Ef 4:26 - Chuj San Sebastian Bible

²⁶ Toto 'ay 'aj tzlaj cot eyowal, man̈ e b'o junc maysch'olnil yuj jun eyowl cha. Matz tac' an̈j 'ijnoc 'ay cot eyowal tz'ejm c'u.

Chuj San Mateo Bible

²⁶ Ayic scot eyoval, man̈ e c'ulej junoc chucal yuj jun eyoval chi'. Max yal an̈eja' yajcot eyoval tz'em c'u.

Ef 4:26 Iomraidhean Croise

Salmos 37:8

Cactquec can owal, tzcactnec can chichnc'ojlal. Man̈ on̈ comn owxoc, yujto a jun tzo'n̈ cha, niwn tas tzjuw 'el yu'uj.

Salmos 4:4

'Ib'xan̈c chan̈ yuj xiwlal, man̈x cab' pax 'och e mul. A yic c'otnexx 'eq'ui, 'a yic sictac eyaji, tze b'eyc'ojlan e b'a.

Ex 11:8

A yic cha, 'oj cob' to jawc jun tzo'n̈ eb' winc 'aych yajlil et' tic 'ayin, 'oj 'em cumn eb', ax yaln eb' 'ayn 'ixtic: 'Ixc yet' smasnil eb' chon̈b' tza'n 'och oj cha, 'oj schic eb'. A yic tox x'el'ch jun tzo'n̈ tic, ax qui 'at on̈, xchi Moisés. Caw wal ow Moisés yic 'ix 'el paxt 'a yojltac win rey cha.

Pr 14:29

Toto 'ay qui niwnc'ojlalec, tzyal 'el'chi jeln on̈ec; palta toto c'un scot cowlec, tzyal 'el'chi to may qui nab'enec.

Pr 19:11

Toto tzqui yamc 'och wan qui b'a yet' yowl qui c'ojol, 'ay qui nab'enec 'ixta'; tzon̈ alxec wach'il toto tzca'c niwnc'ojlal 'a eb' tz'och smul 'ayn̈ec.

Pr 25:23

A tu paxti tzalxi, a tz'a'n owxoc 'el qui satec, lajn wal 'icha 'ic' tz'i'n cot n̈ab' 'a stojlal norte.

Ec 7:9

Man̈ c'unoc cab' scot cowlec, yujto a jun owl cha, yic eb' may snab'en yaji.

Nm 20:24

A ticnec b'i'an, jab'xoj wal 'oj cham Aarón tic, man̈x 'oj c'och 'a sat lum lum tzwal wac' 'a eb' eyit israelal tic, yujto ma'ix eyiclj in checnb'il 'ix wal 'ayex, yic 'ayx 'ec' 'a sti a spac'b'a Meriba.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Mr 10:14

Yic xyiln Jesús jun cha, 'ix cot yowl 'a eb', 'ix yaln 'ixtic: —Chajec cot eb' 'unn 'ayin, man̈ e tench wan eb', yujto cojn eb' lajn snab'en 'icha eb' 'unn tic, cojn eb' 'ay yaln yic yoch 'a yol sc'ab' Dios.

Mr 3:5

'Ix 'ec' q'uel-loc Jesús 'a eb', 'ix cot yowal, 'ix cus pax cha'an̈, yujto caw pit eb', 'ix yaln 'a win 'ixtic: —'A' cot a c'ab', xchi. 'Ix ya'n 'at win sc'ab' 'a 'a, 'ixta to b'i'an, 'ix b'ox cani.

Dt 24:15

Tojc sc'u eb' e majn 'a junjn yemc'ual, yujto a eb' meb'a', yowlal tzman eb' tas tzc'ux 'a junjn c'u. Toto ma'ay, 'oj yal sb'a eb' 'a Jehová, ax yochcn jun chi e muloc.

Santiago 1:19

Ex wu'tac, ex wanab', chamc'ojlb'ilx wu'uj. Eyojc xon jun tzo'n̈ tic tzwal tic. Yuj cha, caw lista tzeyutj e b'a eyab'xni. Man̈ comnoc tzeyal eyic muc'uc. An̈jtona', man̈ comnoc tzcot eyowal.

Santiago 1:20

Yujto a yic tzcot cowlec, man̈oc 'icha tznib'j Dios wan qui b'oni, yujto tznib'j tojl tzcutjec qui b'eyb'al.

A Ch'an̈ B'ab'el Libro Samuel 20:34

Yuj cha, xcot yowl Jonatán, 'ix q'ue lin̈njoc 'a sti te mexa cha. Xlajw cha, 'ix 'elta. Man̈x 'ic wa 'a yic schab'l c'ul xo q'uin̈ cha, yujto caw 'ix 'och pitz'n cusc'ojlal 'a yuj David, yujto caw tu tas xyal smam cha.