Ef 4:12 - Chuj San Sebastian Bible

¹² 'Ixta tzyutj ya'n copiso junjn on̈ an̈ yic on̈c xo, yic tzca'nec servil, sec 'oj wach' te'nb'oc qui nab'enec, yujto an̈ec tic, 'icha to sniwnal Cristo cajec.

Chuj San Mateo Bible

¹² Icha chi' ix yutej yac'an copisio junjun on̈, yujto yic on̈xo, yic scac' servil, yic svach' tec'c'aj co pensar a on̈ icha snivanil Cristo caj tic.

Ef 4:12 Iomraidhean Croise

Lc 22:32

Palta caw in tew 'a Dios o'oj, sec matz ej 'el a c'ojl 'a 'a. Ach tic, a yic 'oj meltzj paxt a nab'en 'ayn jun 'ejm xo, tzac' ste'nal eb' o'tac, xchi 'a 'a.

A Tas Sc'ulejnac Eb' Schecab' Jesús Hechos 1:17

A win Judas cha, quitb'eymec qui b'a yet' 'a yaln̈taxi, junn̈j copisoec yet'oc.

A Tas Sc'ulejnac Eb' Schecab' Jesús Hechos 1:25

sec wach' 'oj 'och yopiso schecb'oc Jesucristo. Yujto 'ix 'ijx 'el win Judas 'a yopiso yuj smul. 'Ix 'at 'a jun lugar 'aj smoj tzc'ochi, xchi eb'.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

A Tas Sc'ulejnac Eb' Schecab' Jesús Hechos 9:31

'Ixta to b'i'an, 'ix 'och wan jun owl chi 'a yib'n̈ eb' creyente smasnil 'a Judea, 'a Galilea, yet' 'a Samaria. Caw xlaj 'och ste'nal eb'. 'Ay xiwc'ojlal eb' 'a Cajlil. 'Ix 'och Yespíritu Dios yet' eb'. Yuj cha, 'ix niwtj chan̈ sb'isl eb'.

Ro 12:5

'Icha qui niwnalec tic, 'ixta on̈ec. Wach'xam niwn on̈ec, palta 'icha to junn̈j 'anmal cajc 'a yol sc'ab' Cristo. 'Icha jun tzo'n̈ tastc 'ay 'a junc niwnal cha, to junn̈j yaji, 'ixta 'on̈ec, junn̈j cajc pax qui masnil.

Ro 12:7

A mach 'ac'b'il yopiso ya'n servil eb' yit creyenteal, yowlal caw wach' tzyutj ya'n servil eb'. A mach 'ay yopiso scuyn eb' yit creyenteal, yowlal caw tzya'ch snab'en scuyn eb'.

Ro 14:19

Yuj cha, caw tzqui na'ec, tas tzcutjec qui b'a, sec junc'ojlal tzon̈ 'ajc qui masnil. Tzqui nanec paxi, chajtl tzcutjec qui mol 'a'nec 'och qui te'nal.

Ro 15:14

Ex wu'tac, ex wanab', wojc xoni, to caw wach' e nab'en, caw jeln ex 'a yic Dios. Wojc paxi, to caw tztac' laj eya'lanc e nab'en ta'.

Ro 15:2

Junjn on̈ec, qui b'oc 'icha tznib'j eb' quit creyenteal, sec caw wach' yic eb'. Toto 'ixta', 'oj 'och ste'nal eb' 'a screyenteal.

Ro 15:29

Wojtac, a yic 'oj in c'och eyet' ta', til wal swach'c'ojlal Cristo 'oj sch'ox 'ayx wet'oc.

1 Co 12:27

Yuj cha, an̈ec tic, 'icha to sniwnal Cristo cajec. Junjn on̈ec, 'icha to stz'acb' sniwnal chi cajec, 'ixta cajc 'och qui masnil 'a 'a.

1 Co 12:7

A Dios tzch'oxn 'ayn̈ junjn on̈ec, chajtlto 'aych Yespíritu quet'ec, sec caw wach' quic qui masnil.

1 Co 14:12

An tic, wojc xoni, to tze nib'j jun tzo'n̈ 'opiso tzyac' Yespíritu Dios. Yuj cha, tzwal 'ayex, tzeyac' eyip, sec wach' 'oj e cha jun 'opiso caw wach'. Toto 'ixta', 'oj stac' eya'n ste'nal eb' eyit creyenteal.

1 Co 14:14

Q'uinloc tzin leslwi 'a junc chuc til ticnec. A 'in pixan tzleslwi. Palta ax in nab'en, matz nachj 'el jac yu'uj, tas chi tzwala.

1 Co 14:26

Yuj cha, ex wu'tac, ex wanab', 'oj wal't 'ayex, tas tzeyutj e b'a ta', a yic tzeyamn e b'a. Comnoc 'ayx tzex b'itni, 'ayx tzeyac' junc cuynb'il, 'ayx tzeyal-l junc tas tz'ajx yuj Dios 'ayex, 'ayx tzex paxtin 'a junc chuc ti'al, 'ayx pax tzeyal-l tas tzyal 'el'ch jun chuc til cha. Comnoc tzlaj 'och e te'nal yuj smasnil tas tze b'o cha.

2 Co 12:19

Tecn tze na'a, to ton̈j tzqui col qui b'a 'a eyojltac on̈. Palta man̈ 'ichcta tzcutj qui b'a on̈, yujto a 'a sat Dios, wan caln 'at jun tzo'n̈ tic 'ayx on̈ 'icha tznib'j Cristo, sec 'oj laj 'och e te'nal.

2 Co 13:11

Al ticnec ex wu'tac, ex wanab', 'ay cab' e tzaljc'ojlal ta'. Caw tze wach' b'oj e nab'en, 'ayx cab' e niwnc'ojlal. Junxn̈ej tzlaj eyutc e nab'en, junc'ojlal xoj tzlaj eyutc e b'a ta'. A Dios, 'a'm junc'ojlal, 'a'm pax chamc'ojlal, a 'oj 'och eyet'oc.

2 Co 13:9

Yuj cha, wach'xam may wal quel'ch on̈, palta tzon̈ tzaljn̈ej on̈, sec tzwach' 'och e te'nal. An̈jtona', 'oj qui leslwi pax eyuj on̈, sec 'oj swach' b'oc e nab'en.

2 Co 3:8

¿jantc tom wal yel'ch jun 'ab'x tzyij cot Yespíritu Dios 'ayn̈ec?

2 Co 4:1

Yuj cha, caw matz on̈ tzactzj on̈, yujto x'o'ch sc'ojl Dios 'ayn̈ on̈, xya'n jun copiso tic on̈.

2 Co 5:18

Smasnil jun tzo'n̈ xwal tic, a Dios tzb'on 'ayn̈ec. Yuj Cristo ya'jnac Dios niwnc'ojlal 'ayn̈ec, sec junc'ojlal xoj tzon̈ can yet'oc. A 'a'jnac copiso caln 'el on̈, chajtl tz'aj eb' 'anma yoch 'a junc'ojlal yet'oc.

2 Co 6:3

Tzqui nib'j on̈, may mach tzb'uchwj 'a spatc qui munljel on̈. Yuj cha, may jun 'ejmoc palta tzcutj qui b'a 'a sat junc xo mach on̈.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.

Ef 1:23

Ax yiglesia tic, 'icha to sniwnal yaji, tz'acn tzch'oxl swach'il. A Cristo tic, tz'acn yaj pax smasnil tas yu'uj.

Ef 4:16

An̈ec xo, 'icha to sniwnal cajec. 'Icha qui niwnalec tic, chachmb'a yaj sch'an̈il, caw wach' yaj junjn tas 'aych 'a 'a, 'ixta cajc yuj Cristo, yujto a tz'a'n quip qui masnil. Wan laj qui munlj junjn on̈ec, sec tzwach' te'nb'i qui nab'enec, sec tzwach' jaw qui chamc'ojlalec.

Ef 4:29

Man̈x eyal jun tzo'n̈ comn tu paxti'al. Cojn jun tzo'n̈ paxti wach' tzlaj eyala', sec 'oj laj b'o snab'en eb' tz'ab'xni 'ayex, ax swach' 'och ste'nal eb' eyu'uj.

Ef 4:4

Yujto an̈ec tic, 'icha to junn̈j 'anmal cajec. Junn̈j Espíritu 'aych 'ayn̈ec. Junn̈j tas tzca'c 'och yipc qui c'ojol, atn jun 'aj 'awtb'iln̈ec 'ochi.

A Scarta San Pablo D'a Eb' Aj Colosas 1:24

A ticnec, 'ayn 'och 'a yailal e mul eyujoc. Palta tzin tzaljn̈ej paxi. Yujto a yic tzwab'n syal yet' in niwnal tic, 'icha to tzin tz'acb'tzej syailal Cristo jac xo. A 'ix 'ab'n syal cuj an̈ yiglesia on̈c tic, yujto 'icha to sniwnal cajec.

A Scarta San Pablo D'a Eb' Aj Colosas 1:28

Atn Cristo tzcal-l yab'xil on̈. Tzcham wal caln yab'xil 'a junjn eb' 'aj tzon̈ 'ec' on̈. Tzon̈ cuywj pax on̈, sec tzwach' jelnb'i junjn eb' 'a yic Dios. Yujto tzqui nib'j on̈, to caw tzte'nb'i snab'en junjn mach 'a yol sc'ab' Cristo.

A Scarta San Pablo D'a Eb' Aj Colosas 4:17

Ax cu'tac Arquipo, tzeyal 'ixtc 'a 'a: Caw tzach munlj wal 'a jun opiso tic xyac' Cajlil 'ayach, xe chi 'a 'a.

1 Ti 1:12

A Cajlil Jesucristo, caw 'aych wet' 'a wopiso tic. Caw tzwac' yuj diosal 'a 'a, yujto xyala chajtlto yiclum in 'a sat. Yuj cha, xya'n wopiso wa'n servil.

2 Ti 4:11

Cojxnn̈ej Lucas 'ayc' wet'oc. Yic tzach coti, tz'ec' ec' Marcos et'oc, yujto caw 'ay yopiso smunlj wet' 'a Cajlil.

2 Ti 4:5

Palta ach xo, caw te'n tzotj a nab'en 'a smasnil tiempo. Caw tzac' techjoc ab'n syail. Caw tzal-l wach' 'ab'x yic colnb'il 'a scal eb' 'anma'. Munljan̈ si'mb'il, sec may tas 'oj yac' palta 'a jun opiso cha.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

A Ch'an̈ Carta D'a Eb' Hebreo 6:1

Ax ticnec, coyc 'a cojltac, sec 'oj wach' te'nb'oc qui nab'enec. Can cab' jun tzo'n̈ b'ab'l cuynb'il tzyal yuj Cristo tic. Man̈x cab' qui cuyc jun tzo'n̈ b'ab'l cuynb'il 'oj wal tic. Tzyala, to tzqui na qui b'a yuj jun tzo'n̈ tas tz'i'n cot chaml 'a quib'n̈ec. Tzyalni, tas tzcutj ca'nec 'och qui c'ojl 'a Dios.