Ec 9:9 - Chuj San Sebastian Bible

⁹ Yujto tzab'n jab' qui q'uinlec 'ix yac' Dios, yuj cha, junjn mach tzalj cab' yet' yistzil chamc'ojlb'il yu'uj. Atn chi tz'ajx spacc 'ayn̈ec yuj Dios yic tzcab'nec syal qui munlj 'a yolyib'n̈q'uinl tic.

Chuj San Mateo Bible

⁹ Yujto tzapan jab' co q'uinal syac' Dios, yuj chi' caq'uec tzalajb'oc co c'ool junjun on̈ yed' eb' ix quetb'eyum xajanab'il cuuj. Aton chi' tz'ac'ji spacoc d'ayon̈ yuj Dios b'aj scab' syail co munlaj d'a sat luum tic.

Ec 9:9 Iomraidhean Croise

Gn 26:8

'Ix 'ec' tiempo yuj eb' 'a jun lugar cha, 'ay jun c'ual, 'ix yiln 'elt win rey chi 'a swentnual yatut, to caw tzalj 'och Isaac chi 'a 'ix Rebeca cha.

Salmos 144:4

An̈ 'anman̈ tic on̈, lajn on̈ wal 'icha qui'n quic' jun 'ejmoc, 'ixta quec' on̈, ax qui q'uinl tic on̈, lajn wal yec' 'icha wewen.

Salmos 39:5

Caw wal c'ochn 'ix otj can in q'uinal, 'icha to may jac yel'ch 'a a sat. Yel ton b'i'an, qui masnil an̈ 'anman̈ tic on̈, caw may yel'ch jab' qui q'uinl tic on̈.

Pr 18:22

A yic tz'och yistzil win winac, tz'ilchj tzaljc'ojlal yu'uj; tzyal 'el'chi to tzchaj swach'c'ojlal Dios.

Pr 19:14

A win winac, tzchaj win yatut mto smacl tumn 'a smam snun; palta ax 'ix 'istzilab'il wach' snab'en, a Jehová a tz'a'n 'ix.

Ec 2:10

May 'aj xin tenc' tas tzin nib'ej; 'ix wac' in nab'en in b'on tas nab'il wu'uj. 'Ix wac' tzaljoc in c'ojl yet' smasnil in munljel, a jun in tzaljc'ojlal chi 'ix 'ajx spacc 'ayin.

Ec 2:24

A wal tas smoj qui b'onec an̈ 'anman̈ec tic, to tzon̈ wa'ec, tzcu'nec tas tzcuq'uej, tzca'nec tzaljoc qui c'ojl yet' qui munljelec cha. 'Ix nachj 'el wu'uj, to a jun cha a 'a Dios tzcoti.

Ec 3:13

A tas tzyac' Dios 'ayn̈ec to tzon̈ tzaljec qui wa'i, tzcu'nec tas tzcuq'uej, tzca'nec pax tzaljoc qui c'ojl yet' qui munljelec.

Ec 3:22

'Ix nachj 'el wu'uj, to may junc xo tas wach' qui b'onec, cojn to tzca'c tzaljoc qui c'ojl yet' tas tzquijec 'a qui munljel, yujto 'ixta yajcn 'a quib'n̈ec. ¡Toc 'ayt mach 'oj alnc cab'ec tas 'oj ujc 'a yic chamnc on̈c xo!

Ec 5:18

Toto 'ixta', ¿tas wach' tzcutjec qui b'a 'a yolyib'n̈q'uinl tic? A tzin na an tic, ya' sb'a 'ay jaye'oc c'u qui q'uinlec yuj Dios, smoj tzon̈ tzaljec qui wa'i, tzcu'nec tas tzcuq'uej, atn tas tzquijec 'a qui munljel, yujto a chi tzwul yac' qui b'oc 'a yolyib'n̈q'uinl tic.

Ec 6:12

May junc on̈ec cojtac tas junc tz'och qui wach'loc, yic 'ayn̈ec 'ec' 'a yolyib'n̈q'uinl tic. A qui q'uinlec may jac yel'chi, lajn yec' 'icha junc wewen. ¡Toc 'ayt mach 'oj alnc cab'ec tas tzb'o 'a yolyib'n̈q'uinl tic yic chamnc on̈c xo!

Ec 7:15

A 'a jab' in q'uinl to may yel'ch tic, ata 'ix wil smasnil jun tzo'n̈ tic: 'Ay eb' 'anma caw wach' snab'en, palta yajn̈ej tzcham eb'. 'Ay pax eb' 'anma caw wal maysch'olnil sb'eyb'al, palta najtl tiempo tzyil eb'.

Malaquías 2:15

¿Tom man̈oc Dios 'ix 'a'n e mojc e b'a sec junn̈j niwnal tzex 'ajcni, yet' junn̈j pax espíritu 'aych 'ayex? ¿Tas snab'en Dios yuj cha, 'ixta xyutj tze na'a? 'Ixta xyutej, sec a eb' eyunnal, yic pax tz'aj eb'. Yuj cha, tan̈wjec e b'a, man̈ eyac' sat e c'ojl 'a e ti eya'jnac 'a eyistzil eyijnac e b'a yet' 'a yic quelmal.