Ef 4:18 - Chuj San Sebastian Bible

¹⁸ Ax snab'en eb', caw q'uic'q'uinl yaji. May xon jac sq'uinl eb' tzyac' Dios 'a jun 'ejmn̈ej. Yuj spitl eb', yuj cha, man̈ jac tznachj 'el yuj eb'.

Chuj San Mateo Bible

¹⁸ A spensar eb', te q'uic'alq'uinal yaji. Najat yajel eb' d'a jun q'uinal syac' Dios d'a juneln̈ej. Yuj spitalil eb' max nachajel jab'oc yuj eb'.

Ef 4:18 Iomraidhean Croise

Salmos 74:20

Na cot a trato a'jnac quet' on̈, yujto a 'a smasnil qui chon̈b' on̈, 'ayn̈j yet'l eb' tzb'on maysch'olnil.

Is 25:7

A 'a lum tzaln cha, ata 'oj yi'l Jehová jun cusc'ojlal 'aych 'a yib'n̈ smasnil nacion̈, yujto 'icha junc nip tz'och b'a'n̈ 'a junc chamnac, 'ixta jun yailal cha.

Ez 14:5

'Ixta 'oj wutc wi'n meltzjoc snab'en eb' israel yijnac 'el snab'en 'ayn yuj jun tzo'n̈ yechl cha.

Dn 5:20

Palta caw spitj sb'a yet' sb'an̈quinal, yuj cha, x'ijx 'ec' yopiso 'a sreyal, yet' sb'inab'ilal.

Mt 13:15

Yujto a eb' 'anma tic, tox xpitb' 'el eb'. 'Icha to macn schicn eb', 'icha to tzmutz' eb' sat, sec wach' matz yil eb', matz yab' pax eb'. Yuj cha, matz nachj 'el yuj eb', matz jel eb' snab'en, matz colchj eb' wu'uj, xchi Dios, xchi Isaías.

Mr 3:5

'Ix 'ec' q'uel-loc Jesús 'a eb', 'ix cot yowal, 'ix cus pax cha'an̈, yujto caw pit eb', 'ix yaln 'a win 'ixtic: —'A' cot a c'ab', xchi. 'Ix ya'n 'at win sc'ab' 'a 'a, 'ixta to b'i'an, 'ix b'ox cani.

Jn 12:40

'Icha to tzin mac sat eb', tzin wach' 'a'n pitb'oc 'eb', sec wach', 'icha to matz yil eb', matz nachj 'el yuj eb', sec man̈xtzac sjel xon eb' jac snab'en. Yuj cha, ma'oj wac' lajwc smul eb', xchi Dios, xchi can Isaías cha.

A Tas Sc'ulejnac Eb' Schecab' Jesús Hechos 17:30

A 'a yic pecti', man̈ yojcoc eb' 'anma', toto 'ay Dios. Yuj cha, niwn yutjnac sc'ojl 'a eb'. Palta ticnec, a tzalni to yowlal tzna sb'a smasnil 'anma 'a yolyib'n̈q'uinl tic.

A Tas Sc'ulejnac Eb' Schecab' Jesús Hechos 3:17

Ax ticnec ex wit chon̈ab', wojtac to xeyac' milxoc cham Jesús, yujto mant eyojcoc, tas wan e b'oni. 'Ixta pax ewin yajal, man̈ yojcoc ewinac.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

Ro 11:7

Palta ¿tas tz'aj eb' wit israelal tze na'a? 'Ix ya'lj eb' sayni chajtl tz'aj eb' yoch wach'l 'a sat Dios, palta ma'ix stac' yuj eb'. Cojn eb' sic'b'il 'el yuj Dios 'a scal eb' cha, a eb' stac' yu'uj. Ax jun tzo'n̈ xo eb', ton̈j 'ix wach' 'ajx pitb'oc 'el eb'.

Ro 2:19

A eb' man̈ 'ojtnacoc 'aj 'ay Dios, 'icha to matz tac' yiln eb'. Ax xo, tecn tze na'a, to tztac' e ch'oxn 'a eb' 'aj 'ay Dios. Yet' 'a eb' q'uic'q'uinl to yaj spixan, tztac' eya'n sacq'uinl 'a eb' e nani.

1 Co 1:21

Yuj sjelnal Dios 'ix 'el 'a sc'ojol, to a eb' yic yolyib'n̈q'uinl tic, man̈ yujoc sjelnal eb' cha, tztac' yojcan 'el eb' Dios cha. Palta x'el 'a sc'ojol, to an̈ec 'aych qui c'ojl 'a 'a, tzon̈ colchjec yuj jun wach' 'ab'ix, atn jun may yel'ch 'a sat eb' 'anma'.

1 Co 2:8

May junc eb' yajl yic yolyib'n̈q'uinl tic tznachj 'el jun tic yu'uj. Octom xnachj 'el yuj eb', to 'ixta', ma'ix yac' q'ue eb' Cajlilc 'a spenc culus, atn Cajlilec caw niwn yel'chi.

2 Co 3:14

Palta ax eb' cha, ma'ix nachj 'el yuj eb', tas chi xalx 'a eb', yujto pit eb'. An̈jtona ticnec, a yic tz'awtx jun 'ichm trato 'a eb' israel, matz nachj 'el yuj eb'. Yujto 'icha wal a jun nip chi potn 'och 'a sat eb', 'ixta yaj 'a eb'. A wal jun 'icha nip cha, matz 'eli, palta yujn̈ej Cristo tztac' yeli.

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

Gl 4:8

A 'a yic yalan̈, mant eyojcoc Dios. Eya'jnac servil jun tzo'n̈ cob' eyaljnac e diosaloc, palta man̈ diosoc eb'.

Ef 2:1

A ticnec, 'ix yac' Dios qui q'uinlec yet' Cristo. A 'a yic yalan̈, chamnc on̈c 'a sat yuj qui mulec, yuj pax qui maysch'olnilal,

Ef 2:12

A 'a yic yalan̈, mant 'ayc 'och Cristo eyet'oc. May eyaln eyic yet' eb' wit israelal. May pax eyaln eyic 'a jun tzo'n̈ strato Dios 'ix yac' 'a eb', yic ya'n sti 'a eb'. 'Ayx 'ec' ton 'a yolyib'n̈q'uinl tic, palta may junc tas wach' eya'jnac 'och yipc e c'ojol, yujto mant 'ayc 'och Dios eyet'oc.

A Scarta San Pablo D'a Eb' Aj Colosas 1:21

Ax xo, caw 'ajc'ojl eyajch 'a Dios 'a yic yalan̈. Caw tu eyutjnac e nab'en 'a sat, yujto maysch'olnil e b'eyb'al ta'. Palta ax ticnec, junc'ojlal xoj eyaj yet'oc,

1 Ts 4:5

Matz tac' tzqui nib'jec 'och maysch'olnil yet' qui niwnal, 'icha eb' man̈ 'ojtnacoc Dios.

A Ch'an̈ Carta D'a Eb' Hebreo 5:2

A eb' cha, lajn eb' 'icha eb' yit 'anma'il, yujto may pax ste'nal eb' yet' eb'. Yuj cha, tztac' niwn tzyutj eb' sc'ojl 'a eb' mantzac nachj 'el yu'uj, yet' eb' tz'em 'a spaltail.

A Ch'an̈ Carta D'a Eb' Hebreo 9:7

Palta ax 'a jun schab'l cuarto cha, cojxn jun sat ya'mal 'och sti eb' 'anma 'a Dios 'ochnac. Cojn jun 'ejm tz'och 'a junjn ab'il. A yic tz'ochi, yowlal yet' schic'l no noc', yic tzya'n yuj smul, yet' pax yuj smul eb' quit chon̈b'ec.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

A Sb'ab'el Carta San Pedro 1:14

Ax xo, yunnal ex xo Dios wet'oc, yiclum ex 'a 'a. A 'a yic yalan̈, til wal tas e nib'jnac 'ochi, yujto mant eyojcoc Dios ta'. Al ticnec, caw man̈x e b'eylb'oc 'ixta'.

1 Jn 2:11

Palta a eb' tzchichn 'och 'a eb' yit creyenteal, q'uic'q'uinl to yaj spixn eb'. 'Icha junc mach tzb'eyc' 'a q'uic'q'uinal, matz yil 'aj tz'ati, 'ixta 'eb', yujto juwnac 'el snab'en eb'.