Esdras 10:10 - Chuj San Sebastian Bible

¹⁰ Xlajw cha, xq'ue wan Esdras win ya'mal 'och sti eb' 'anma 'a Dios, xyaln 'a eb' 'ixtic: —Ax tic x'och e mul, yujto xeyij e b'a yet' eb' 'ix 'ix chuc chon̈b'al, yuj cha, 'ixta x'aj scot maysch'olnil 'a quib'n̈ec an̈ israel on̈c tic.

Chuj San Mateo Bible

¹⁰ Ix lajvi chi', ix q'ue lin̈an vin̈aj sacerdote Esdras chi', ix yalan vin̈ d'a eb' icha tic: —A ex tic ix och e mul yujto ix eyic'laj e b'a yed' eb' ix ix ch'oc chon̈ab'il. Icha chi' ix aj svach' och co mul.

Esdras 10:10 Iomraidhean Croise

2 Cr 28:13

xyaln eb' 'a eb' 'ixtic: —Man̈ eyi'ch eb' 'icha presoal 'a tic, yujto a jun cha, caw tz'och qui mulc 'a Jehová. Ax tic, 'ipn e sayn tas tz'aj sniwtj qui mul 'a 'a, yuj cha, caw tzcot yowl sc'ojl 'ayn̈ec an̈ israel on̈c tic, xchi eb'.

Esdras 10:11

A ticnec 'ojquejec 'eli to x'och e mul 'a Jehová qui Diosalec yet' eb' qui mam quichmec, yicljec 'icha wal tznib'ej. Pojc 'el e b'a 'a scal eb' 'anma chuc chon̈b'al, tzeyactn can eb' 'ix 'ix cha, xchi Esdras 'a eb'.

Esdras 10:9

Yuj cha, smasnil eb' winc yic Judá yet' eb' yic Benjamín, 'ix syam sb'a eb' 'a Jerusalén 'a yoxl c'u cha, atn 'a junc'l yoch sb'aln̈il 'uj. 'Ix 'em wocn eb' smasnil 'a yamq'uil yatut Dios, caw wal tzxiw eb' yuj jun paxti cha, tz'ib'x pax eb' yuj n̈ab' tz'ejmi.

Esdras 9:14

Toto tenmtac tzcutj qui b'a jun 'ejm xo 'a a checnb'il, junn̈j pax tzcutj qui b'a yet' jun tzo'n̈ 'anma chuc chon̈b'al maysch'olnil sb'eyb'al cha, ¿tom ma'oj cot yowl a c'ojl 'a quib'n̈ on̈, ax on̈ a satn 'eli? Smoj am man̈x 'a junc on̈ tzon̈ can 'a qui pitznal on̈.

Esdras 9:6

Xwaln 'a 'ixtic: Ach in Diosal, caw wal tzin q'uixw wi'n chan̈ in sat 'ayach, man̈xtzac nachj wu'uj tas tzwutj waln in b'a 'ayach. Yujto x'ec' 'a yib'n̈ yoch qui mul on̈, 'ix q'ue'ch wal qui mul 'a satchan̈ on̈.

Nm 32:14

Ax tic, yunnal ex eb' tenmtac cha, tze nib'j tze b'eylb'ej sb'eyb'al eb' e mam eyichm cha. ¿Tom tze nib'j eyic' paxt yowl sc'ojl Jehová jun 'ejm xo 'a quib'n̈ec?

Mt 23:32

A tas sb'ojnac eb' e mam eyichm cha, ax xo, ton̈j tze wach' 'a'j 'och xicul.