Esdras 1:3 - Chuj San Sebastian Bible

³ Yuj cha, tzann̈j ex to schon̈b' Jehová eyaji, colwjan̈ec, 'ixquec 'at b'oc chan̈ yatut Jehová e Diosal 'a Jerusalén 'a yol yic Judá.

Chuj San Mateo Bible

³ Yuj chi', yaln̈ej mach ex schon̈ab' ex Jehová, colvajocab' Jehová e Diosal chi' eyed'oc. A ticnaic ixiquec d'a Jerusalén d'a yol yic Judá, tze b'oanxiq'ue scajnub' Jehová e Diosal chi' ta'.

Esdras 1:3 Iomraidhean Croise

A Ch'an̈ B'ab'el Libro Yic Yab'ixal Eb' Rey 18:39

A yic xyiln eb' 'anma yuj tas 'ix uji, 'ix 'em c'umn eb' 'a sat lu'um, masnto squil 'ejm eb' snan̈l sat 'a sat lu'um. Xyaln eb' 'ixtic: A Jehová yel Dios toni, Dios ton wal b'i'an, xchi eb'.

A Ch'an̈ B'ab'el Libro Yic Yab'ixal Eb' Rey 8:23

xyaln 'ixtic: Mamin Jehová, ach qui Diosal an̈ Israel on̈ tic on̈, may junc xo Dios lajn et' 'a satcha'an̈ yet' 'a sat lum tic, yujto tzac' 'el'choc a trato, tza ch'oxn pax a wach'c'ojlal 'a mach tzyiclni yet' smasnil sc'ojl 'a tas tzala.

1 Cr 28:20

¡'Ac' ep, te'n tzotj a b'a, 'och cab' munljel! Man̈ ach xiwoc, man̈ a chab'c'ojloc a b'a, yujto a Jehová qui Diosal a 'oj 'ochn̈j et'oc. Ma'oj ach yactcani, masnto 'oj lajwc c'och smasnil munljel 'oj 'a b'o 'a yatut Jehová cha.

Esdras 1:4

E masnil ex to 'ayxto can 'a jun lugar tic, ex to tzex paxi, colwj cab' eb' 'anma cajn 'a e tz'ey ya'n 'at q'uen plata, q'uen oro, no cajb'en noc' yet' tzann̈j tas 'ay 'a eb'. Ya't cab' pax eb' yofrenda to tz'el 'a sc'ojl ya'n 'at yuj yatut Dios 'ay 'a Jerusalén, xchi jun ley cha.

Esdras 4:3

Palta 'ix ta'w Zorobabel yet' Jesúa yet' jun tzo'n̈ eb' yajl cha, xyaln eb' 'ixtic: —Ma'oj stac' qui mol b'onec chan̈ yatut qui Diosal tic on̈, cojn on̈ an̈ israel on̈ tic 'oj qui b'o', yujto 'ixta 'ix yutj yaln Ciro sreyl Persia, xchi eb'.

Esdras 5:13

Palta a yic yab'lil yoch Ciro sreyloc Babilonia, xyaln ab'i' to tzb'ox q'ue wan sjel yatut Dios 'a Jerusalén.

Esdras 5:3

A 'a yic jun tiempoal cha, 'ix jaw Tatnai gobernador yaj 'a junx sc'axpil 'ec' a Éufrates, yet' Setar-boznai, yet' jun tzo'n̈ xo yitb'eym eb', Xyaln eb' 'ixtic: ¿Mach 'ix aln 'ayex, yuj cha, tze b'on chan̈ jun n̈a tic? ¿Tas sb'i jun tzo'n̈ winc chi tzb'on chan̈ jun n̈a tic? xchi eb'.

Esdras 6:7

Man̈ e tench wan win gobernador yic chon̈b' Israel, yet' eb' tzjucb'tzan eb' tzb'on sjel yatut Dios, sb'o cab' chan̈ eb' 'a yet'l xoni.

Salmos 132:13

An Jehová in, an xin si'l lum tzaln Sión wico'oc, yujto ata tzin nib'j tzin 'aj cajan.

Salmos 83:18

sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.

Is 37:16

Mamin Jehová, qui Diosal ach an̈ israel on̈ tic, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

Is 44:28

An tzwal 'a win Ciro 'ixtic: Ach 'aych 'och yilmalc wu'uj, ach 'oj a b'o smasnil tas tzin nib'ej, xin chi 'a 'a. Tzwaln 'a Jerusalén: Ach tic 'oj a b'ox chan̈ jun 'ejm xo, ax yajx pax 'ejm yich watut jun 'ejm xo, xin chi 'a 'a, xchi Dios.

Is 45:5

Cojn in ton Jehová in, may junc xo. May junc xo Dios, Cojxn In Toni. An 'oj wac' ep, wach'xam man̈ in ojcoc.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Dn 2:47

'Ix yaln win rey chi 'a Daniel 'ixtic: —Wal yel a e Diosal ax tic, cojxn̈ej niwquil yel'ch 'a yib'n̈ jun tzo'n̈ xo comn dios, syajlil eb' rey yaji, a tzch'oxni tas jun tzo'n̈ waych to c'ultac yaji, tic wal 'ix nachj 'el jun waych tic o'oj, xchi winac.

Dn 6:26

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

A Tas Sc'ulejnac Eb' Schecab' Jesús Hechos 10:36

A Dios 'a'jnac can spaxti 'ayn̈ an̈ israel on̈ tic on̈. Yaljnac 'ayn̈ on̈, to 'ay junc'ojlal yuj Jesucristo, atn Cajlilec qui masnil.

Dt 32:31

Caw wal yojc eb' 'ajc'ojl cha, to a scolmal eb', matz tac' slajb'tzan sb'a yet' qui Colmal.

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.