Ef 6:1 - Chuj San Sebastian Bible

¹ Ax xo ex 'unnab'il, caw yiclum tzeyutj e b'a 'a e mam e nun, yujto creyente ex. Caw wach', toto 'ixta tzeyutj e b'a.

Chuj San Mateo Bible

¹ A ex uninab'il ex, c'anab'ajejec e mam e nun. Te vach' d'a yichan̈ Cajal Jesús tato icha chi' tzeyutej e b'a.

Ef 6:1 Iomraidhean Croise

Gn 28:7

Ax Jacob x'atcn 'a Padan-aram, 'icha xyutj yaln smam yet' snun 'a 'a.

Gn 37:13

'Ayx am sjayloc c'u s'at ewin yet' no calnelu cha, xyaln win Israel 'a José 'ixtic: —A ticnec, a eco o'tac, ata 'ayc' eco 'a Siquem 'ilj calnelu. Tzin nib'j to tz'at el eco, xchi win Israel chi 'a 'a. —Inye tzin 'ati, xchi José cha.

Gn 48:12

Xlajw cha, xyi'n 'elt José ewin 'a scal yoc smam cha, x'em n̈ojnjoc, squiln 'ejm snan̈l sat 'a sat lu'um.

Gn 50:12

A smasnil tas 'ix yalcn win Jacob 'a ewin yunnal, 'ix syiclj eb' sb'oni.

Nehemías 9:13

Xlajw cha, ach cot 'a satcha'an̈, ach 'eml 'a jolm witz Sinaí, ach paxtin 'emt 'a eb'; 'ix ac' a cuynb'il, a ley to caw yel yet' a checnb'il caw wal wach' 'a eb'.

Ester 2:20

Ax 'ix Ester, may tas tzyal 'ix tas chon̈b'al yet' 'aj 'aycn yin̈tl 'ix, 'icha wal yaj yaln Mardoqueo 'a 'ix, yujto syiclj tas tzyal winac, 'icha xon 'a yic 'ayc' 'ix 'a yatut winac.

Job 33:27

Ax yaln 'a sat eb' 'anma 'ixtic: 'Ix 'och in mul, 'ay tas man̈ tojloc xlaj in b'o', palta ma'ix ya'ch Dios in yailal 'icha wal smoj in chani;

Salmos 119:128

Tzin b'eylb'ej jun tzo'n̈ a checnb'il tic, ax smasnil b'eyb'al to man̈ yeloc, xin yajcn 'el eb'.

Salmos 119:75

Wojc wal si'mb'il, to a jun tzo'n̈ a ley tic caw tojl eb', yujto 'ay wal yel'chi, yuj cha, tzin a'n 'och 'a in yailal.

Salmos 19:8

A tas tzyala caw wach'n̈j smasnil, yujto tzyij cot tzaljc'ojlal 'a qui pixnec. A sley caw tojln̈ej yaji, tzjaw qui nab'enec yu'uj.

Pr 1:8

Tzyal Salomón 'ixtic: Ach wunnal, maclj wal ab' a cuynb'il tzwac'a, man̈ a patquilc can 'el a cuynb'il tzyac' pax a nun.

Pr 23:22

Chajec eyab' tas tzyal e mam ex pitzn 'eli, caw man̈ e patquilc can 'el e nun 'a yic chichm 'ixx xo.

Pr 30:11

'Ay mach tu yaln 'a smam, may xon 'aj tzyal junc wach' paxti 'a snun.

Pr 30:17

A mach tzpatquiln can 'el smam, matz yiclj xon tas tzyal snun, smoj wal yijx 'elt yol sat yuj no joj, ax no 'usj tzchin sniwnal.

Pr 6:20

Ach wunnal, molcn jun tzo'n̈ in checnb'il tic 'a a nab'en, yet' cuynb'il tzyac' a nun.

Jeremías 35:14

A eb' yin̈tl Jonadab yunnal Recab, caw tzyiclj eb' tas yaljnac smam yichm cha, to matz yu'j eb' yal uva. Caw syiclj eb' tas yaljnac smam yichm cha. 'Ixta in pax an tic, til wal 'ejm xwal in checnb'il 'ayex. Palta caw an̈ja matz eyiclej.

Jeremías 35:18

'Ix waln 'a eb' yin̈tl Recab chi 'ixtic: A Jehová tztac' yuj smasnil, atn qui Diosalec, a tzaln 'ayx 'ixtic: Yujto ax tic, tzeyicljn̈ej tas yaljnac can e mam eyichm Jonadab cha,

Jeremías 35:8

An̈ tic on̈, wan qui yiclni tas yaljnac can qui mam quichm Jonadab on̈, yuj cha, may 'aj tzcu'j yal uva on̈, 'ixta pax eb' 'ix quistl on̈, yet' pax eb' cunnal on̈, matz yu'j xon eb'.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Lc 2:51

Xlajw cha, xpax yet' eb' 'a Nazaret. Yiclumn̈ej xyutj sb'a 'a eb', 'icha xon sley. Ax snun cha, smol jun tzo'n̈ chi 'a snab'en, caw tznab'tan̈ej.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

Ro 16:2

Wach' tzeyutj e chan sc'och ta', yujto yic xo Cajlil 'ix quet'ec. Yujto an̈ creyente on̈c tic, smoj 'ixta tzcutjec qui chan eb' quit creyenteal tzlaj 'ec' 'ayon̈. Caw tzex colwj 'a 'ix yuj tastc 'ay tz'och yu'uj, yujto til wal mach 'aj tzlaj colwj 'ix. An̈jtona', 'ix colwj pax 'ix 'ayin.

Ro 7:12

A jun ley cha, may jac spaltail. An̈jtona', 'ixta pax smasnil jun tzo'n̈ checnb'il 'ay 'a jun ley cha, caw tojol, caw wach'n̈ej.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

Dt 21:18

Q'uinloc 'ay junc mach 'ay junc yunnal maysch'olnil snab'en, caw tu tas tzb'o'o. Matz chaj yab' tas tzyal smam snun, wach'xam tzmac' eb', palta man̈ yujoc cha, tzyiclj tas tzyal eb' cha.

1 Ti 5:4

Toto 'ay eb' 'ix 'ay yune', mto 'ay yixchiquin, yowlal tza cuy eb', chajtlto a eb' scuenta sb'ab'l colwj 'a smam snun, yic tzya'n eb' spac tas 'ix 'ajx 'a 'a. Toto 'ixta tzb'o eb', ax 'a sat Dios, caw wach'. Caw tzalj yet' eb'.

A Sb'ab'el Carta San Pedro 2:13

Yuj e chamc'ojlal 'a Cajlil, smoj yiclum tzeyutj e b'a 'a jantcn̈ej mach 'ay yopiso yuj eb' 'anma'. Tzeyiclj tas tzyal eb' rey, eb' tz'a'n mandar smasnil.

Rt 3:5

'Ix yaln 'ix Rut cha: —'Oj in b'o smasnil tas 'ix al tic, xchi 'ix.

A Ch'an̈ B'ab'el Libro Samuel 17:20

Ax 'a yic caw sq'uin̈b'ilto 'a junx c'u, 'ix ya'n can David 'ab'enal no calnelu chi 'a junx mach. Xlajw cha, 'ix 'ati, xyi'n 'at jun tzo'n̈ tas xya't Isaí chi 'a 'a. Ax yic xc'och 'a scamplamento eb' soldado cha, wan s'at eb' 'a owal, tzya'n 'el eb' yaw s'at 'a owl cha.