Ef 5:11 - Chuj San Sebastian Bible

¹¹ Man̈ eya't e b'a 'a scal jun tzo'n̈ tas tzlaj sb'o eb' q'uic'q'uinl to yaj spixan, yujto a jun tzo'n̈ tas tzlaj sb'o eb', may jac yopiso. Yel xo wach' tzeyal-li, tze ch'oxli, to may yel'ch jun tzo'n̈ cha.

Chuj San Mateo Bible

¹¹ Man̈ eyac'och e b'a d'a scal juntzan̈ tas sc'ulej eb' ayto ec' d'a scal q'uic'alq'uinal, yujto a tas sc'ulej eb' chi', malaj svach'il. Más am vach' tze ch'oxeli to malaj yelc'och juntzan̈ chi'.

Ef 5:11 Iomraidhean Croise

Gn 20:16

'Ix yaln pax win rey 'ixtc 'a 'ix Sara cha: —'Ix wac' jun mil q'uen tumn plata 'a win a nul'j cha, yic tzwa'n spacc 'ayach yet' 'a eb' 'ayc' et'oc, yuj tas 'ix 'ec' 'a qui cal tic et'oc, may junc mach 'aj tu tzach can 'a sat yuj jun tic, xchi win 'a 'ix.

Salmos 141:5

Palta q'uinloc a junc 'anma wach' snab'en tzin ma'n yet' tz'u'um, mto tzin stumej, a jun cha, caw wach' 'ayin. Yujto lajn 'icha junc perjuma tzlab'b'i tz'ajq'ue 'a in jolom. Palta tzin leslwin̈ej sec tz'och wan eb' maysch'olnil sb'on tas tu'.

Pr 1:10

Toto a eb' maysch'olnil sb'eyb'al, tznib'j eb' tzach smontj 'at yet'oc, man̈ a cha ab' tas tzyal eb'.

Pr 1:31

Caw 'oj eyab' syal yuj e b'eyb'al cha, 'oj eyec tzactzjoc e b'a yuj e maysch'olnilal cha.

Pr 13:18

A meb'a'il yet' q'uixwc'ojlal, a tzjaw 'a quib'n̈ec toto matz qui chajec cab' junc tennb'ilal tzalx 'ayn̈ec; ax toto tzqui chajec cab'i', caw tzon̈ alxec wach'il.

Pr 15:12

A mach ch'an sc'ojlani, matz yal sc'ojl to 'ay mach tz'a'n cuenta, toxn matz c'anb'j pax jac snab'en 'a eb' jelan.

Pr 19:25

A yic tz'ajx 'och yailal 'a yib'n̈ junc tzyij chan̈ sb'a, a mach mant 'a snab'en, 'oj jawc can snab'en yuj jun cha; ax junc 'ay snab'en, a yic tz'ajx cuenta, tznachj 'el can yu'uj.

Pr 25:12

'Icha wal q'uen colc'ab' mto q'uen ton̈ caw wach', to nab'a oro, 'ixta wal tennb'il tzyac' eb' jeln snab'en, toto tzqui chajec cab'i'.

Pr 28:4

A eb' may yel'ch ley 'a sat, caw wal tzalj eb' yet' eb' tzb'on maysch'olnil, ax eb' yiclum 'a ley cha, tz'och eb' 'ajc'ojlal 'a eb' tzb'on maysch'olnil cha.

Pr 29:1

A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.

Is 29:21

atn eb' tzpitzn chan̈ 'es 'a yib'n̈ yit 'anma'il, eb' tztenn 'och wan win juez, sec matz 'och yailal 'a yib'n̈ eb' maysch'olnil. Tzya'n eb' 'es, sec man̈ tojloc tz'aj sb'oyaj eb' wach' snab'en.

Jeremías 15:17

An tic, man̈ junc wec' yet' eb' cojn tzaljc'ojlal tz'ec' sayq'ui. Yuj wal jun wopiso a'jnac, yuj cha, in ch'ocj tzin 'eq'ui, yujto tzwab' syal yuj yowl a c'ojl jun xo.

Lv 19:17

Man̈ ex chichnoc 'a junc eyit 'anma'il. A eyico', to tze tenchwa'an, tzeya'n snab'enoc, sec man̈ locnoc ex 'a smul cha.

Mt 18:15

Q'uinloc 'ay junc eyit creyenteal tz'och smul 'ayex, tzex 'at e ch'ocoj, tz'at eyal 'a 'a, chajtlto x'och smul 'ayex. Toto tzchaj yab' 'ayex, tox 'ix eyac' ganar e montn jun eyit 'anmal chi tzyal cha.

Lc 3:19

An̈jtona', 'ix ya'lj Juan chi stenn 'och wan win Herodes, win yajal. yujto 'ix smontj 'el win 'ix yistzil yu'tac cha, atn win Felipe. Herodías sb'i 'ix. 'Ayt pax jun tzo'n̈ xo maysch'olnil 'ix sb'o winac. Ax Juan 'ix cob' tennc 'och wan winac,

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

Ro 13:12

A jun tiempoal 'aj 'ayn̈ec 'ec' tic, 'icha to 'ac'wal. Ax 'a yic 'oj qui wach' colchjec, 'icha to c'ul 'oj 'ajoc. Palta 'ipn yec' tiempo ticnec, jab'xoj wal 'oj jawc jun c'ul cha. Yuj cha, caw qui wach' 'actquec can qui b'on jun tzo'n̈ tas tzlaj sb'o eb' 'anma q'uic'q'uinl to yaj spixan. 'Icha tzyutj junc soldado ya'n owl yet' jun tzo'n̈ syamc'ab', 'ixta tzcutjec ca'n 'ip 'a yic Dios, yujto sacq'uinl xo yaj qui pixnec.

Ro 16:17

Ex wu'tac, ex wanab', 'ay eb' 'a e cal, wan ya'lni eb' laj e pojl e b'a, tzya'lni eb' ya'n somchjc 'el e nab'en, palta caw man̈ 'ichcta tzyal jun tzo'n̈ cuynb'il 'aj cuywnac ex, yuj cha, caw tzeyil wal e b'a 'a eb'. Yowlal tzeyij 'el e b'a 'a scal eb'.

Ro 6:21

Palta ¿tom 'ay jac qui ganar 'a spatc jun tzo'n̈ qui b'ojnaquec cha? Caw tzon̈ q'uixwec yuj jun tzo'n̈ chi ticnec. Yuj wal jun tzo'n̈ cha, tz'at eb' 'anma 'a chaml 'a jun 'ejmn̈ej.

Gl 6:8

Toto tzqui b'oc jun tzo'n̈ tas tznib'j qui tu nab'enal, 'oj qui chac spac qui tu nab'enal cha, atn chamel. Palta toto tzqui b'oc jun tzo'n̈ tas tznib'j Yespíritu Dios, 'oj qui chac spac 'a Yespíritu cha, atn qui q'uinlec 'a jun 'ejmn̈ej.

Ef 4:22

Ax jun eyichm b'eyb'al, yowlal tze wach' 'actj can 'a jun 'ejmn̈ej. Yujto a jun eyichm b'eyb'al cha, ton̈j tzwach' juw yuj jun tzo'n̈ tas tze nib'j 'ochi.

Ef 5:12

Yujto a jun tzo'n̈ tas tzlaj sb'o eb' 'a c'ultaquil, caw q'uixweltac yalxi.

Ef 5:7

Yuj cha, caw man̈ comnoc tzeya'ch e b'a yet' eb'.

A Scarta San Pablo D'a Eb' Aj Colosas 1:12

Ax eya'n yuj diosal 'a qui Mam Dios. A tzb'on qui nab'enec, sec 'ay calnec quic yet' jantcn̈ej eb' yic xo yaji, yujto yic on̈c xo sacq'uinal.

1 Ts 5:7

A eb' 'anma cha, 'icha to waync eb'. 'Icha to 'u'm 'an̈ eb', yujto yic 'ac'wl yaj eb', q'uic'q'uinl to yaj spixn eb'.

2 Ts 3:14

Toto 'ay eb' matz yiclni tas tzcalb't 'ayx 'a jun qui carta tic on̈, yowlal tze checltej 'el eb' 'a e cal, sec 'oj q'uixwc 'el eb'. An̈jtona', caw matz tac' jun tzex 'ec' yet' eb'.

2 Ts 3:6

Ex wu'tac, ex wanab', a 'a sb'i Cajlil Jesucristo, tzcalb't jun tzo'n̈ xo checnb'il tic 'ayx on̈. Toto 'ay eb' creyente matz nib'j sb'o smunljel ta', toto matz b'eylb'ej eb' jun tzo'n̈ cuynb'il 'ec' caljnac can 'ayx on̈, caw matz tac' jun tzex 'ec' yet' eb'.

1 Ti 5:20

Toto 'ay mach matz yactj can sb'on maysch'olnil, caw tza tench wan eb' 'a sat eb' creyente smasnil, sec 'oj xiw eb' smasnil yoch smul 'a Dios.

1 Ti 5:22

Man̈ a comn 'a'c 'och yopiso junc mach muc'uc, yic mantzac a b'eyc'ojlej. Toto tz'och smul, caw locn ach yet' 'a smul chi 'a sat Dios. Caw tzej 'el a b'a 'a junc tzann̈j maysch'olnil.

1 Ti 6:5

tz'och eb' 'ajc'ojlal 'a junc xo mach. 'Ixta tzyutj sb'a eb' juwnac 'el snab'en, eb' man̈xtzac ya'ch snab'en 'a jun cuynb'il yel. Tzcob' snanc eb', to 'oj yac' ganar eb' stumn 'a spatc scuynb'il cha. [Caw man̈ junc tzach 'ec' yet' eb'.]

2 Ti 3:5

'Oj cob' yal eb' 'ixtic: A 'a Dios wan ca'nec 'och qui nab'en, 'oj schic cob' eb'. Palta ax sb'eyb'al eb' tzch'oxn 'eli, to man̈oc Dios 'aych yet' eb'. Ach xo, tzej 'el a b'a 'a scal eb' 'ixta tzyutj sb'a. Man̈ junc ec' yet' eb'.

2 Ti 4:2

Caw tzal-l spaxti Dios 'a scal eb' 'anma'. Toxn̈ej tznib'j eb' yab'i', toxn̈ej ma'ay, palta caw tzaln̈ej, caw tza montj eb'. Tza tench wan eb' 'a maysch'olnil, tza'n wal snab'enoc eb'. Caw niwn tzotj a c'ojl 'a eb', tza cuyn pax eb' 'a spaxti Dios.

Tito 2:15

Caw tzal-l wal jun tzo'n̈ tic 'a scal eb' creyente ta'. Tzac' wal snab'enoc eb'. Caw tza tench wan eb' maysch'olnil sb'eyb'al, yujto atn opiso chi ta'. Caw wach' tzotj a b'a, sec may eb' tztac' yaln o'oj, to may opiso.

Apoc 18:4

Xlajw cha, xwab'n yoch junx paxti 'a satcha'an̈, 'ix yaln 'emt 'ixtic: —Ax xo ex wico', 'eln̈ec 'a stz'ey jun tzalx 'ixl cha, sec man̈ ex locnoc 'a jantcn̈ej maysch'olnil tzb'o'o, sec ma'oj jawc yailal 'a eyib'n̈ yet'oc.