Ef 6:6 - Chuj San Sebastian Bible

⁶ Man̈ cojnoc 'a yic tzex yiln eb' tzex munlji, sec tzalj eb' eyet' e nani. Palta caw tzex munlj 'a smasnil e c'ojol, 'icha tznib'j Dios, yujto atn Cristo wan eya'n servil.

Chuj San Mateo Bible

⁶ Man̈ocn̈ej van ex yilan eb' tzex munlaji, yic stzalaj eb' eyed' e naani. Palta tzex munlaj d'a smasanil e c'ool icha sgana Dios, yujto aton Cristo van eyac'an servil.

Ef 6:6 Iomraidhean Croise

Jeremías 24:7

'Oj wac' wal snab'en eb', yic tzin yojcan 'el eb', chajtlto an ton Jehová in, ax eb', in chon̈b' yaj eb'; 'oj woch sDiosalc eb', yujto yet' wal smasnil sc'ojl eb', ax smeltzj paxt eb' 'ayin.

Jeremías 3:10

An Jehová in, an tzwala, wach'xam xyil eb' 'aj Judá smasnil jun tzo'n̈ tic, man̈ yujoc cha, 'ix meltzj pax eb' 'ayn 'a smasnil sc'ojol, palta ton̈j 'ix stz'ac meltzjoc sb'a eb' 'ayin, xchi Dios 'ayin.

Mt 12:50

Yujto tzann̈j eb' tzb'on 'icha tznib'j in Mam 'ayc' 'a satcha'an̈, atn eb' chi 'icha wu'tac, 'icha wanab', 'icha in nun yaji, xchi.

Mt 7:21

'Ay eb' tzaln 'ayn 'ixtic: Mamin, Mamin, xchi eb', palta man̈ smasniloc eb' 'oj 'och 'a yol sc'ab' jun 'aj satcha'an̈. Cojn eb' tzb'on 'icha tznib'j in Mam 'ayc' 'a satchan̈ cha, cojn eb' 'oj 'ochoc.

Mr 3:35

Yujto tzann̈j mach tzyiclni 'icha tznib'j Dios, atn wal eb' 'icha wu'tac, 'icha wanab', 'icha in nun, xchi Jesús 'a eb'.

Ro 6:17

Palta tzwac' yuj diosal 'a Dios eyu'uj. Yujto wach'xam eya'jnac servil maysch'olnil 'a yic yalan̈, ax ticnec, wal 'a smasnil e c'ojol, wan eyiclni jun tzo'n̈ cuynb'il 'ajtil ex 'ajx 'ochi.

1 Co 7:22

Yujto 'ay eb' 'aych mosoal 'a junc mach, tzyawtn 'och Cajlilec eb' yico'oc. Wach'xam man̈toc libre tz'aj 'elt eb' 'a yol sc'ab' win 'aj tzmunlj cha, palta libre tz'ijx 'elt eb' 'a yol sc'ab' maysch'olnil yuj Cajlilec. 'Ay pax eb' yic xon sb'a, tzyawtj 'och yico'oc. Palta ax ticnec, 'aych eb' ya'malc servil Cristo.

Gl 1:10

A yic tzwaln 'at jun tzo'n̈ tic 'ayex, ¿tom tzin nib'j tzalj junc 'anma wet' e nani? Ma'ay, cojxn Dios tzin nib'j tzalj wet'oc. Matz in na jab'oc, toto tzalj junc 'anma wet'oc. Q'uinloc ton̈j tzin nib'j tzalj eb' wet'oc, to 'ixta', man̈ in ya'malc servil Cristo.

Ef 5:17

Man̈ eya'ch e b'a man̈ nab'enal, cuyc e b'a sec tznachj 'el eyu'uj, tas wal tznib'j Dios tzqui b'o'ec.

A Scarta San Pablo D'a Eb' Aj Filipos 2:12

Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

A Scarta San Pablo D'a Eb' Aj Colosas 1:9

Yuj cha, yictax cab'n eyab'xil on̈, ma'ix cactj can xon qui leslwi eyuj on̈. To tzqui c'an 'a Dios eyuj on̈, sec a tz'a'n e jelnal yuj Yespíritu, tzya'n nachjc 'el smasnil yic Dios eyu'uj, sec wach' 'oj eyojcoc 'el si'mb'il, tas tznib'j 'ayex.

A Scarta San Pablo D'a Eb' Aj Colosas 4:12

A jun eyit chon̈b' Epafras tic, 'aych ya'malc servil Cristo wet'oc. Yelc'ojlal caw tzleslwi eyu'uj, sec tzex wach' te'nb'i, sec wach' cojxn wal jun tzo'n̈ tas tznib'j Dios 'aj tze wach' 'a'j 'och e nab'en.

1 Ts 2:4

'Icha tznib'j Dios, 'ixta xcutj 'ec' calnc 'el on̈, yujto xyil Dios, to smoj xya'ch copiso caln 'el wach' 'ab'x yic colnb'il on̈. Man̈ yujoc stzalj eb' 'anma quet' 'on̈, tz'ec' calnc 'el on̈, palta yuj wal stzalj Dios. Yujto a tz'iln qui nab'en junjn on̈ec, toto wach', mto ma'ay.

1 Ts 4:3

A jun tzo'n̈ tas 'oj walb't 'ayx tic, tznib'j Dios to tzqui yicljec. Yowlal caw an̈j 'a tzca'c 'och qui nab'en. Caw matz tac' qui b'onec 'ajmulal.

A Ch'an̈ Carta D'a Eb' Hebreo 10:36

Yowlal niwn tzeyutj e c'ojol, sec 'oj stac' e b'on jantcn̈ej tas tznib'j Dios, ax e chan tas 'aj ya'jnac can sti'.

A Ch'an̈ Carta D'a Eb' Hebreo 13:21

Tzin nib'ej, yuj schic'l cha, tzwach' b'oj Dios e nab'en, sec wach'n̈j 'oj eyutc e b'a, tze b'on 'icha tznib'ej. Tzin nib'j paxi, yuj Jesucristo caw wach' tzon̈ 'ajc 'a sat, sec tzalj quet'ec. Niwn cab' yel'ch Cristo 'a smasnil tiempo. 'Ixta cab' tz'aji.

A Sb'ab'el Carta San Pedro 2:15

Tznib'j Dios, caw wach' tzcutjec qui b'eyb'al, sec wach' a eb' may snab'en, man̈x 'oj stac' yaln eb' jun tzo'n̈ tas may yel'ch 'a qui patquec.

A Sb'ab'el Carta San Pedro 4:2

Yuj cha, 'ixta cab' tzcutjec qui b'a, sec wach' 'oj qui b'oc 'icha tznib'j Dios, ya' sb'a 'ayn̈ect 'ec' 'a yolyib'n̈q'uinl tic. Man̈x 'oj qui b'oc 'icha tznib'j qui niwnalec tic.

1 Jn 2:17

A yolyib'n̈q'uinl tic, yet' jantcn̈ej maysch'olnil tznib'j 'och eb' 'anma', wan slajw 'eq'ui. Palta a eb' tzb'on 'icha tznib'j Dios, pitzn eb' 'a jun 'ejmn̈ej.