Ef 4:9 - Chuj San Sebastian Bible

⁹ Tzwalb't 'ayex, tas tzyal 'el'ch jun tzyal tic, 'ix q'uecn 'a satcha'an̈. Tzyaln pax 'ixtic, yujto a yic mantzac pax q'ue Cristo, 'ix xit' 'ejm 'a yol lu'um.

Chuj San Mateo Bible

⁹ Svalb'at d'ayex tas syalelc'och jun syal chi': Ix q'uex d'a satchaan̈. Syal icha chi', yujto ayic manto paxq'ue Cristo d'a satchaan̈, xid'naquem d'a sjulal yich lum luum.

Ef 4:9 Iomraidhean Croise

Gn 11:5

Ax Jehová, 'ix 'eml wul yil jun chon̈b' cha, yet' jun torre tzb'o eb' cha.

Salmos 139:15

Man̈ c'ultacoc x'aj sb'o in niwnal 'a a sat. A yic mantzac in pitzw 'el 'a yolyib'n̈q'uinl tic, yic c'ultac to waj 'a yol sc'ojl in nun,

Salmos 63:9

Ax eb' tzin nib'n milnc chamoc, 'oj 'atcn eb' 'a yol sjul-l eb' chamnc 'anma';

Salmos 8:5

'Ayt wal jab'x matz on̈ tzawni 'a eb' ángel on̈, 'ixta 'on̈ otj on̈ a b'oni. 'Ix aln cani to tzon̈ b'inax on̈, 'ay cab' pax quel'ch on̈.

Ex 19:20

A wal 'a schan̈il sjolm lum witz cha, ata x'eml Jehová, xyaln 'a Moisés to tzq'ue'ch 'a 'aj 'ayc' cha, yuj cha, 'ix q'ue'ch win 'a 'aj 'ix 'awtx q'ue cha.

Pr 30:4

¿Mach wal junc xit'q'ue 'a satcha'an̈, 'ix 'empaxta? ¿Mach junc tztac' syamn 'och wan 'ic' 'a yol sc'ab'? ¿Mach junc tztac' spichn 'och a mar 'a yol spotil? ¿Mach jun x'a'n can 'ejm smon̈jonal lum lum tic? Alc 'ayin toto eyojtac tas sb'i, tas pax sb'i yunnal.

Is 44:23

A satcha'an̈, 'el cab' yaw sb'itn 'a tzaljc'ojlal yuj smasnil tas sb'ojnac Jehová. A xab'l yich lum lu'um, q'ue cab' yaw, ax eb' lum niwc witz, eb' lum tzalctac, yet' eb' te niwc te smasnil, ya'l cab' eb' yaw yuj tzaljc'ojlal. Yujto a Jehová tox 'ix sch'oxl stzictznial yic 'ix 'ajx 'el eb' israel 'a libre, atn eb' yin̈tl can Jacob.

Ez 31:14

Man̈x 'a junc te te 'oj q'uib' 'icha jun tic, smasnil eb' te tzq'uib' 'a sti eb' a a cha, wach'xam 'aych yalil eb' te', palta man̈x 'a junc te 'oj 'ec' stel 'a eb' te yit tel cha. Smasnil eb' yajl 'a yolyib'n̈q'uinl to lajn snab'en 'icha jun te tic, 'ayx 'och chaml 'a yib'n̈ eb'. 'Oj cham eb' 'icha tz'aj scham eb' comn 'anma', ax s'atcn eb' 'a campusan.

Mt 12:40

A Jonás cha, 'oxe c'u, 'oxe 'ac'wl 'e'nc 'a yol sc'ojl jun niwquil chay. 'Icha 'ajnc Jonás cha, 'ixta 'oj waj pax an 'Ochnc in 'Anmal tic. 'Oxe c'u, 'oxe 'ac'wl 'oj wec' 'a yol lu'um.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

Jn 3:13

May junc mach 'ix xit' q'ue 'a satcha'an̈. Palta an tic, ata cotnc in, yujto 'Ochnc in 'Anma'il, 'aj satchan̈ in.

Jn 6:33

Yujto a jun wal tzyac' Dios tic, a 'a satchan̈ 'emncta. 'Ay eb' 'ay 'a yolyib'n̈q'uinl tic 'oj scha sq'uinl 'a jun 'ejmn̈ej yu'uj, xchi Jesús 'a eb'.

Jn 6:38

An tic, cotnc in 'a satcha'an̈, tzwul in b'onc 'icha tznib'j jun checjnacn coti. Man̈ yujoc wul in b'onc tas tzin nib'j in ch'ocoj, in coti.

Jn 6:41

Yic 'ix yab'n eb' 'aj Judea jun tzo'n̈ cha, tu xyal eb' 'a spatic. Yujto xyal Jesús 'ixtic: An ton tic 'icha wal in, cotnc in 'a satcha'an̈, xchi 'a eb'.

Jn 6:51

An ton tic cotnc in 'a satcha'an̈, 'icha wal in, yujto 'a'm in q'uinl 'a jun 'ejmn̈ej. Yuj cha, a eb' tzwan jun tic, pitzn eb' 'a smasnil tiempo. A jun 'icha wal tzwac' waxoc tic, atn in chib'jal, xchi Jesús 'a eb'.

Jn 6:58

Ticnec, wan waln yuj jun 'icha wal cotnc 'a satcha'an̈. A jun tic, man̈ lajnoc yet' jun maná sc'uxjnac eb' qui mam quichmec 'a pecti'. Niwnoc cob' sc'uxjnac eb', palta 'in chamnc pax eb'. Palta a eb' 'oj wanc jun 'icha wal tic, 'oj scha eb' sq'uinl 'a jun 'ejmn̈ej, xchi Jesús 'a eb'.

Jn 6:62

An tic, 'Ochnc in 'Anma'il. Toto 'oj eyil in pax q'ue 'a 'aj contnc in, ¿tas 'oj eyutc eyaln ta'?

Jn 8:14

Yuj cha, xyaln pax 'ixtc 'a ewinac: —Wach'xam mun tzwala to 'ay wopiso, palta caw yel tzwala. Yujto an tic, caw wojtac 'aj cotnc in. Anjtona', wojtac 'aj 'oj in c'ochxi. Ax xo tic, man̈ eyojcoc 'aj cotnc in, yet' 'a 'aj 'oj in c'ochxi.

A Ch'an̈ Carta D'a Eb' Hebreo 2:7

'Ay jab' stiempoal ma'on̈ tza'wni 'a eb' ángel on̈, 'ixta 'on̈ otj on̈ a b'oni. 'Ix aln cani to tzon̈ b'inax on̈. 'Ay cab' pax quel'ch on̈.

A Ch'an̈ Carta D'a Eb' Hebreo 2:9

Palta tzquilc nab'n tas 'ajnc Jesús. Yuj qui Mam Dios, 'ay jun tiempoal, ma'ix tza'wni 'a eb' ángel yic wul ya'nc 'och sb'a 'anma'il. Yuj wal swach'c'ojlal Dios, x'el 'a sc'ojol, xcham Jesús cujec qui masnil. Al ticnec, caw niwn swach'il, niwn yel'chi, yujto xyab' syal schami.