'a David. Atn jun lum chi yic yatut Dios yajcn yuj David cha, atn 'a ste'lab' trigo win Ornán 'aj Jebús.

Esdras 2:69

A tzyal wal tas tztechj ya'n eb', a 'ix yac' eb' 'a jun mach tzchan colwal yic jun munljel cha. 'Ix yac' eb' 1,030 libra q'uen oro, 5,740 libra q'uen plata, yet' jun ciente jucn pichl yic eb' ya'mal 'och sti eb' 'anma 'a Dios.

Esdras 3:3

Wach'xam to tzxiw eb' 'a eb' chon̈b' 'ay 'a stz'ey eb' cha, palta 'ix scha b'oj pax chan̈ eb' jun yet'l xajmb'al chi 'a yet'l xoni. 'A junjn sq'uin̈b'ial yet' 'a junjn yemc'ual, 'ix ya'n tz'a eb' xajmb'al to tz'a smasnil yuj yijx chan̈ sb'i Jehová yuj eb'.

Esdras 9:9

Wach'xam mosoal caji, palta ma'on̈ actjcan on̈. Ach qui Diosal on̈, 'ix a ch'ox a chamc'ojlal 'a q'uib'n̈ 'a sat eb' sreyl Persia. 'Ix 'ac' qui tzatzl on̈ yic tzqui b'on pax sjel atut 'aj pojnc 'ejmi, ach on̈ a tan̈wj 'a Judá yet' 'a Jerusalén tic on̈.

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

Ex 25:2

Al jun tic 'a eb' et israelal, to tzyac' eb' junc yofrenda 'ayin. A jun ofrenda cha, 'oj q'ue wan 'a scal smasnil eb' to tz'el 'a sc'ojl ya'ni.

Ex 35:21

Xlajw cha, 'ay eb' caw 'ix tzalj chan̈ spixn yuj jun tzo'n̈ paxti cha, 'ix laj yi'noc cot eb' yofrenda chi 'a Jehová yuj sb'omb'il jun scajnub' Dios, atn 'aj tzchaj sb'a yet' eb' 'anma'. 'Ix yij cot eb' smasnil tas tzc'anxi, yet' pax yic te pichl wach' yilx cha.

Ex 35:29

Smasnil eb' israel cha, yet' wal smasnil sc'ojl eb' xcolwj eb' 'a jun munljel xyac' Jehová b'o'oc, eb' winac yet' eb' 'ix 'ix, xcolwj eb' smasnil. Yuj cha, c'uxn 'ix yac' eb' yofrenda chi smasnil 'a Jehová.

Ex 36:3

A ewin xchan smasnil jun tzo'n̈ ofrenda xyij cot smasnil eb' yit israelal eb' cha, xyaln Moisés 'a ewinac to tz'el yich sb'o scajnub' Dios. Ya' sb'a cha, caw wal 'ay stzaljc'ojlal eb' 'anma yi'n cot yofrenda 'a junjn sq'uin̈b'ial.

2 Co 8:12

Toto tz'el 'a qui c'ojlec ca'n cofrenda, caw tzalj Dios yet'oc, a tzyala tas 'ay 'ayn̈ec. Matz c'ana, toto may tas 'ay 'ayn̈ec.

2 Co 8:3

Tzwac' testigoal in b'a yuj eb', chajtlto yelc'ojlal xyac' eb' smasnil tas stac' yu'uj, caw yelc'ojlal xyac' eb' jun tzo'n̈ xo.

2 Co 9:7

Junjn on̈ec, yowlal tzca'c 'icha tzqui nac yet' qui nab'en. Man̈ cusc'ojlaloc tzcutj ca'ni. Man̈ yujoc tzqui na'a, to tzon̈ 'ajx pural tzca'ni, yujto a Dios, tzchamc'ojlan eb' tzalji tzya'n yico'.