Ec 9:3 - Chuj San Sebastian Bible

³ 'Ay jun tas tu tzb'o 'a scal smasnil tas tzuj 'a yolyib'n̈q'uinl tic: atn yujto junn̈j tas tzon̈ satnec 'eli. Ax tas 'ayc' 'a qui nab'enec qui masnil, atn maysch'olnil yet' man̈ nab'enal; ax yic tzjaw tza'n̈joc qui chamlec 'a quib'an̈, tzon̈ satc can pax 'ejmi.

Chuj San Mateo Bible

³ Ay jun tas chuclaj d'a scal masanil tas tzuji d'a yolyib'an̈q'uinal tic, aton b'aj junn̈ej tzon̈ sateli. A tas ayec' d'a co pensar co masanil, an̈ej chucal yed' man̈ pensaril, axo yic sjavi chamel d'a quib'an̈, tzon̈ sateli.

Ec 9:3 Iomraidhean Croise

Gn 6:5

Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

Job 15:16

An̈ xo an̈ 'anman̈ec tic, caw yajb'entacn̈ec, yel xo wal a maysch'olnil tzqui b'o'ec, lajn wal maysch'olnil chi 'ayn̈ec 'icha swach'l yu'x a a'.

Job 21:26

Palta ax 'a yol lum 'aj tzmucx eb' tzcham cha, lajn xoj tz'aj eb' 'anma ta', a no ay tzwa 'a schib'jal eb'.

Job 9:22

Yujto lajn xoj yel'ch jun tzo'n̈ tic tzwila: A Dios tzalni yic tzcham eb' 'ay smul, a pax tzalni yic tzcham eb' may pax smul.

Salmos 51:5

Wal yel a yic in 'alji, toxnto may in ch'olnil. Yictax 'aynto 'ec' 'a yol sc'ojl in nun, man̈ in wach'oc.

Salmos 64:7

A Dios 'oj 'a'nc lajwc eb' yet' sjul-lab', satc'ojlal wal yaj eb', ax slajw 'el eb'.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Ec 2:14

A eb' 'ay sjelnal, caw tzya'ilj eb' 'aj tz'eq'ui, ax pax eb' may snab'en, 'icha to q'uic'q'uinl 'aj tzb'ey eb'. Palta xnachj 'el wu'uj, to lajnn̈ej tzon̈ 'ajc 'el'chi.

Ec 7:2

Yel xo wach' yic tzon̈ 'atc tan̈j 'ac'wl 'a 'aj tz'och chamel, 'a yib'n̈ to tzon̈ 'atc can 'a q'uin̈, yujto a chaml cha, to quiquec yaj qui masnil. Wach' toto tzqui nac 'a yib'an̈ yic pitzn on̈c to.

Ec 7:25

'Ix wac' wal in tiempo in cuyni, xin sayc' yet' jelnal yic tzwojcan 'eli, tas yaj smasnil. A yic xnachj 'el jun tzo'n̈ tic wu'uj, 'ix wojcan 'eli, to man̈ wach'c 'a sat Dios yic pit tzcutj qui b'a yuj qui man̈ nab'enal.

Ec 8:11

Yujto man̈ toc yajn̈ej tz'ajx 'och yailal 'a yib'n̈ eb' maysch'olnil, yuj cha cojxn maysch'olnil chi tzna eb'.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

Ec 9:2

Palta ax tz'aji, jun lajnn̈ej pax tz'aj sjaw 'a quib'n̈ec. Tzjaw 'a yib'n̈ eb' tojl snab'en yet' 'a eb' tu snab'en, 'a eb' wach' yet' 'a eb' tu'. Tzjaw 'a yib'n̈ eb' yiclum yet' 'a yib'n̈ eb' man̈ yiclumoc, 'a eb' tzyac' xajmb'al yet' 'a eb' matz yac' xajmb'al; lajn junc may smul yet' junc 'ay smul, tzjaw 'a yib'n̈ eb' tzlocn sb'i Dios yet' eb' tzxiw slocn sb'i.

Ec 9:4

A eb' mantzac chami, tzat stac' to snan sb'a eb', 'intax junc no tz'i pitznto, wach' to yic no 'a yib'n̈ junc no chamnc león.

Jeremías 16:12

Ax xo pax ax tic, yel xo wal maysch'olnil xeyutj e b'a 'a yib'n̈ eb' e mam eyichm cha. Junjn ex, tzlaj e b'o tas tu tzjaw 'a e nab'en, man̈xtzac eyiclj tas tzwala.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Jeremías 17:9

Toc 'ay junc tas yel xo tz'ixtw paxti 'icha snab'en eb' 'anma', a jun nab'en cha, may xon tz'aj sb'o'i. ¿Mach wal tztac' yojcan 'eli?

Lc 15:17

'Ixta to b'i'an, snan win 'ixtic: ¿Tas yuj 'ixtc tzwutj in b'a? Ticni caw 'ay eb' smajn in mam, caw tzyac' sobra tas tzc'ux eb'. An xo tic, wan wa'n cham in b'a yuj wejl 'a tic.

Lc 6:11

Palta ton̈j xwach' cot yowl ewin fariseo cha, yuj cha, 'ix slajtin sb'a ewinac, tas 'oj yutc ewin Jesús.

A Tas Sc'ulejnac Eb' Schecab' Jesús Hechos 12:23

Yajn̈j wal cha, 'ix 'ajx can telwc win yuj jun yángel Cajlil, yujto ma'ix yala, to cojn qui Mam Dios 'ay yel'chi. 'Ix 'ocht ay winac. 'Ixta to b'i'an, 'ix chami.

A Tas Sc'ulejnac Eb' Schecab' Jesús Hechos 26:11

Til wal 'ejm cob' wa'jnac 'och syailal eb', sec man̈xtzac ya'ch eb' sc'ojl 'a Jesús. 'Ixta 'ec' wutjnac in b'a 'a junjn scapiya eb' wit israelal, caw niwn in chichnc'ojlal 'a eb'. Xit'nc in 'a jun tzo'n̈ chon̈b' 'a najat, xit' wa'nc 'och syailal eb'.

A Tas Sc'ulejnac Eb' Schecab' Jesús Hechos 26:24

Wan yaln Pablo jun tzo'n̈ tic, yic xyaln spaxti', ax Festo, xq'ue jucnjoc yaln 'a 'a: —Caw owya ach Pablo. Til wal tas a cuyjnac, yuj cha, ach 'och owyail, xchi win 'a 'a.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

A Schab'il Carta San Pedro 2:16

Ax no b'uru, cojquec matz tac' spaxtin no'. Palta 'ay jun no tumjnac win yuj smul cha. Paxtinnac no 'icha junc 'anma'. A no tenjnac 'och wan win yuj sman̈ nab'enal chi sb'o cha. Palta cob' schecb' Dios yaj winac.