Ef 1:10 - Chuj San Sebastian Bible

¹⁰ A yic 'oj c'och stiempoal, 'oj 'el'choc jun snib'jnac cha. Yujto ata 'oj swach' 'a'c 'och smasnil mach yet' smasnil tas 'a yol sc'ab' Cristo. Wach'xam jun tzo'n̈ 'ay 'a satcha'an̈, yet' pax jun tzo'n̈ 'ay 'a yolyib'n̈q'uinl tic, junxn̈ej 'oj yutc ya'n 'och smasnil 'a yol sc'ab' cha.

Chuj San Mateo Bible

¹⁰ Ayic ol c'och stiempoal, ol elc'och tas sgana chi'. Yujto ata' ol svach' aq'uejoch masanil mach yed' masanil tas d'a yalan̈ smandar Cristo. Vach'chom juntzan̈ ay d'a satchaan̈ yed' pax juntzan̈ ay d'a yolyib'an̈q'uinal tic, junxon̈ej ol yutoc yac'anoch smasanil d'a yalan̈ smandar chi'.

Ef 1:10 Iomraidhean Croise

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Am 9:11

'Ix yaln pax Jehová 'ixtic: A yopiso David, satnc 'ejmi, 'icha junc n̈a lan̈chjnac 'ejmi, palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Mt 25:32

Ax junjn nacion̈al eb' 'anma', 'oj jawc eb' 'a wojltac. 'Icha junc 'ilm calnelu tzpoj 'elt no calnelu 'a scal no chiwo, 'ixta 'oj wutc in pojn snan̈l eb'.

Mr 1:15

'Ix yaln 'ixtic: 'Ix c'och stiempoal to jab'xoj 'oj wach' 'och jun 'aj satchan̈ Yajlil, yuj cha, nac e b'a, 'a'c 'och e c'ojl 'a jun wach' 'ab'x yic colnb'il, xchi.

1 Co 10:11

Smasnil jun tzo'n̈ tas jawnc 'a yib'n̈ eb' qui mam quichm chi 'on̈, ch'oxnb'il yaj 'ayn̈ec. Tz'ib'b'il can jun tzo'n̈ chi 'a Ch'an̈ U'un̈, sec cojquec, to 'ay smay yoch qui mulec. Yujto an̈ec tic, 'ayn̈ecx 'ec' 'a jun slajb' tiempoal.

1 Co 11:3

Palta tzin nib'j tzeyojquej 'eli, to a Cristo, a Yajl yaj 'a junjn winac, 'icha to sjolm yaji. Ax yichmil junjn eb' 'ix 'ix, a yajl yaj 'a eb', 'icha Dios, Yajl yaj 'a Cristo.

Gl 4:4

Palta a yic xc'och stiempoal, ya'n cot Dios Yunnal, wul 'aljnac 'el 'a jun 'ix 'icha tzon̈ 'aj calj an̈ 'anman̈ec tic. Wul ya'jnac 'och sb'a israelal. 'Ajxnac mandar yuj jun ley yic Moisés.

Ef 1:22

C'uxn 'ix ya'ch Dios smasnil tas 'a yol scab' Cristo. 'Ix ya'n pax yopiso yoch Syajlilc yiglesia, 'icha to sjolm yaji.

Ef 2:15

A yic xcham yet' sniwnal, 'ix yi'n can 'el yopiso jun ley, atn jun tzo'n̈ checnb'il tz'ib'b'il cani. An̈jtona', junxn̈ej on̈ yutjec cani. Yuj cha, junxn̈ej chon̈b'al cajc 'a sat ticnec, yujto junn̈j cajc yet'oc. 'Ixta xyutj ya'n junc'ojlal 'ayn̈ec.

Ef 3:15

A Dios qui Mamec. A ch'oxnb'il yaji, tas yopiso junjn c'aj eb' mamb'il 'a yolyib'n̈q'uinl tic, yet' 'a satcha'an̈.

Ef 3:2

'In eyojc xoni, chajtlto a Dios, yujn̈ej swach'c'ojlal, xya'n can jun wach' 'ab'x 'a yol in c'ab', yic tzwaln 'el 'a e cal.

A Scarta San Pablo D'a Eb' Aj Colosas 1:16

Yu'uj, b'onc smasnil tas 'ay 'a satcha'an̈, yet' tas 'ay 'a sat lum tic. Wach'xam jun tzo'n̈ tzquila, toxn̈ej jun tzo'n̈ matz quila, an̈j b'ojnac smasnil. Yet' pax smasnil jun tzo'n̈ xo eb' 'aych yajlil, eb' 'ay spoder, wach'xam matz tac' quiln eb', palta a b'ojnac eb', sec wach' tz'ajx servil yuj eb'.

A Scarta San Pablo D'a Eb' Aj Colosas 1:20

Tznib'j pax Dios, yuj Cristo junxn̈ej 'oj 'aj smasnil tas yet'oc, eb' 'ay 'a satcha'an̈, yet' eb' 'ay 'a yolyib'n̈q'uinl tic. Yuj wal cha, xcham Cristo 'a spenc te culus. 'Ix 'elcn schiq'uil, sec wach' junc'ojlal xoj 'oj 'aj smasnil yet' Dios.

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.

A Ch'an̈ Carta D'a Eb' Hebreo 1:2

Ax 'a jun slajb' tiempoal tic, atn wal Yunnal sc'anlb'ej yic yaln 'ayn̈ec. A yet' Yunnal tic sb'ojnac yolyib'n̈q'uinal, yet' smasnil tas 'ay 'a 'a. Ax 'a Yunnal tic, ata ya'jnac smasnil tas yico'oc.

A Ch'an̈ Carta D'a Eb' Hebreo 11:40

Yujto nab'iln̈ec cot yu'uj, yuj cha, 'ay junx tas tznib'j Dios sb'o', yel xo wal wach'. Atn jun tic tznib'ej, to yowlal locnon̈c yet' eb' yic 'oj 'el'choc tas nab'il yuj cha.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.

A Sb'ab'el Carta San Pedro 1:20

Yic mantzac sb'o Dios yolyib'n̈q'uinl tic, yojc xoni, to 'ixta 'oj 'aj Cristo. Palta at 'a jun slajb' tiempoal tic, 'ix 'ajx checljoc 'el 'a yolyib'n̈q'uinl tic, sec caw wach' quiquec.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.