Ec 8:13 - Chuj San Sebastian Bible

¹³ A eb' maysch'olnil sb'eyb'al, may jac wach'l 'oj yil eb', ax sq'uinl eb', lajn yec' 'icha junc wewen, yujto may yel'ch Dios 'a sat eb'.

Chuj San Mateo Bible

¹³ Axo pax eb' chuc malaj yelc'och Dios d'ay, chuc tz'elc'och eb', quenn̈ej tiempo syil eb', xchi jun lolonel chi'. Palta ix vila' to ay eb' ste c'ulan chucal, nivan tiempo syil eb'.

Ec 8:13 Iomraidhean Croise

Job 14:2

Lajn on̈ 'icha junc nichte wanto cob' spojli, ax tz'aji, tztacj pax 'el muc'uc; 'ixta yec' qui q'uinl on̈, lajn pax tz'aj yec' 'icha junc wewen.

Job 18:5

A tas 'aych yipc sc'ojl junc mach tu sb'eyb'al, 'oj satcn 'ejm 'icha tzyac' junc cantil tztup sc'aq'uil, man̈xtzac chacb'i.

Job 20:5

a eb' maysch'olnil, jab' wal tiempo tzyac' stzaljc'ojlal eb', jun wal rato tzalj eb'.

Job 21:30

A yic tzcot yowl sc'ojl Dios, yajn̈ej tzya'n cot yailal, ax eb' maysch'olnil sb'eyb'al, toc 'ay tz'i'n eb'.

Salmos 11:5

A tzb'eyc'ojlan eb' wach', ax eb' tu sb'eyb'al, caw tzyajx 'el eb' yu'uj.

Salmos 144:4

An̈ 'anman̈ tic on̈, lajn on̈ wal 'icha qui'n quic' jun 'ejmoc, 'ixta quec' on̈, ax qui q'uinl tic on̈, lajn wal yec' 'icha wewen.

Salmos 37:1

Matz tac' scomn cot cowlec yuj eb' tzb'on maysch'olnil, matz on̈ comn chichnec yuj eb'.

Salmos 39:5

Caw wal c'ochn 'ix otj can in q'uinal, 'icha to may jac yel'ch 'a a sat. Yel ton b'i'an, qui masnil an̈ 'anman̈ tic on̈, caw may yel'ch jab' qui q'uinl tic on̈.

Salmos 55:23

Ach in Diosal, a eb' milm cham 'anma', yet' eb' 'a'm 'es, caw may sq'uinl eb', ma'oj nan̈lb'oc sq'uinl eb' yilni. Ach 'oj a'cn 'ejm eb' 'a yich sjul-l eb' chamnac, palta an xo tic, ach tzach wa'ch yipc in c'ojol.

Ec 3:14

'Ix wojcan 'eli, to a smasnil tas b'ob'il yuj Dios, 'ayc'n̈ej 'a smasnil tiempo. May tas tztac' ca'nec 'och stz'acub', matz tac' pax qui'nec 'el jab'oc. A Dios 'ixta x'utni, sec wach' tzon̈ 'ochc 'emmquilal 'a 'a.

Ec 5:7

Yel xo wach' 'ay cab' yel'ch Dios 'a qui satec, 'a yib'n̈ to cob' niwn tas tzqui nalb'ejec qui ta'wni 'a 'a.

Ec 6:12

May junc on̈ec cojtac tas junc tz'och qui wach'loc, yic 'ayn̈ec 'ec' 'a yolyib'n̈q'uinl tic. A qui q'uinlec may jac yel'chi, lajn yec' 'icha junc wewen. ¡Toc 'ayt mach 'oj alnc cab'ec tas tzb'o 'a yolyib'n̈q'uinl tic yic chamnc on̈c xo!

Ec 7:15

A 'a jab' in q'uinl to may yel'ch tic, ata 'ix wil smasnil jun tzo'n̈ tic: 'Ay eb' 'anma caw wach' snab'en, palta yajn̈ej tzcham eb'. 'Ay pax eb' 'anma caw wal maysch'olnil sb'eyb'al, palta najtl tiempo tzyil eb'.

Ec 7:18

Wach' tzcutjec qui yamn 'och wan qui b'a 'a jun tzo'n̈ tic, man̈ ca'c sat 'a qui nab'en. Toto 'ay yel'ch Dios 'a qui satec, wach' 'oj quelc c'och yet' jun tzo'n̈ tic.

Ec 8:8

May junc on̈ec 'ay caln quic 'a qui q'uinal, yic tzqui'nec 'och wa'an. An̈jtona', may junc on̈ec tztac' qui'nec 'och wan sc'ul qui chami, lajn 'icha junc soldado matz tac' yajx 'elt 'a scal owal. A junc mach tu sb'eyb'al, ma'oj colxoc 'el 'a yol sc'ab' chamel yuj smaysch'olnilal cha.

Is 3:11

'Oltac wal eb' 'anma tu snab'en, a maysch'olnil 'oj scha sb'a eb' yet'oc, a tas sb'ojnac eb', a chi 'oj 'ajxoc spacc 'a eb'.

Is 30:13

Yujto ax 'ay e mul, yuj cha, lajn 'oj eyajcn 'icha junc muro pojl xo, wal 'a yajn̈ej ax swach' 'em lan̈njoc.

Is 57:21

Ax eb' maysch'olnil tas tzb'o'o, toxn may jac wach'l 'oj yil eb', xchi Dios.

Is 65:20

Ata', may eb' 'unn 'oj comn cham muc'uc, to jaye wal c'u tz'eq'ui. May pax eb' 'ichm 'anma 'oj comn chamoc, to ma'oj tz'acwc yab'lil. A eb' 'oj cham 'a jun ciente ab'il sq'uinal, caw 'unn 'anma to eb', ax eb' ma'oj q'ue'choc yab'lil 'a jun ciente ax schami, a eb' cha, to a smul eb' 'ixta tz'utni.

Jeremías 44:10

Masnto ticnec, mantzac e jel e b'eyb'al ax tic, caw matz ex xiw jab'oc. Matz eyiclj in checnb'il yet' in ley wa'jnac can 'ayex yet' pax 'a eb' e mam eyicham.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.

Jn 5:29

ax sq'ue paxt eb'. A eb' wach' 'e'nc 'a yolyib'n̈q'uinl tic, 'oj pitzwc pax eb', ax schan eb' sq'uinl 'a jun 'ejmn̈ej. Ax eb' maysch'olnil 'ec' yutjnac sb'a, 'oj pitzwc pax eb' jun xo, palta 'oj 'atcn eb' 'a yailal 'a jun 'ejmn̈ej.

Santiago 4:14

Palta 'in man̈ cojcoquec tas cajc q'uic'an. A qui q'uinlec 'a yolyib'n̈q'uinl tic, yajn̈ej tz'eq'ui. Lajn 'icha xob' lu'um, junn̈j rato tzlajw q'ue wa'an.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.