Esdras 10:11 - Chuj San Sebastian Bible

¹¹ A ticnec 'ojquejec 'eli to x'och e mul 'a Jehová qui Diosalec yet' eb' qui mam quichmec, yicljec 'icha wal tznib'ej. Pojc 'el e b'a 'a scal eb' 'anma chuc chon̈b'al, tzeyactn can eb' 'ix 'ix cha, xchi Esdras 'a eb'.

Chuj San Mateo Bible

¹¹ A ticnaic, alecq'ueta e mul d'a yichan̈ Jehová sDiosal eb' co mam quicham, c'anab'ajejec tas snib'ej. Iq'uequel e b'a d'a scal eb' anima ch'oc chon̈ab'il chi', tzeyactanpaxcan eb' ix ix, ix eyic'laj e b'a yed'oc d'a scal eb' chi', xchi vin̈.

Esdras 10:11 Iomraidhean Croise

2 Cr 30:22

A Ezequías, 'ix yal yuj diosal 'a smasnil eb' levita, to caw xya'ch eb' 'a snab'en ya'n servil Jehová. 'Ix chi eb' no xajmb'al tz'ajx xajmb'al-l 'a jun q'uin̈ to niwn yel'ch 'a uque c'u. 'Ix yac' eb' xajmb'al yic junc'ojlal, 'ix ya'n eb' yuj diosal 'a Jehová qui Diosalec, atn sDiosal eb' qui mam quichmec.

Esdras 10:10

Xlajw cha, xq'ue wan Esdras win ya'mal 'och sti eb' 'anma 'a Dios, xyaln 'a eb' 'ixtic: —Ax tic x'och e mul, yujto xeyij e b'a yet' eb' 'ix 'ix chuc chon̈b'al, yuj cha, 'ixta x'aj scot maysch'olnil 'a quib'n̈ec an̈ israel on̈c tic.

Esdras 10:12

'Ix ta'w eb' 'anma chi smasnil, xyaln eb' 'ixtc 'a caw 'ip: —'Oj qui b'o 'icha tzal cha.

Esdras 10:3

A ticnec, tzqui b'o qui trato yet' qui Diosalec, to 'oj qui chec meltzjc eb' 'ix quistzil chi 'on̈, atn eb' 'ix chuc chon̈b'al yet' yune'. 'Oj qui yicljc tas tzal ach tic, yet' jun tzo'n̈ xo eb' tzxiw 'a schecnb'il Dios et'oc, ax qui b'on 'icha yaln sley.

Esdras 9:1

'Ix ec' jun tiempoal, ax eb' yajl yaj wuj 'a scal eb' chon̈b' cha, 'ix jaw eb' 'ayin, xyaln eb' 'ixtic: A eb' quit israelal, yet' eb' ya'mal 'och qui ti 'a Dios, yet' pax jun tzo'n̈ xo eb' levita, matz pojl sb'a eb' 'a scal eb' chuc chon̈b'al cajn 'a jun nacion̈ tic, 'in to tzb'eylb'ej eb' stu b'eyb'al eb' cananeo, eb' hitita, eb' ferezeo, eb' jebuseo, eb' amonita, eb' moabita, eb' egipcio yet' eb' amorreo.

Nehemías 13:3

Yuj cha, a yic xyab'n eb' quit chon̈b' tas tzyal ch'an̈ ley cha, 'ix spojn 'el eb' smasnil eb' 'anma chuc chon̈b'al cajn 'a scal eb'.

Nehemías 9:2

Tzpojn 'el sb'a eb' israel chi 'a scal eb' chuc chon̈b'al. Xq'ue lin̈n eb' yaln smul yet' smul eb' smam yichm eb'.

Salmos 32:5

Mamin Jehová, 'ix wojquej 'eli to x'och in mul 'ayach. 'Ix yaln in c'ojl waln q'uet in mul cha, may tas xin c'ub'j can 'eli. Ach xo, 'ix ac' lajwc in mul chi 'a wib'an̈.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Is 56:4

Yujto a Jehová a tzaln 'ixtic: A eb' man̈ tz'acnoc sniwnal cha, toto tzyiclj eb' sc'ul 'iljelal, tzyiclni eb' tas tzin nib'ej, tzchan eb' yab' tas tzyal in trato,

Jeremías 3:13

'Ojquejec 'eli chajtlto x'och e mul, caw ex 'och tenmtacl 'a 'ayn an Jehová e Diosal in tic. An tzwala to 'ix 'och e mul e b'on 'ajmulal yet' jun tzo'n̈ comn dios 'a yich eb' te te caw pim xi'il. Caw ma'ix eyiclj in checnb'il, xchi Dios, xa chi 'a eb', xchi 'ayin.

Jeremías 7:3

A Jehová tztac' yuj smasnil, atn qui Diosalec an̈ israel on̈c tic, a tzaln 'ixtic: Toto 'oj e b'o e b'eyb'al, to 'ixta', 'oj ex wa'x can cajn 'a sat lum lum tic.

Ez 18:30

Ex israel, e Yajlil waji, an 'oj ex in b'eyc'ojloc yuj tas maysch'olnil tze b'o'o. An tzwala to tzeyactj can smasnil e tu b'eyb'al, sec man̈oc 'oj e satn 'eli.

Jn 9:24

Xlajw cha, 'ix yawtn paxt ewin win 'ix jacw sat cha, 'ix yaln ewin 'ixtc 'a 'a: —Caw yel tzach paxtin 'a sat Dios. Yujto cojc on̈, caw 'ajmul jun winc tzal jacnc a sat cha, xchi ewin 'a 'a.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.

A Ch'an̈ Carta D'a Eb' Hebreo 13:21

Tzin nib'ej, yuj schic'l cha, tzwach' b'oj Dios e nab'en, sec wach'n̈j 'oj eyutc e b'a, tze b'on 'icha tznib'ej. Tzin nib'j paxi, yuj Jesucristo caw wach' tzon̈ 'ajc 'a sat, sec tzalj quet'ec. Niwn cab' yel'ch Cristo 'a smasnil tiempo. 'Ixta cab' tz'aji.

Josué 7:19

Xlajw cha, xyaln Josué 'a win Acán chi 'ixtic: —Ach 'un, 'a sat Jehová qui Diosalec an̈ israel on̈c tic, tza jacn a ti'oc, tas wal jun maysch'olnil chi 'ix a b'o'o, man̈ a c'ub'c 'eli, xchi 'a winac.