Ec 8:3 - Chuj San Sebastian Bible

³ Man̈ ji'ltic queltec 'a yojltac win rey cha. Man̈ qui te'wtzoquec qui b'a calnec quic 'a junc tas man̈ wach'c 'a sat winac; yujto tztac' sb'on win tas 'icha tznib'ej.

Chuj San Mateo Bible

³ Man̈ elan̈chameloc tzon̈ el d'a yichan̈ vin̈ rey chi', mocab' co tec'b'ejec co b'a calan quic d'a tas man̈ vach'oc d'a sat vin̈, yujto syaln̈ej sc'ulan vin̈ tas snib'ej.

Ec 8:3 Iomraidhean Croise

Gn 47:9

Xta'w Jacob 'a win rey 'ixtic: —130 ab'il nant in q'uinal, til wal 'aj tzlaj in 'eq'ui, caw wal mant niwnoc in q'uinal, yujto yailaln̈ej tz'aj yec' jab' tiempo tic wu'uj, palta mantzac c'och wab'lil 'icha sq'uinl eb' 'in mam wicham, xchi winac.

Pr 14:29

Toto 'ay qui niwnc'ojlalec, tzyal 'el'chi jeln on̈ec; palta toto c'un scot cowlec, tzyal 'el'chi to may qui nab'enec.

Pr 24:21

Ex wunnal, 'ay cab' yel'ch Jehová 'a e sat yet' pax win rey. Man̈ eya'ch e b'a yet' eb' 'ajc'ojl yajch 'a win rey cha,

Pr 30:31

no 'ajtzo', caw tzb'an̈ sb'a no', no mam chiwo tzb'an̈ sb'a pax no', 'ixta pax tzyutj sb'a junc rey, a tzyec b'ab'ljoc sb'a yuj eb' soldado.

Ec 10:4

Q'uinloc a junc mach yajl yaj 'ayn̈ec tzcot yowl yuj junc qui paltail, man̈ yajn̈joc cha, tzcactnec can copiso 'aj 'ayn̈ec 'ochi. Toto tzquijec 'ejm qui b'a, 'ay sb'omb'il jun qui paltail cha, wach'xam niwquil yalxi.

Is 48:4

Yujto wojtac to caw wal pit ex, matz eyij 'ejm e b'a, matz ex q'uixw pax jab'oc.

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

Dn 5:19

Yuj wal jun sjelnal x'ajx cha, yuj cha, smasnil eb' 'anma 'a junjn nacion̈ yet' 'a junjn ti'al, caw x'ib'x eb' yuj xiwlal 'a yojltac winac. Caw niwn yel'ch win 'a sat eb'. A mach tznib'j tzmila, tzmiln̈j chamoc, ax mach tz'el 'a sc'ojl matz mila, matz mila. 'Ay mach x'ijx chan̈ yu'uj, ax 'ay mach x'ijx 'ejm yu'uj, a tzyal tas tznib'j sb'o'.