Ef 2:4 - Chuj San Sebastian Bible

⁴ Palta a Dios, caw niwn x'o'ch sc'ojl 'ayn̈ec. Man̈x jantcoc schamc'ojlal 'ayn̈ec.

Chuj San Mateo Bible

⁴ Palta tz'oc' val sc'ool Dios d'ayon̈. Te xajan on̈ yuuj.

Ef 2:4 Iomraidhean Croise

Nehemías 9:17

Ma'ix yal sc'ojl eb' yab'ni, man̈xtoc 'ix sna cot eb' jun tzo'n̈ tas to satjub'tac xa b'o yuj swach'loc eb'. A yic eb' to pit 'ix yutj sb'a eb', 'ix ya'n 'och eb' jun syajlil yuj man̈ nab'enal, yic tz'ijx pax meltzjoc eb' jun 'ejm xo yuj 'a Egipto, yic tz'ochx eb' mosoal ta yalni. Palta ach xo tic ach qui Diosal on̈, caw 'ay a niwnc'ojlal, wach' a nab'en, tz'o'ch a c'ojol, teb'il tzcot owal, caw niwquil a chamc'ojlal, yuj wal cha, ma'ix actjcan eb'.

Salmos 145:8

Mamin Jehová, caw wal wach' a nab'en, tz'o'ch pax a c'ojol. Man̈ comnoc tzcot owal, yujto 'ay a chamc'ojlal.

Salmos 51:1

Caw 'ay a chamc'ojlal ach in Diosal, 'o'ch cab' wal a c'ojl 'ayin, suc sat in paltail.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Ex 33:19

'Ix ta'w Dios 'a 'a: —Smasnil in wach'c'ojlal 'oj in ch'ox 'ayach, ax wal 'a ojltac ata 'oj walcn in b'i an Jehová in tic. 'Oj wac' in wach'c'ojlal 'a eb' 'aj tzyal in c'ojl tzwac'a, an̈jtona', 'oj 'o'ch pax in c'ojl 'a eb' 'aj tzyaln̈j in c'ojol.

Is 63:7

An tic tzin nib'j wal-l schamc'ojlal Jehová, tzin b'itnan smasnil tas sb'o cujec. Caw wal niwn swach'c'ojlal 'ayn̈ an̈ yin̈tl on̈ec can Israel tic. Til wal tas sb'o cujec, 'ix 'o'ch sc'ojol, caw niwn pax schamc'ojlal 'ayn̈ec.

Jeremías 31:3

A 'a yaln̈taxi 'ix in ch'ox in b'a 'ayex, 'ix waln 'ixtic: Ex israel, chamc'ojlb'ilx wuj 'a smasnil tiempo, yuj cha, caw tz'o'chn̈ej in c'ojl 'ayex.

Dn 9:9

Palta ach tic, qui Diosal ach on̈, caw tz'o'ch a c'ojol, 'ay pax a niwnc'ojlal, wach'xam an̈ tic on̈, cojn tenmtacl tzqui b'o 'a ojltac on̈.

Jonás 4:2

Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.

Lc 1:78

A qui Diosalec caw tz'o'ch sc'ojl 'ayn̈ec. 'Icha tz'aj sq'uel c'u tzya'n sacq'uinl 'ayn̈ec, 'ixta 'oj 'aj sjaw jun checb'il cot yu'uj.

Ro 10:12

Wach'xam israel on̈ec, wach'xam man̈ on̈ israeloc, lajn on̈c qui masnil 'a sat Dios. Yujto a Cajlilec, Yajl yaj 'a quib'n̈ec qui masnil. Tzann̈j on̈ tzcalc qui b'a 'a 'a, til wal swach'c'ojlal tzyac' 'ayn̈ec.

Ro 2:4

A Dios caw niwn swach'c'ojlal, caw 'ay sniwnc'ojlal. Man̈ comnoc tzcot yowal, palta tecn 'ayx may yel'ch jun tzo'n̈ tic 'a e sat. ¿Tom man̈ eyojcoc, to tzyac' niwnc'ojlal 'ayn̈ec, sec wach' tzqui nac qui b'a yu'uj?

Ro 5:8

Palta sch'oxjnac Dios schamc'ojlal 'ayn̈ec, yujto a Cristo ya'jnac cham sb'a qui jeloc, yic caw 'ajmul on̈c to.

Ro 9:23

'Ixta yutjnac Dios sch'oxn 'eli, to caw niwn yel'ch swach'il, yic 'ix 'o'ch sc'ojl 'ayn̈ec. Yujto yictax pecti', si'jnacn̈ec 'och yico'oc, sec wach' 'ay calnec quic 'a swach'l cha.

Ef 1:7

Yuj wal sniwn chamc'ojlal, on̈ scolnec 'el yet' schic'l Yunnal, yic 'ix cham cujec. Caw xlajw can qui mulc yu'uj.

Ef 2:7

'Ixta xyutj Dios 'ayn̈ec, sec wach' a yic 'oj jawc jun tiempoal, an̈j 'ijnoc 'oj sch'oxo', to niwn schamc'ojlal 'ayn̈ec. Ax sch'oxn pax swach'c'ojlal 'ayn̈ec, yujto junxn̈ej cajc yet' Cristo Jesús.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

2 Ts 2:13

Ex wu'tac, ex wanab', chamc'ojlb'ilx yuj Cajlilec. Yowlal caw tzca'n̈j yuj diosal 'a Dios eyuj on̈, yujto yictax pecti', sic'b'ilx can 'el yuj Dios quet' on̈, sec tzex colchj yuj Yespíritu. A tzex 'i'n 'och yico'oc Dios. Yuj cha, tzex colchj quet' on̈, yujto tzeya'ch pax e c'ojl 'a jun cuynb'il caw yel.

1 Ti 1:14

Caw niwn swach'c'ojlal Cajlil sch'ox 'ayin. Ya'jnac wa'ch in c'ojl 'a 'a, ya'jnac pax in chamc'ojlal, 'icha tzyutj ya'n 'ayn̈ junjn on̈, yujto junxn̈ej caj yet' Cristo Jesús.

2 Ti 1:9

A Dios ya'jnac qui colnb'il. A 'awtjnac on̈ sec on̈ 'och yico'oc. Man̈ yujoc jun tzo'n̈ tas wach' tzqui b'o'o, on̈ colchji, palta yujto 'ixta tznib'j Dios tzon̈ 'aji, yujto junxn̈ej caj yet' Cristo. Yictax mantzac sb'o yolyib'n̈q'uinl tic, toxn 'ayx swach'c'ojlal 'ayon̈.

A Sb'ab'el Carta San Pedro 1:3

Calc wach' paxti 'a Dios, atn 'a Smam Cajlil Jesucristo, yujto caw x'o'ch sc'ojl 'ayn̈ec. On̈ ya'nec 'aljoc pax 'a scha'ejmal, yujn̈ej to pitzwnac pax Jesucristo 'a scal eb' chamnac. Yuj cha, caw tzca'c 'och yipc qui c'ojol, to a 'oj 'a'nc qui q'uinlec.