Esdras 1:6 - Chuj San Sebastian Bible

⁶ Smasnil eb' cajn 'a stz'ey eb', 'ix colwj eb' ya'n q'uen plata, q'uen oro, no c'ajb'en noc' yet' tas 'ay 'a eb', yet' jun tzo'n̈ tas to chan̈ stojol, yet' smasnil tas to tz'el 'a sc'ojl eb' ya'ni.

Chuj San Mateo Bible

⁶ Axo masanil eb' anima cajan d'a slac'anil eb', ix yac' q'uen oro eb', q'uen plata, noc' molb'etzal noc', tastac te caro stojol yed' pax juntzan̈xo ofrenda to tz'el val d'a sc'ol eb' yac'ani.

Esdras 1:6 Iomraidhean Croise

1 Cr 29:9

Caw 'ix tzalj smasnil eb' 'anma', yuj jun tzo'n̈ tas 'ix 'el 'a sc'ojl eb' yajl chi ya'ni, yujto yet' wal smasnil sc'ojl eb', 'ix ya'n eb' 'a Jehová. An̈jtona', caw 'ix tzalj pax rey David yet' eb'.

Esdras 1:4

E masnil ex to 'ayxto can 'a jun lugar tic, ex to tzex paxi, colwj cab' eb' 'anma cajn 'a e tz'ey ya'n 'at q'uen plata, q'uen oro, no cajb'en noc' yet' tzann̈j tas 'ay 'a eb'. Ya't cab' pax eb' yofrenda to tz'el 'a sc'ojl ya'n 'at yuj yatut Dios 'ay 'a Jerusalén, xchi jun ley cha.

Esdras 8:33

Ax 'a schan̈l c'ual on̈ 'at 'a yatut qui Diosalec. Yajn̈ej 'ix quechtan q'uen plata, q'uen oro yet' jun tzo'n̈ xo yamc'ab'. 'Ix ca'n 'a yol sc'ab' eb' wit ya'mal-l 'och sti eb' 'anma 'a Dios, atn win Meremot, yunnal Urías. 'Ayc' pax Eleazar yet'oc, atn yunnal Finees, yet' jun tzo'n̈ xo eb' levita, atn Jozabad, yunnal Jesúa yet' Noadías yunnal Binuy.

Nehemías 6:9

A eb' cha, tzyal eb' 'ixta', yuj on̈ xib'tn chan̈ eb', snan am eb' to 'oj cac' chab'c'ojlal, sec man̈xtzac lajw sb'o jun munljel tic; palta to xwach' 'och in te'nal.

Salmos 106:46

Xa'n nachjoc 'el yuj eb' 'ajc'ojl cha, to wach' tzyutj eb' snab'en 'a yib'n̈ eb'.

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

Ex 12:35

'Ix syiclni eb' israel chi tas 'ix yal Moisés, sc'ann eb' oro, plata yet' pichl 'a eb' 'aj Egipto cha.

Ex 12:36

'Ix paxtin Jehová 'a snab'en eb' 'aj Egipto cha, wach' 'ix yutj eb' snab'en 'a eb' israel, 'ix ya'n eb' smasnil tas sc'an eb' cha. 'Ixta wal 'ix yutj eb' yi'n 'ec' tas 'ay 'a eb' 'aj Egipto cha.

Is 35:3

'A'c 'och ste'nal eb' to may yip sc'ab', 'a'c yip eb' 'icha to sicb'nac 'el yoc.

2 Co 9:7

Junjn on̈ec, yowlal tzca'c 'icha tzqui nac yet' qui nab'en. Man̈ cusc'ojlaloc tzcutj ca'ni. Man̈ yujoc tzqui na'a, to tzon̈ 'ajx pural tzca'ni, yujto a Dios, tzchamc'ojlan eb' tzalji tzya'n yico'.