Ec 7:25 - Chuj San Sebastian Bible

²⁵ 'Ix wac' wal in tiempo in cuyni, xin sayc' yet' jelnal yic tzwojcan 'eli, tas yaj smasnil. A yic xnachj 'el jun tzo'n̈ tic wu'uj, 'ix wojcan 'eli, to man̈ wach'c 'a sat Dios yic pit tzcutj qui b'a yuj qui man̈ nab'enal.

Chuj San Mateo Bible

²⁵ Ix vac' val och d'a in c'ol in sayanec' jelanil yic svojtaquejeli tas yaj smasanil. Ix nachajel vuuj to malaj co pensar tato sco c'ulej chucal, quistal on̈ tato sco pitej co b'a.

Ec 7:25 Iomraidhean Croise

A Ch'an̈ Schab'l Libro Samuel 13:12

'Ix ta'w 'ix 'a win 'ixtic: —May nul'ej, man̈ in ac' pural yic tza nib'n a b'on junc tas 'ayin, yujto a jun tic, may 'aj tzb'o 'a scal eb' quit chon̈ab'. Man̈ a b'o jun tic, caw wal q'uixweltac.

Pr 17:12

Yel xom wach' tzqui chajec qui b'a yet' junc no snun oso 'ic'b'il 'el yune 'a spatic, 'a yib'n̈ to tzqui chajec qui b'a yet' junc mach wan sb'on tas tu'.

Pr 26:11

'Icha no tz'i tzxeji, tzcha le'n pax no xej cha, 'ixta eb' may snab'en, tzcha meltzj can pax 'at eb' 'a stu nab'enal.

Ec 10:13

A junc may snab'en, a yic tzchan 'el yich spaxtini, a jun tzo'n̈ comn paxti tzyal muc'uc, ax yic tzlajw spaxtin cha, man̈x 'a yel'ch tas tzyala.

Ec 2:12

Xlajw cha, xin yamn 'och in nani tas wal yaj jelnal yet' man̈ nab'enal. ¿Tas wal to 'oj sb'o junc xo win 'oj 'och reyl in jeloc? A tas b'onc xon 'a yic pecti', wach' xon yaji.

Ec 2:15

Yuj cha, xwaln 'ixtic: A 'aj tan̈b'il sc'och eb' may snab'en, a pax ta tan̈b'il in c'och junxo, yuj cha, may jac yel'ch in jelnal tic.

Ec 2:20

A yic tzwiln 'och smasnil in munljel xlaj in b'o cha, tznan sb'a in c'ojol, to nab'an̈ej tzwixtj in b'a in munlji.

Ec 7:27

A yic xwa'n 'ip wojcan 'el jun tzo'n̈ tic, til to wal tas mantzac wojquej 'eli. Palta 'ay jun tas 'ix wojquej 'el 'a scal jun tzo'n̈ tic, atn jun tic: cojn jun winc caw 'ay yel'ch 'a scal jun mil eb' winac. Ax 'a scal eb' 'ix 'ix, may junc 'ix caw 'ay yel'ch x'ilchj wu'uj.

Josué 7:13

Q'uen̈ wa'an, al 'a eb' chon̈b' tic to tzyac' lista sb'a eb' yic tzjaw eb' 'a wojltac q'uic'an, yujto an Jehová e Diosal in, an tzwal 'ixtic: Ex yin̈tl Israel, a 'a e cal tic, 'ay tas xeyij cot 'a tas xwal to tzsatli. Ya sb'a mantzac eyij 'el jun tzo'n̈ chi 'a e cal, matz tac' e te'wtzan e b'a 'a yojltac eb' 'ajc'ojl yajch 'ayex.