Ef 4:16 - Chuj San Sebastian Bible

¹⁶ An̈ec xo, 'icha to sniwnal cajec. 'Icha qui niwnalec tic, chachmb'a yaj sch'an̈il, caw wach' yaj junjn tas 'aych 'a 'a, 'ixta cajc yuj Cristo, yujto a tz'a'n quip qui masnil. Wan laj qui munlj junjn on̈ec, sec tzwach' te'nb'i qui nab'enec, sec tzwach' jaw qui chamc'ojlalec.

Chuj San Mateo Bible

¹⁶ A on̈xo tic, ichato snivanil caji. A co nivanil tic yamyumb'a yaj yed' sch'an̈al. Ayic vach' yaj junjun macan̈, te vach' smunlaji. Icha chi' caj yed' Cristo chi', yujto a' tz'ac'an quip co masanil. Ayic tzon̈ munlaj junjun on̈ d'a smojal, svach' tec'c'aj co pensar co masanil, sco vach' xajanan pax co b'a.

Ef 4:16 Iomraidhean Croise

Jn 15:5

An tic, 'icha junc snun 'awb'ente', 'ixta 'in. Ax xo tic, 'icha te sc'ab', 'ixta 'ex. A eb' junn̈j tz'ajcn wet'oc, junn̈j tzin 'ajcn yet' eb' jun xo. A eb' cha, 'icha junc te caw niwn sat tzyac'a, 'ixta 'oj 'aj eb' jun xo. Toto man̈toc 'ayn 'och eyet'oc, may xon jac tztac' eyuj e ch'ocoj.

Ro 12:4

A qui niwnal an̈ 'anman̈ec tic, til wal tastc 'ay 'a 'a, 'icha coc yet' qui c'ab', chucchc yopiso jun jun.

1 Co 10:17

Wach'xam niwn on̈ec, junn̈j jun pan chi tzqui wajec qui masnil. Yuj cha, 'icha junc pan junn̈ej, 'ixta 'on̈ec. Yujto 'icha to sniwnal Cristo cajc qui masnil.

1 Co 13:13

A ticnec, tzca'c 'och Dios 'a qui c'ojol, tzca'nec pax 'och yipc qui c'ojol. Tzqui chamc'ojlanec pax eb' quit 'anma'il. A 'oxe tic, 'ay yopiso 'a smasnil tiempo. Palta a jun chamc'ojlal cha, 'ec'b'al 'a yib'n̈ chab'x tic 'a sat Dios.

1 Co 8:1

A ticnec, 'oj wal yuj jun tzo'n̈ tas tz'ajx xajmb'al-l 'a jun tzo'n̈ tzalx 'och diosal, tzlajw cha, tzchix paxi. Yel tzeyala, a jun tzo'n̈ tic, tznachj 'el cujec qui masnil. Palta a qui jelnalec tic, ton̈j tzqui b'an̈c qui b'a yu'uj. Ax toto 'ay qui chamc'ojlalec 'a eb' quit creyenteal, caw tz'och ste'nal eb' cujec.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Ef 1:4

Yictax mantzac b'o yolyib'n̈q'uinl tic, a Dios si'jnacn̈ec xon yuj Cristo, sec an̈j 'ayn̈ec yico', man̈x 'a jac qui paltailec 'a sat.

Ef 3:17

Tzin c'ann pax 'a 'a, sec 'oj wach' 'och cajn Cristo 'a e pixan, yujto 'aych e c'ojl 'a 'a. Toto 'ixta', 'oj wach' q'uib' e chamc'ojlal. 'Icha junc te caw niwn sch'an̈lyib', 'ixta 'oj eyaji.

Ef 3:7

An xo tic, wach'xam caw man̈ in mojoc, palta ya'jnac Dios wopiso, yic tzwaln 'el jun wach' 'ab'x tic 'a e cal. 'Ixta yutjnacn yet' spoder.

Ef 4:12

'Ixta tzyutj ya'n copiso junjn on̈ an̈ yic on̈c xo, yic tzca'nec servil, sec 'oj wach' te'nb'oc qui nab'enec, yujto an̈ec tic, 'icha to sniwnal Cristo cajec.

Ef 4:15

Palta an̈ec tic, yowlal an̈j jun tzo'n̈ yel tzcalec, qui ch'oxc qui chamc'ojlal. Yowlal tzon̈ wach' te'nb'iec, sec caw lajnn̈ej tzon̈ 'ajc yet' Cristo. Yujto 'icha qui jolom, 'ixta yaj 'ayn̈ec.

A Scarta San Pablo D'a Eb' Aj Filipos 1:9

Tzin c'an 'a Dios eyu'uj, sec 'oj wach' tz'acwoc e chamc'ojlal, yet' sjelnal Dios tzyac' 'ayex. Tzin c'an pax 'a 'a, sec 'oj wach' nachjoc 'el smasnil yic eyu'uj.

A Scarta San Pablo D'a Eb' Aj Colosas 2:19

Yuj cha, man̈xtzac ya'ch eb' snab'en 'a Cristo. Palta 'icha qui jolom, 'ixta yaj Cristo 'ayn̈ec. Yujto a tz'a'n quipec, tzon̈ wach' te'nb'iec yu'uj. Yu'uj, caw junn̈j tzon̈ 'ajc qui masnil 'icha tznib'j Dios.

A Scarta San Pablo D'a Eb' Aj Colosas 2:2

Tzin nib'ej, caw tz'ajx ste'nal e nab'en yet' eb', junxn̈ej tzlaj eyutc e chamc'ojlan e b'a e masnil. Tzin nib'j tzex jelnb'i 'a yic Dios, sec 'oj e wach' te'nb'i. Toto 'ixta', 'oj wach' nachjc 'el eyu'uj, tas yaj jun man̈ 'ojcab'ilc 'a yic pecti', atn Cristo. Ax ticnec, a Dios tz'a'n cojcoquec 'eli.

1 Ts 1:3

A 'a sat qui Mam Dios, tzqui na cot on̈, chajtlto caw tzex munlj 'a 'a, caw tzeya'ch 'a e c'ojol. Tzqui nan cot on̈ yic tzeya'n servil, yujto caw niwn e chamc'ojlal 'a 'a. An̈jtona', caw te'n tzeyutj e b'a, yujto an̈j Cajlil Jesucristo a tzeya'ch yipc e c'ojol.

1 Ts 2:13

A yic caln 'el spaxti Dios 'a e cal on̈, yajn̈ej eya'n 'och 'a e c'ojol, chajtlto yel yic Dios, man̈ yico'oc 'anma'. Yuj cha, caw tzca'n̈j yuj diosal 'a Dios eyuj on̈. A spaxti tic, caw yel yico'. Caw 'ay yopiso sb'on qui nab'en an̈ creyente on̈c tic.

1 Ts 3:12

Tzqui nib'j on̈, a Cajlilec tzwach' 'a'n niwtjoc e chamc'ojlal, sec 'oj e wach' chamc'ojloc e b'a si'mb'il. Ax e chamc'ojlan pax smasnil 'amna', 'icha tzex cutj ex qui chamc'ojlan pax on̈.

2 Ts 1:3

Ex wu'tac, ex wanab', yowlal tzca'n̈j yuj diosal 'a Dios eyuj on̈. Smoj 'ixta tzcal eyuj on̈, yujto junjn c'u, yel xo wal tzeya'ch e c'ojl 'a Dios. An̈jtona', junjn ex, yel xo wal tzlaj e chamc'ojloc e b'a.

1 Ti 1:5

Tzwalb't jun checnb'il tic 'ayach, sec 'oj wach' pitzwc schamc'ojlal eb' creyente ta'. Toto tztojlb'tzej sb'a eb', toto tztan̈wj sb'a eb' yet' snab'en, toto yel tzya'ch eb' sc'ojl 'a Dios, 'oj wach' pitzwc schamc'ojlal eb'.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.

1 Jn 4:16

Tzca'c 'och 'a qui c'ojol, to a Dios tzon̈ chamc'ojlanec. Caw cojquec jun tic. A Dios 'ayn̈j schamc'ojlal. Yuj cha, toto 'ay qui chamc'ojlal jun xo, junn̈j cajc yet'oc, junn̈j yaj pax quet'ec.