Ef 2:3 - Chuj San Sebastian Bible

³ 'Ixta cutjnaquec qui b'a qui masnil 'a yic yalan̈. Qui b'ojnaquec 'icha tzqui nib'ej. Cojn 'a jun tzo'n̈ maysch'olnil tznib'j 'och qui niwnalec tic, ata ca'jnaquec 'och qui nab'en. Yujto mun a qui nab'enec 'a'jnacn̈ec mandar. Yuj cha, smoj tz'ajx jun niwn yailal 'a quib'n̈ec, 'icha 'oj 'aj sjaw 'a yib'n̈ jun tzo'n̈ xo 'anma'.

Chuj San Mateo Bible

³ A d'a yalan̈taxo, icha chi' cutejnac co b'a co masanil. Co c'ulejnac icha co gana. An̈ej d'a juntzan̈ chucal snib'ej co nivanil tic b'aj cac'nacoch co pensar. Yujto an̈ej co pensar chi' ac'jinac on̈ mandar. Yuj chi', smoj val tz'ac'jioch jun nivan yaelal d'a quib'an̈, icha ol aj yac'jioch d'a yib'an̈ juntzan̈xo anima.

Ef 2:3 Iomraidhean Croise

Gn 5:3

A Adán 130 ab'il sq'uinal yic 'ix 'alj junx yunnal, Set 'ix yac' sb'ioc, lajn sb'o 'icha smam cha. Wajxque ciente ab'il to x'ec' Adán, 'ayt eb' yunnal, yet' eb' yisl 'ix 'alji. A smasnil sq'uinl winac, 930 ab'il xyila, xlajw cha xchami.

Gn 6:5

Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

Job 14:4

¿Toc 'ayn̈ tztac' qui b'on swach'il, 'into 'aych xon maysch'olnil 'ayn̈ on̈?

Job 25:4

Toc 'ay junc 'anma may smul 'a sat Dios, toxn may xon mach wach'.

Salmos 51:5

Wal yel a yic in 'alji, toxnto may in ch'olnil. Yictax 'aynto 'ec' 'a yol sc'ojl in nun, man̈ in wach'oc.

Is 53:6

On̈ sactzic qui masnil 'icha no calnelu, mun xoj xqui na junjn on̈ 'aja b'el 'aj tzon̈ laj 'atcni, palta ax Jehová, 'ix ya'ch jun tzo'n̈ qui mulc chi 'a yib'n̈ jun schecb' cha.

Mr 4:19

palta cojxn jun tzo'n̈ yic yolyib'n̈q'uinl tic tzna eb'. Tzjuw 'el snab'en eb' yuj snib'n 'och sricoal. Til wal jun tzo'n̈ tas tzcomn nib'j 'och eb'. An̈j 'a jun tzo'n̈ chi tzya'ch eb' snab'en; yuj cha, caw tzjuw 'el spaxti Dios 'a eb', lajn tz'aj eb' 'icha jun tzo'n̈ 'in̈t may xon jac sjolm tzyac'a.

Jn 1:13

A yic tz'och eb' yunnalc Dios, 'icha to tzat 'alj eb'. Palta man̈ lajnoc 'icha tz'aj yalj junc 'anma'. Man̈ yujoc tas tznib'j junc 'anma', tz'alj eb'. Man̈ yujoc tas tznib'j junc winac, palta a Dios tz'i'n 'och eb' yunnaloc.

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

A Tas Sc'ulejnac Eb' Schecab' Jesús Hechos 14:16

A yic pecti', yactjnac can Dios eb' 'anma', sec mun tzb'o eb' 'icha tznib'ej.

Ro 1:24

Yuj cha, a Dios 'ix 'actn can eb' 'anma sch'ocoj, yic tzwach' 'atcn eb' 'a jun tzo'n̈ maysch'olnil tznib'j 'ochi. Ax wal jun tzo'n̈ tas caw q'uixweltac tzlaj sb'o eb' yet' sniwnal,

Ro 11:30

A 'a yic yalan̈, man̈ ex yiclumoc 'a Dios. Al ticnec, tz'o'ch sc'ojl 'ayex, yujto a eb' wit israelal, man̈ yiclumoc pax eb' 'a 'a.

Ro 13:14

Yowlal tzqui chajec spoder Cajlil Jesucristo, 'icha tzyutj junc soldado schan syamc'ab' yic owal. Man̈x ca'c 'och qui nab'en 'a jun tzo'n̈ tas tznib'j 'och qui tu nab'enal.

Ro 2:14

A eb' man̈ israeloc, man̈ yojcoc eb' ley yic Moisés. Palta 'ay 'aj mun tzb'o eb' 'icha wal tzyal jun ley cha. Wach'xam man̈ yojcoc eb', mun 'aych 'a snab'en eb'.

Ro 5:10

A 'a yic yalan̈, wach'xam 'ajc'ojl cajc 'och 'a Dios, palta junc'ojlal xoj on̈ 'ajc yet'oc, yujto xcham Yunnal qui jeloc. Al ticnec, junc'ojlal xoj cajc yet'oc. Yuj cha, to caw yel 'oj qui colchjec yuj Yunnal cha, yujto pitznn̈ej.

Ro 5:9

Al ticnec, wach'n̈ecx 'a sat Dios, yujn̈ej to xcham Cristo qui jeloc. Yuj cha, yu'uj, ax qui wach' colchjec 'el 'a jun niwn yailal tot 'oj jawc yuj yowl sc'ojl Dios.

Ro 6:12

Yuj cha, a wal maysch'olnil, caw man̈xtzac qui chajec 'och yac' yajlil 'a yib'n̈ qui niwnalec. Yujto a qui niwnalec tic, yic chaml yaji. Caw man̈xtzac qui yicljec qui b'on jun tzo'n̈ maysch'olnil tzqui nib'jec 'ochi.

Ro 7:18

Wojtac, yuj jun in tu nab'enal tic, may jac tas wach', tzcheclj 'el 'ayin. Yujto caw tzin nib'j tzin b'o jun tzo'n̈ tas wach', palta matz tac' in b'oni.

Ro 9:22

An̈jtona', 'ixta pax Dios yet' eb' 'anma'. 'Ay eb' smoj schan yowl sc'ojol, smoj 'oj 'atcn eb' 'a yailal 'a jun 'ejmn̈ej. A Dios, wach'xam tznib'j tzch'ox yowl sc'ojl 'a eb', sec 'oj checljoc 'el spoder, palta caw niwn tzyutj sc'ojol, tzyac' techjoc smul eb' cha.

1 Co 4:7

May junc on̈ tztac' qui b'an̈n qui b'a, yujto lajnn̈ej quel'chec qui masnil. Tzann̈j tas tztac' cujec, yujto a Dios tz'a'n 'ayn̈ec. Yuj cha, matz tac' qui b'an̈nec qui b'a yu'uj. Matz tac' calnec, to mun quiquec, yujto a Dios tz'a'n 'ayn̈ec.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.

Gl 3:22

Palta tzyal 'a Ch'an̈ U'un̈, chajtlto smasnil 'anma', 'ayc' eb' 'a yol sc'ab' maysch'olnil. 'Ixta tzyala, sec wach', an̈ec xo tzca'c 'och qui c'ojl 'a Jesucristo, tzqui chajec jun yaljnac can Dios, yic ya'n sti'. Yujn̈ej to tzca'c 'och 'a qui c'ojol, tzqui chanec.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

Ef 4:22

Ax jun eyichm b'eyb'al, yowlal tze wach' 'actj can 'a jun 'ejmn̈ej. Yujto a jun eyichm b'eyb'al cha, ton̈j tzwach' juw yuj jun tzo'n̈ tas tze nib'j 'ochi.

A Scarta San Pablo D'a Eb' Aj Colosas 1:21

Ax xo, caw 'ajc'ojl eyajch 'a Dios 'a yic yalan̈. Caw tu eyutjnac e nab'en 'a sat, yujto maysch'olnil e b'eyb'al ta'. Palta ax ticnec, junc'ojlal xoj eyaj yet'oc,

1 Ts 4:13

Ex wu'tac, ex wanab', tzqui nib'j on̈, caw tzeyojquej 'eli, tas wal yaj eb' creyente chamnc xo, sec matz ex cus yuj eb', 'icha tzcus eb' may tas tzya'ch yipc sc'ojol.

1 Ts 5:6

Yuj cha, matz tac' lajn tzcutjec qui b'a 'icha jun tzo'n̈ xo eb' 'anma'. 'Icha to waync eb', yujto matz tan̈wj eb' sjaw jun c'ul cha. Yowlal tzon̈ macwjec, te'n tzcutjec qui nab'en.

1 Ti 6:9

Palta 'ay eb' creyente cojn ricoal tznib'ej. Yuj cha, c'un yajx juwc 'el eb' yuj maysch'olnil. 'Icha to tzcan eb' 'a junc ch'an̈ ya'al, yujto til wal jun tzo'n̈ tas may yopiso tznib'j 'och eb'. Caw 'ay smay tzjuw 'el eb' yu'uj. Yuj jun tzo'n̈ tznib'j 'och eb' cha, tzwach' caw juw 'el snab'en eb' 'a jun 'ejmn̈ej. Yuj cha, 'ichn̈jta 'oj satx can 'ejm eb'.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

A Sb'ab'el Carta San Pedro 1:14

Ax xo, yunnal ex xo Dios wet'oc, yiclum ex 'a 'a. A 'a yic yalan̈, til wal tas e nib'jnac 'ochi, yujto mant eyojcoc Dios ta'. Al ticnec, caw man̈x e b'eylb'oc 'ixta'.

A Schab'il Carta San Pedro 2:14

Tzann̈j junc 'ix tzyil eb', caw tznib'jn̈ej 'och eb'. Caw matz tac' stenn 'och wan sb'a eb' sb'on 'ajmulal. Ax eb' mant 'a ste'nal, caw tz'ajx sc'ojloc eb' yuj eb'. C'ayncn̈ej eb' snib'n 'och maysch'olnil. Yuj cha, caw 'ayx cot yowl sc'ojl Dios 'a yib'n̈ eb'.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

1 Jn 2:16

A eb' yic yolyib'n̈q'uinl tic, cojxn yic sniwnal eb' tznib'j 'ochi. Tznib'n pax 'och eb' jun tzo'n̈ tastc tzyil yet' sat. Tzb'an̈n pax sb'a eb' yuj jun tzo'n̈ tastc 'ay 'a 'a. Palta a jun tzo'n̈ b'eyb'al cha, man̈ yico'oc qui Mam Dios, yic yolyib'n̈q'uinl tic.

1 Jn 2:8

Palta a jun checnb'il tic, tzat walb't 'ayx jun 'ejm xo. Wan qui b'eylb'anec jun checnb'il tic 'icha yutjnac sb'a Jesucristo, yujto wan sat jun q'uic'q'uinl 'a qui pixnec. Ax jun sacq'uinl caw yel, a 'ayx 'och 'ayn̈ec.