Ec 7:16 - Chuj San Sebastian Bible

¹⁶ Yuj cha, man̈ on̈ 'e'c 'a yib'n̈ ca'nec 'och qui b'a wach'il, man̈ on̈ 'e'c pax 'a yib'n̈ ca'nec 'och qui b'a jelnal, sec wach' ma'oj quixtquec 'el qui b'a.

Chuj San Mateo Bible

¹⁶ Yuj chi' max on̈ ec' d'a yib'an̈ co c'ulan vach'il, max on̈ ec' pax d'a yib'an̈ cac'anoch co b'a jelanil yic max co juel co b'a.

Ec 7:16 Iomraidhean Croise

Gn 3:6

'Ix yiln 'och 'ix te sat cha, to wach' sloxi, wach' pax yilxi, snib'n pax 'ochi sec wach' tz'acw snab'en 'ix yalni. Yuj cha, sch'inn 'elt 'ix jun te sat cha, slon 'ix te'. 'Ayc' pax win yichmil 'ix chi yet'oc, xya'n 'ix te 'a winac, slon pax win te yet' 'ix.

Job 11:12

'Icha matz tac yalj junc 'anma 'a junc no calte'al b'uru, 'ixta pax junc mach may snab'en 'icha ach tic, ¿tom 'ay 'oj 'aj sjaw snab'en?

Job 28:28

'Ix yaln Dios 'ixtc 'a eb' 'anma': Toto niwn wel'ch 'a e sat, atn jelnal cha; toto tzeyij 'el e b'a 'a scal maysch'olnil, caw 'ay e nab'en tzyal cha, xchi Dios, xchi Job.

Pr 23:4

Man̈ eyac' 'ip eyoch ricoal, man̈ ex 'och 'il yuj jun tzo'n̈ cha,

Pr 25:16

A yic tz'ilchj no yal chab' eyu'uj, man̈ ex 'ec' 'a yib'n̈ e tz'ub'n no'; toto niwn no yalil chi tze tz'ub'u, 'oj e xej yuj no'.

Ec 12:12

Ex 'unn 'anma', tzcham wal eyilni, man̈ comnoc tze chaj eyab' junc xo paxti', yujto a tz'ib'j u'un̈, may b'a'n̈ 'ay slajub'. A pax yic niwn tas tzqui cuyec, caw wal tzc'unb' pax qui niwnalec yu'uj.

Mt 23:29

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Ax tic, tz'at e b'o jun tzo'n̈ yet'l eb' schecb' Dios 'a campusan, yet' jun tzo'n̈ xo eb' tojl snab'en mucn ta'.

Mt 23:38

'Ab'ec, a jun e chon̈b' tic, 'oj cann̈j 'a sictacl sch'ocoj;

Mt 23:5

Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.

Mt 9:14

A 'a jun 'el, 'ix c'och eb' scuywum Juan Bautista 'a Jesús, 'ix sc'anb'n eb' 'ixtc 'a 'a: —¿Tas yuj matz 'och eb' a cuywum 'a c'ajb'c'ojlal? Aln̈ tic on̈, caw tzca'ch qui b'a 'a c'ajb'c'ojlal on̈. An̈jtona', 'ixta pax tzyutj sb'a eb' fariseo, xchi eb' 'a 'a.

Lc 18:12

Yujto an tic, cha'ejm tzwa'ch in b'a 'a c'ajb'c'ojlal 'a junjn seman. An̈jtona', caw tzwac' pax sdiesmoal jantcn̈ej tas tzlaj wac' ganar, xchi cob' win 'a Dios.

Ro 10:2

Yel toni, caw 'aych ton snab'en eb' ya'n servil Dios. Palta man̈ yojcoc eb' tas tzyutj eb' ya'w servil 'icha tznib'j Dios.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

Ro 12:3

A Dios, 'a'jnac wopiso tic yuj swach'c'ojlal. Yuj cha, tzwaln 'at jun tzo'n̈ tic 'ayx e masnil. Matz tac' qui nan junjn on̈ec, to caw jeln on̈. Yowlal 'emmquilal tzcutjec qui nan qui b'a, a tzyala tas 'opiso tzyac' Dios 'ayn̈ junjn on̈ec, yujto 'aych qui c'ojlec 'a 'a.

1 Co 3:18

Caw man̈ e cha 'ixtxoc paxti e b'a. Toto 'ayx tze na'a, to jeln ex 'a yic yolyib'n̈q'uinl tic, yowlal tzeyij 'ejm e b'a 'a 'emmquilal, 'icha to may xon tas eyojtac, sec a Dios 'oj 'a'nc e jelnal cha.

1 Co 3:20

Tzyaln pax junx tic: Yojc Cajlil si'mb'il, to a eb' jelan, cojn man̈ nab'enal tzna eb', xchi Ch'an̈.

A Scarta San Pablo D'a Eb' Aj Filipos 3:6

Caw wa'jnac 'och in nab'en 'a jun qui cuynb'il chi 'on̈, yuj cha, wa'n 'och syailal eb' yic xo Cristo. C'uxn in yicljnac jantcn̈ej tas tzyal 'a ley yic Moisés, man̈x 'a jac in paltail 'a 'a.

A Scarta San Pablo D'a Eb' Aj Colosas 2:18

'Ay eb' tznib'j 'oj 'i'nc 'ec' jun spac eyic 'oj yac' Dios, palta man̈ e cha tas tzyal eb' 'ayex. Caw 'emmquilal tzcob' yutc sb'a eb', tzya'n 'ejm sb'a eb' 'a jun tzo'n̈ ángel. Tzcomn 'a'n 'och sb'a eb' 'a scal jun tzo'n̈ tas man̈ yojcoc. Ton̈j tzcomn b'an̈j sb'a eb', yujto caw jeln eb' snani.

A Scarta San Pablo D'a Eb' Aj Colosas 2:23

Yel toni, coynto wach' jun tzo'n̈ checnb'il cha. Tzyalni, to yowlal 'ay junc 'aj tzcalc qui b'a. Yowlal tzquijec 'ejm qui b'a, tzca'nec techjoc yailal yet' qui niwnalec tic. Palta a jun tzo'n̈ cha, may jac yopiso on̈ stennec 'och wan qui b'on maysch'olnil.

1 Ti 4:3

'Oj cob' yal eb' 'ixtic: Caw 'ay yowlal, toto tz'och quistzil. 'Ay pax jun tzo'n̈ tas tzc'uxx to 'ay yowlal qui c'uxni, 'oj schic cob' eb'. Palta a Dios tzb'on smasnil jun tzo'n̈ cha, sec a tzqui c'uxc an̈ creyente on̈c tic, tzca'nec yuj diosal 'a Dios yu'uj, yujto cojquec xo jun cuynb'il caw yel.

Apoc 18:19

'Ix laj sjop q'ue eb' pococ 'a sjolm yuj scusc'ojlal. Caw x'oc' eb'. 'Ix cul-li eb' yoq'ui, 'ix 'awj chan̈ eb' 'ixtic: ¡'Ay, 'ay, 'oltac wal jun niwquil chon̈b' tic! A eb' 'ay sbarco 'a a mar, c'uxn 'ix 'och eb' ricoal yuj sricoal jun chon̈b' tic. Palta junn̈j wal rato, xlajw can 'ejm jun chon̈b' tic, xchi eb'.