Ec 7:8 - Chuj San Sebastian Bible

⁸ Wach'xam a yic tz'el yich junc tas janc'n̈ej tzaljc'ojlal, palta ax yic tzb'o 'el'chi, yel xo niwn tzaljc'ojlal 'a jun c'u cha. Toto 'emmquilal tzcutjec qui b'a, yel xo wach' quiquec 'a yib'n̈ pax to cob' tzquijec chan̈ qui b'a.

Chuj San Mateo Bible

⁸ Ayic sb'oelc'och junoc tas, te ay tzalajc'olal d'a yichan̈ ayic tz'el yich sb'oi. Tato emnaquil scutej co b'a, te vach' quic d'a yichan̈ b'aj squic'chaan̈ co b'a.

Ec 7:8 Iomraidhean Croise

Pr 13:10

Toto tzqui b'an̈c qui b'a, cojn owl tzq'ue wan cujec; ax toto 'emmquilal queq'uec, caw jeln on̈c 'ixta'.

Pr 14:29

Toto 'ay qui niwnc'ojlalec, tzyal 'el'chi jeln on̈ec; palta toto c'un scot cowlec, tzyal 'el'chi to may qui nab'enec.

Pr 15:18

Toto c'un scot cowlec, cojn owl tzq'ue wan cujec; ax toto niwn qui c'ojlec, tzca'c tup owal.

Pr 16:32

Yel xo wach' niwn tzcutjec qui c'ojol, 'a yib'n̈ pax to c'un scot cowlec. Yel xo pax wach' mun tzqui yamc 'och wan qui b'a, 'a yib'n̈ pax to tzcan junc chon̈b'al 'anma 'a yaln̈ cu'uj.

Pr 28:25

A mach til wal tas tznib'j 'och yet' snab'en, cojn owl tzyij cha'an̈; palta toto a Jehová tzya'ch yipc sc'ojol, caw wal 'oj alxoc wach'il.

Ec 7:1

Yel xo wach' to wach' qui b'inaxec 'a yib'n̈ pax to su'q'ui ye'c qui jab' yet' perjuma. Yel xo wach' jun c'u yic tzon̈ chamec, 'a yib'n̈ pax jun c'u yic tzon̈ 'aljec.

Lc 16:25

Palta xyaln cot Abraham chi 'ixtc 'a winac: Ach 'un, na coti chajtlto caw wach' ach 'ec' 'a yolyib'n̈q'uinal, ax Lázaro tic, caw may jac swach'l x'ec' yil ta'. Al ticnec, to wan yajx sniwnal sc'ojl 'a tic, ach xo, wan ab'n syal ticnec.

Lc 21:19

Toto te'nn̈ej 'oj eyutc e b'a, 'oj e colchji.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Ef 4:2

'Emmquilal tzlaj eyutc e b'a, wach' tzeyutj e b'a. Tzlaj eyac' techjoc 'a eb' tz'och smul 'ayex. Niwn tzlaj eyutc e c'ojl 'ayx junjn ex. An̈jtona', tzlaj e chamc'ojloc pax e b'a.

A Ch'an̈ Carta D'a Eb' Hebreo 10:36

Yowlal niwn tzeyutj e c'ojol, sec 'oj stac' e b'on jantcn̈ej tas tznib'j Dios, ax e chan tas 'aj ya'jnac can sti'.

Santiago 5:11

Cojtac, a eb' ya'jnac techjoc, caw tzaljc'ojlal yaj eb' ticnec. 'Ay 'aj xeyab' yab'xil win Job. Caw te'n yutjnac sb'a yab'n syailal. Eyojtac, chajtl yutjnac pax Cajlil win 'a slajub'. Yujto a Cajlilec, caw tz'o'ch sc'ojl 'ayn̈ec. Caw tz'och pitz'n cusc'ojlal 'a cujec.

Santiago 5:8

'Icha tzyutj sb'a eb' munljum cha, 'ixta tzeyutj e b'a eya'n niwnc'ojlal e tan̈wni sjaw Cajlilec. Te'n tzeyutj pax e b'a, yujto jab'xoj 'oj jawoc.

A Sb'ab'el Carta San Pedro 1:13

Yuj cha, caw te'n tzeyutj e nab'en. Lista tzeyutj e b'a. Caw tzeya'ch yipc e c'ojl tas 'oj yac' Dios 'ayn̈ec yuj swach'c'ojlal, yic 'oj jawc Jesucristo.