Ef 4:1 - Chuj San Sebastian Bible

¹ An tic, preso waji, yujto tzwac' servil Cajlilec. Tzin tew 'at 'ayex, caw wach' tzeyutj e b'eyb'al. Smoj 'ixta tzeyutj e b'a, yujto a Dios 'awtjnacx 'och yico'oc.

Chuj San Mateo Bible

¹ A in tic, preso vaji, yujto svac' servil Cajal Jesús. Svalb'at d'ayex to vach'n̈ej tzeyutej e b'a. Smoj icha chi', yujto a Dios avtannac ex och yicoc.

Ef 4:1 Iomraidhean Croise

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Jeremías 38:20

Yuj cha, xwaln 'ixtc 'a winac: —Mamin rey, ma'oj ajx 'och 'a yol sc'ab' eb'. Yiclj wal spaxti Jehová 'ix wal 'ayach, sec 'ixta 'oj aj a colchji, caw wach' 'oj 'el'chi.

A Tas Sc'ulejnac Eb' Schecab' Jesús Hechos 9:31

'Ixta to b'i'an, 'ix 'och wan jun owl chi 'a yib'n̈ eb' creyente smasnil 'a Judea, 'a Galilea, yet' 'a Samaria. Caw xlaj 'och ste'nal eb'. 'Ay xiwc'ojlal eb' 'a Cajlil. 'Ix 'och Yespíritu Dios yet' eb'. Yuj cha, 'ix niwtj chan̈ sb'isl eb'.

Ro 11:29

Yujto a tas tzyac' Dios, jun 'ejmn̈ej tzyac'a. Man̈xtzac yij 'ec' jun 'ejm xo. A eb' tzyawtj 'och Dios yico'oc, jun 'ejmn̈ej tzyawtj 'och eb' yico'oc.

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

1 Co 4:16

Yuj cha, tzin tew 'ayex, caw tze b'eylb'ej in b'eyb'al tic.

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.

2 Co 5:20

Yuj cha, schecb' Cristo caj on̈. 'Icha to caw a Dios wan stew 'at 'ayx cuj on̈. Yuj cha, caw sjel Cristo tzon̈ 'aj qui tew 'at 'ayx on̈, sec tzex can 'a junc'ojlal yet' Dios.

2 Co 6:1

An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex.

Gl 4:12

Ex wu'tac, ex wanab', tzin tew 'at 'ayex, caw lajn tzeyutj e nab'en wet'oc. Yujto an tic, lajn wutjnac in nab'en eyet'oc, yic mantzac eya'ch jun ley chi yipc e c'ojol. A yic wec' 'ayx ta', wach'n̈j eyutjnac e b'a 'ayin.

Ef 2:10

A Dios on̈ b'onec 'a scha'ejmal yuj Cristo Jesús, sec caw wach' tzcutjec qui b'eyb'al 'a 'a. Yictax pecti', snajnac cani, chajtl 'oj cutquec qui b'eyb'al.

Ef 3:1

Yuj wal jun tzo'n̈ xwal tic, tzin leslwi eyu'uj. An Pablo in tic, preso waji, yujto tzwac' servil Cristo Jesús 'a e cal ax man̈ ex israeloc.

Ef 4:17

A jun tzo'n̈ 'oj walb't 'ayx tic, atn schecnb'il Cajlilec. Caw man̈x lajnoc tzeyutj e b'eyb'al 'icha eb' man̈ 'ojtnacoc Dios, yujto a sb'eyb'al eb' cha, caw may yel'chi, nab'an̈ej tzyixtj sb'a eb'.

Ef 4:4

Yujto an̈ec tic, 'icha to junn̈j 'anmal cajec. Junn̈j Espíritu 'aych 'ayn̈ec. Junn̈j tas tzca'c 'och yipc qui c'ojol, atn jun 'aj 'awtb'iln̈ec 'ochi.

Ef 5:2

Qui ch'oxc qui chamc'ojlal 'a junjn c'u, yujto 'ixta on̈ yutj Cristo on̈ schamc'ojlanec, yic ya'n cham sb'a cujec. 'Icha no calnelu milb'il cham xajmb'alil, wach' sjab' 'a Dios, tzalj yet'oc, 'ixta x'aj Cristo smilx cham cujec.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

A Scarta San Pablo D'a Eb' Aj Filipos 3:14

sec wach' 'oj wac' ganar in chan spac, atn in q'uinl 'a jun 'ejmn̈ej. Yuj wal jun tic, tzon̈ yawtnec Dios yico'oc, yujto junxn̈ej tzon̈ 'ajc yet' Cristo Jesús.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.

A Scarta San Pablo D'a Eb' Aj Colosas 2:6

Yuj cha, 'icha xeyutj e chan Cajlil Jesucristo, 'ixta tzeyutj e b'eyb'al 'a yol sc'ab' ticnec.

A Scarta San Pablo D'a Eb' Aj Colosas 4:12

A jun eyit chon̈b' Epafras tic, 'aych ya'malc servil Cristo wet'oc. Yelc'ojlal caw tzleslwi eyu'uj, sec tzex wach' te'nb'i, sec wach' cojxn wal jun tzo'n̈ tas tznib'j Dios 'aj tze wach' 'a'j 'och e nab'en.

1 Ts 2:12

Caln pax 'ayx on̈, to caw wach' tzeyutj e b'eyb'al, 'icha tznib'j Dios. A on̈ 'awtnec 'och 'a yol sc'ab', sec 'oj tz'acwc qui wach'lec 'icha swach'il.

2 Ts 1:11

Yuj wal jun tic, tzon̈ leslwi eyuj 'a junjn c'u on̈. Tzqui c'an 'a qui Diosalec eyuj on̈, sec caw wach'x 'a sat, yujto a 'awtjnacx 'och yico'oc. Tzqui c'ann pax 'a on̈, sec tzyac' spoder 'ayex, sec tze b'eylb'ej smasnil tas wach' 'icha tze nib'ej. Ax e munlj pax 'a 'a, yujto tzeya'ch 'a e c'ojol.

2 Ti 1:9

A Dios ya'jnac qui colnb'il. A 'awtjnac on̈ sec on̈ 'och yico'oc. Man̈ yujoc jun tzo'n̈ tas wach' tzqui b'o'o, on̈ colchji, palta yujto 'ixta tznib'j Dios tzon̈ 'aji, yujto junxn̈ej caj yet' Cristo. Yictax mantzac sb'o yolyib'n̈q'uinl tic, toxn 'ayx swach'c'ojlal 'ayon̈.

Tito 2:10

Matz tac' yelc'n eb' junc tas 'a 'a. Yowlal caw tojl tzyutj sb'a eb', tzch'oxn eb' swach' b'eyb'al. Toto 'ixta', 'oj yil eb' 'anma', to caw wach' jun tzo'n̈ cuynb'il yic Dios, atn qui Colmal.

A Ch'an̈ Carta D'a Eb' Hebreo 13:21

Tzin nib'ej, yuj schic'l cha, tzwach' b'oj Dios e nab'en, sec wach'n̈j 'oj eyutc e b'a, tze b'on 'icha tznib'ej. Tzin nib'j paxi, yuj Jesucristo caw wach' tzon̈ 'ajc 'a sat, sec tzalj quet'ec. Niwn cab' yel'ch Cristo 'a smasnil tiempo. 'Ixta cab' tz'aji.

A Ch'an̈ Carta D'a Eb' Hebreo 3:1

Ex wu'tac, ex wanab', yic ex xo Dios wet'oc, yujto a 'awtjnacn̈ec 'och yico'oc. Yuj cha, caw tze wach' 'a'j 'och e nab'en 'a Cristo Jesús, yujto schecb' Dios yaj 'ayn̈ec. An̈j tz'a'n 'och qui ti 'a jun 'aj tzcalc qui b'a.

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.

A Sb'ab'el Carta San Pedro 3:9

Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.

A Sb'ab'el Carta San Pedro 5:10

A 'a yic 'oj lajwc cab'nec syal jab'oc tiempoal, ax Dios 'oj on̈ swach' tz'acb'tzoquec, 'oj swach' 'a'c qui te'nalec, yet' quipec. Caw 'oj on̈ smolc ta'. Yujto a Dios, man̈ jantcoc swach'c'ojlal tzyac' 'ayn̈ec. A on̈ 'awtnec 'och yico'oc, sec wach' a jun caw swach'il, a 'oj yac' 'ayn̈ec 'a jun 'ejmn̈ej, yujto junxn̈ej cajc yet' Jesucristo.

A Schab'il Carta San Pedro 1:3

'Ay jun tzo'n̈ tas 'ay tz'och cujec, yic tzqui chanec qui q'uinl 'a jun 'ejmn̈ej, yic tzca'nec pax 'och qui nab'en 'a Dios. Yujn̈ej spoder, c'uxn xyac' jun tzo'n̈ chi 'ayn̈ec, yujto xyac' cojcoquec 'el Jesucristo. A 'awtjnacn̈ec 'och yico'oc, yujto caw niwn yel'chi, man̈ jantcoc swach'il.

2 Jn 1:5

Al ticnec, tzin tew 'at 'ayx ta', caw tzlaj qui chamc'ojloquec qui b'a qui masnil. A jun checnb'il tzwalb't 'ayx tic, man̈toc at 'ijnoc 'oj eyab' tic. Yujto yictax on̈ 'ochc yico'oc Dios, cab'nec xon jun tic.