Ef 3:18 - Chuj San Sebastian Bible

¹⁸ Ax swach' nachj 'el eyu'uj, yet' eb' quit creyenteal smasnil, chajtlto a schamc'ojlal Cristo 'ayn̈ec, caw wal niwan, man̈x yalnb'iloc.

Chuj San Mateo Bible

¹⁸ Axo svach' nachajel eyuuj yed' eb' yicxo Dios smasanil to te xajan on̈ val yuj Cristo chi'.

Ef 3:18 Iomraidhean Croise

2 Cr 6:41

Cotn̈ mu'c ticnec ach Jehová qui Diosal on̈, yic tzach can cajn 'a jun lugar tic, yet' te a caxa tzch'oxn 'el a poder. Ach Jehová qui Diosal on̈, col eb' ya'mal 'och qui ti 'ayach, ax eb' eco', tzaljc'ojlal cab' yaj eb' yuj a wach'c'ojlal.

Salmos 103:17

Palta a schamc'ojlal Jehová, may slajb' 'a 'ayn̈ to yiclum on̈c 'a 'a. A swach'c'ojlal 'ayc'n̈ej 'a yib'n̈ quin̈tlec b'aq'uin̈;

Salmos 116:15

A yic tzcham junc mach to yic xo Dios yaji, caw wal 'ay yel'ch 'a 'a, yujto man̈ comnoc tzchaj cham eb' yic cha.

Salmos 132:9

Ax eb' ya'mal 'och qui ti 'aych on̈, sb'eylb'oc cab' eb' tojlal, an̈ xo a chon̈b' on̈ tic, 'el cab' caw yuj tzaljc'ojlal.

Salmos 139:6

Caw wal satjub'tac yilx a jelnal tic, matz nachj 'el xon wu'uj. Caw wal niwn yel'chi, ton̈j tzsat in c'ojl yu'uj.

Salmos 145:10

A tas b'ob'il oj cha, 'oj yal eb' swach' paxti 'ayach. A eb' 'anma ec xo yaji, 'oj ach sb'inoc eb' smasnil.

Is 55:9

A in nab'en cha yet' tas tzin b'o'o, yel xo wal 'ec'b'al a yib'n̈ eyico', lajn wal 'icha schan̈il yajb't satchan̈ 'a yib'n̈ eb' lum niwc witz.

Zacarías 14:5

Ax xo tic, 'oj e 'at 'eloc. 'Oj eyel 'a jun pan̈n 'ay 'a snan̈l chab' lum tzaln cha, yujto a jun pan̈n cha, 'oj c'och to 'a Azal. Caw 'oj e 'at 'elc 'icha 'ajnc s'at 'elc eb' e mam eyicham yic yec' jun quixcab' 'a pecti', yic 'aych win Uzías reyl 'a Judá. 'Ixta to b'i'an, ax sjaw Jehová qui Diosalec yet' smasnil eb' yico'.

Jn 15:13

Toto 'ay junc mach tzyac' cham sb'a yuj junc swach'c'ojol, may junc mach 'ec'b'al schamc'ojlal 'a jun cha.

Ro 10:3

Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

2 Co 13:13

Jantcn̈ej eb' yic xo Dios 'a tic, tic tzya't eb' stzatzl e c'ojol.

Gl 2:20

A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Ef 1:10

A yic 'oj c'och stiempoal, 'oj 'el'choc jun snib'jnac cha. Yujto ata 'oj swach' 'a'c 'och smasnil mach yet' smasnil tas 'a yol sc'ab' Cristo. Wach'xam jun tzo'n̈ 'ay 'a satcha'an̈, yet' pax jun tzo'n̈ 'ay 'a yolyib'n̈q'uinl tic, junxn̈ej 'oj yutc ya'n 'och smasnil 'a yol sc'ab' cha.

Ef 1:15

Tic 'ix wab'i, chajtlto caw tzeya'ch e c'ojl 'a Cajlil Jesús. 'Ay ab' pax e chamc'ojlal 'a jantcn̈ej eb' yic xo Dios quet'ec.

Ef 3:19

Wach'xam may b'a'n̈ 'oj nachjc 'el cujec, jantc schamc'ojlal cha, palta tzin nib'j tzeyojquej 'eli. An̈jtona', tzin nib'ej tzwach' 'och Dios 'a e pixn si'mb'il.

A Scarta San Pablo D'a Eb' Aj Colosas 1:4

Yujto xcab' eyab'xil on̈, chajtlto xeya'ch e c'ojl 'a Cristo Jesús. Tzcab'n on̈, to caw 'ay e chamc'ojlal 'a jantcn̈ej eb' yic xo Dios yaj quet'ec.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

Apoc 3:21

A eb' 'oj 'a'nc ganar ya'n techjoc, 'oj wac' 'em wocn eb' 'a 'aj 'ay in despacho, 'icha wutjnac wa'n ganar wa'n techjoc, wem wocn yet' in Mam 'a 'aj 'ay sdespacho.