Ec 9:16 - Chuj San Sebastian Bible

¹⁶ Yuj cha, wach'xam a sjelnal junc win meb'a cha, to may yel'ch 'a sat 'anma', may mach tznib'n 'ab'nc tas tzyala, palta an tic tzwala to yel xo 'ay yel'ch jelnal 'a yib'n̈ yip eb' tzte'wtzej sb'a.

Chuj San Mateo Bible

¹⁶ Yuj chi' vach'chom malaj yelc'och sjelanil spensar jun vin̈ meb'a' chi' d'a eb' anima, maj scha yab' eb' tas syal vin̈, palta a in tic svala' to ay yelc'och junoc mach n̈ican spensar d'a yichan̈ junoc mach te vinac syutej sb'a.

Ec 9:16 Iomraidhean Croise

Pr 10:15

A ricoal, a tzcoln 'el eb' rico; ax meb'a'il a tz'a'n lajwc 'ejm eb' meb'a'.

Pr 21:22

A junc 'ay snab'en, tztac' yoch yac' owl yet' junc chon̈b' caw tan̈b'il si'mb'il, tzma'n lan̈chjoc can 'ejm smuroal jun chon̈b' chi 'aych yipc sc'ojl eb'.

Pr 24:5

Yel xo wach' yic junc jeln snab'en 'a yib'n̈ junc mach 'ay yip; yel xo pax wach' eyico' toto 'ay tas eyojtac, 'a yib'n̈ to 'ay cob' eyip.

Pr 8:14

Toto 'ay qui jelnalec, tztac' qui nanec junc tas 'a swach'il, tz'el'chn̈ej tas tzqui b'o'ec.

Ec 10:10

A yic tz'ec' ye q'uen ch'acab', ax yic tzqui c'annec q'ue'en yowlal caw 'ip qui tzu'nec 'och q'ue'en, yuj cha, yel xo wach' tzqui n̈icc q'ue ye q'ue'en. Toto jeln on̈ec yajn̈ej tzqui nani tas tzcutjec junc chi muc'uc.

Ec 7:12

A jelnal cha, tzcolwj 'ayn̈ec 'icha scolwj q'uen tumin, palta yel xo wal wach' jun jelnal cha, yujto tzon̈ yijec b'ey 'a junc'ojlal.

Ec 7:19

A junc mach jelan, tz'ajx ste'nal yuj sjelnal cha, 'ec'b'al yip 'a yib'n̈ lajn̈wan̈oc eb' soldado jeln 'a junc chon̈ab'.

Ec 9:18

Yel xo niwn yel'ch jelnal, 'a yib'n̈ yamc'ab' yic owal, yujto yel xo niwn tas tzjuw 'el cujec toto man̈ wach'c tzcutjec qui nani yic tzqui b'on junc tas.