Ef 1:3 - Chuj San Sebastian Bible

³ Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

Chuj San Mateo Bible

³ Calec vach' lolonel d'a co Mam Dios, aton Smam Cajal Jesucristo, yujto ix yac' masanil juntzan̈ vach'il yic Espíritu d'ayon̈, aton juntzan̈ yic satchaan̈, yujto junxon̈ej caj yed' Cristo.

Ef 1:3 Iomraidhean Croise

Gn 14:20

Alx cab' wach' paxti 'a Dios to Cojxn Niwn Yel'chi, a 'ix colwj et'oc, yuj cha, xa'n ganar eb' 'ajc'ojl yajch 'ayach, xchi 'a Abram cha. Xlajw cha, 'ix yi'n 'el Abram junjn 'a junjn lajn̈e 'a smasnil tastc 'ix 'at yi'cn 'ec' 'a eb' rey cha, 'ix ya'n 'a Melquisedec.

Gn 22:18

Yujto 'ix a yiclj tas 'ix wala, yuj cha, smasnil chon̈b' 'a yolyib'n̈q'uinl tic, 'oj scha eb' in yaxilal o'oj, xchi Dios 'a winac.

1 Cr 29:20

Xlajw cha, 'ix yaln David 'ixtc 'a smasnil eb' 'anma': A ticnec ex wit chon̈ab', alc wach' paxti 'a Jehová qui Diosalec, xchi. Xlajw cha, 'ix yaln smasnil eb' 'anma wach' paxti 'a Dios, atn sDiosal eb' yet' smam yicham. 'Ix 'em cumn eb' 'a yojltac Dios yic 'ayc' eb' 'a yojltac win rey cha.

1 Cr 4:10

'Ix leslwi win 'a qui Diosalec an̈ israel on̈c tic, 'ix yalni: Tzin tew 'aych Mamin, to tzac' a yaxilal 'a wib'an̈. Tzin nib'j to niwquil in lu'um, tzin nib'j tzach 'och pax wet'oc, yic tzin a coln 'el 'a yailal, sec wach' matz in 'ixtxi, xchi 'a slesal. Ax Dios 'ix 'a'n tas 'ix sc'an cha.

2 Cr 31:8

A Ezequías yet' eb' yajl yaj yet'oc, a yic xyiln eb' jun tzo'n̈ xmolb'tzax cha, xyaln eb' wach' paxti 'a Jehová yet' 'a yib'n̈ schon̈ab', atn Israel.

Nehemías 9:5

atn Josué yet' Cadmiel, Binuy, Hasabnías, Serebías, Hodías, Sebanías, yet' Petahías, 'ix yaln eb' 'ixtic: Q'uen̈ec wa'an, calc wach' paxti 'a Jehová qui Diosalec 'a smasnil tiempo. Qui b'itquec sb'i yuj calnec wach' paxti 'a 'a, wach'xam matz q'ue'ch qui b'inanec sb'i 'a 'icha wal smoj sb'inaxi, xchi eb'.

Salmos 134:3

A Jehová, jun b'ojnac satcha'an̈ yet' lum lum tic, ya' cab' cot swach'c'ojlal 'a eyib'n̈ 'a tzaln Sión.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Salmos 72:19

Alx cab' wach' paxti 'a sb'i 'a smasnil tiempo. B'inax cab' sb'i 'a smasnil yolyib'n̈q'uinl tic. 'Ixta cab' tz'aji.

Is 61:9

Caw wal 'oj b'inaxc eb' eyin̈tl 'a scal jun tzo'n̈ xo nacion̈ b'aq'uin̈, ax smasnil 'anma 'oj 'ilnoc 'och eb', 'oj nachjoc 'el yuj eb' chajtlto an Jehová in, an tzwac' in wach'c'ojlal 'a eyib'an̈, xchi Dios.

Dn 4:34

'Ix yaln pax win rey chi 'ixtic: A yic xtz'acw stiempoal jun yailal 'aych 'a wib'an̈, in q'ue q'ueln 'a satcha'an̈, 'ix tojlb'i can pax in nab'en. Xlajw cha, xwaln wach' paxti 'a jun Dios caw niwn yel'chi, 'ix wi'n chan̈ sb'i Dios jun mach 'ayc' 'a jun 'ejmn̈ej. Yajl yaj 'a jun 'ejmn̈ej. 'Oj b'eyn̈j yopiso 'a yib'n̈ junjn macn̈il 'anma'.

Lc 2:28

Ax yic xc'och eb' ta', 'ix schan 'at Simeón jun tz'ulc 'unn cha, sme'ni, 'ix yaln wach' paxti 'a Dios yu'uj, 'ix yaln 'ixtic:

Jn 14:20

A 'a jun c'u yic 'oj 'ochcn Espíritu 'ayex, atta 'oj nachjoc 'el eyu'uj, chajtlto 'ayn 'och 'a qui Mam Dios, 'aych pax 'ayin. Ax snachj pax 'el eyu'uj, chajtlto 'ayx 'och 'ayin, 'ayn pax 'och 'ayex.

Jn 17:21

Tzin c'an 'ayach, sec junxn̈ej 'oj 'aj snab'en eb' smasnil. Mamin, junn̈j in et'oc, junn̈j ach pax wet'oc. Comnoc 'icha caji, 'ixta 'oj 'aj eb', junn̈j tz'aj eb' quet'oc. Toto 'ixta', ax eb' 'anma 'a yolyib'n̈q'uinl tic, 'oj ya'ch eb' 'a sc'ojol, to ach checjnacn coti.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

Ro 12:5

'Icha qui niwnalec tic, 'ixta on̈ec. Wach'xam niwn on̈ec, palta 'icha to junn̈j 'anmal cajc 'a yol sc'ab' Cristo. 'Icha jun tzo'n̈ tastc 'ay 'a junc niwnal cha, to junn̈j yaji, 'ixta 'on̈ec, junn̈j cajc pax qui masnil.

Ro 15:6

Sec wach' junxn̈ej 'oj 'aj e nab'en, junxn̈ej 'oj eyutc eyaln wach' paxti 'a Dios, atn 'a Smam Cajlil Jesucristo.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

1 Co 12:12

A qui niwnalec tic, wach'xam niwn tas 'ay 'a 'a, palta junn̈j yaji. 'Icha jun tzo'n̈ tas 'a qui niwnalec tic, 'ixta cajc 'och 'a Cristo. 'Icha to sniwnal Cristo cajc qui masnil.

2 Co 1:3

Calc wach' paxti 'a Dios, atn 'a Smam Cajlil Jesucristo. Qui Mamc paxi, yuj cha, caw tz'o'ch sc'ojl 'ayn̈ec. Caw tzyac' sniwnal qui c'ojlec, yujto qui Diosalec.

2 Co 11:31

A Dios, atn Smam Cajlil Jesús, smasnil tiempo smoj tzalx wach' paxti 'a 'a. A 'ojtnac, chajtlto caw yel tzwala.

2 Co 5:17

A mach junxn̈ej tz'aj yet' Cristo, caw tzjelmj snab'en, 'icha to tzcaw 'a'tb'i. A jun tzo'n̈ yichm b'eyb'al, tzlajw can 'eq'ui. C'uxn tzlaj wach' b'ocn smasnil.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Gl 3:9

Yuj cha, toto tzca'c 'och qui c'ojl 'a Dios, lajn tzcutjec qui chan syaxilal 'icha schajnac Abraham cha, yujto ya'jnac 'och 'a sc'ojol.

Ef 1:10

A yic 'oj c'och stiempoal, 'oj 'el'choc jun snib'jnac cha. Yujto ata 'oj swach' 'a'c 'och smasnil mach yet' smasnil tas 'a yol sc'ab' Cristo. Wach'xam jun tzo'n̈ 'ay 'a satcha'an̈, yet' pax jun tzo'n̈ 'ay 'a yolyib'n̈q'uinl tic, junxn̈ej 'oj yutc ya'n 'och smasnil 'a yol sc'ab' cha.

Ef 1:17

A sDiosal Cajlil Jesucristo, atn qui Mamc caw niwn yel'chi. Tzin c'an 'a 'a, sec 'oj yac' sjelnal 'ayx yuj Yespíritu, sec 'oj wach' nachjc 'el eyu'uj, tas 'ac'b'il cojcoquec 'eli. 'Ixta to b'i'an, ax e wach' 'ojcan 'el qui Mam Dios.

Ef 1:20

yic ya'n pitzwc pax Cristo 'a scal eb' chamnac, yic ya'n 'ejm wocn 'a swach' c'ab' 'a satcha'an̈.

Ef 2:6

A on̈ 'a'nec pitzwc pax yet' Cristo Jesús. Ax 'a sat, tox on̈ 'emc wocn yet' Cristo 'a satcha'an̈.

Ef 3:10

Yuj cha, jantcn̈ej eb' 'aych yajlil 'a satcha'an̈, yet' eb' tz'a'n cuenta ta', yic xyiln eb' chajtl caj an̈ec yiglesia on̈ xo tic, 'ix wach' nachj 'el yuj eb', to man̈ jantcoc sjelnal Dios.

Ef 6:12

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

A Scarta San Pablo D'a Eb' Aj Filipos 2:11

Ax yaln eb' smasnil 'ixtic: Atn Jesucristo Cajlilec, 'oj schic eb'. 'Ixta 'oj 'aj scheclj 'eli, chajtlto caw niwn yel'ch qui Mam Dios.

A Ch'an̈ Carta D'a Eb' Hebreo 8:5

Palta a yopiso eb' cha, ton̈j ch'oxnb'il yaj yuj tas 'ay 'a satcha'an̈. 'Icha to yen̈ln̈ej yaji. Cojquec, to ton̈j ch'oxnb'il yaji, yujto a yic mantzac sb'o Moisés jun scajnub' Dios, yaln Dios 'ixtc 'a 'a: Tzcham wal elni, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a b'oni, xchi 'a 'a.

A Ch'an̈ Carta D'a Eb' Hebreo 9:23

Yowlal ya'jnac ton eb' jun tzo'n̈ xajmb'al, yic tzsacb'tzax jun tzo'n̈ cha. Palta a jun tzo'n̈ cha, ton̈j yechl tas 'ay 'a satcha'an̈. Ax jun tzo'n̈ tas 'ay 'a satchan̈ cha, yowlal tzsacb'tzax yuj junx xajmb'al caw yel xo niwn yel'chi.

A Sb'ab'el Carta San Pedro 1:3

Calc wach' paxti 'a Dios, atn 'a Smam Cajlil Jesucristo, yujto caw x'o'ch sc'ojl 'ayn̈ec. On̈ ya'nec 'aljoc pax 'a scha'ejmal, yujn̈ej to pitzwnac pax Jesucristo 'a scal eb' chamnac. Yuj cha, caw tzca'c 'och yipc qui c'ojol, to a 'oj 'a'nc qui q'uinlec.