Ec 6:6 - Chuj San Sebastian Bible

⁶ Toxn̈ej tzyil jun winc chi chab'oc mil ab'il, palta matz yac' sgana yet' tas wach' 'ay 'a a'. Ax 'a yic slajub', junn̈j 'aj 'oj c'och eb'.

Chuj San Mateo Bible

⁶ A pax jun vinac chi' jun, vach'chom ix ec' chab'oc mil ab'il, tato maj yac' tzalajb'oc sc'ol yed' tastac ay d'ay, malaj yelc'ochi, a d'a slajvub' junn̈ej b'aj ol can eb' d'a chamub'.

Ec 6:6 Iomraidhean Croise

Job 1:21

'Ix yaln win 'ixtic: —May xon jac tas wet'i yic in 'alj 'el 'a yolyib'n̈q'uinl tic, may pax jac tas 'oj wic' yic 'oj in meltzj paxi. A Jehová a x'a'n smasnil tas 'ayin, a pax x'i'n 'ec' jun 'ejm xo; alx cab' wach' paxti 'a 'a, xchi Job.

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Job 7:7

Ach in Diosal, na cot nab'an to a jab' in q'uinl tic, lajn 'icha yic tzyi'n junc mach yic' jun 'ejmoc, 'ixta yeq'ui. Man̈x b'a'n̈ 'oj wil jacx tzaljc'ojlal 'a tic.

Salmos 34:12

Toto tze nib'j tznajtxb'i e q'uinal, mto tze nib'j tzaljc'ojlal tz'aj yec' junjn c'u eyu'uj,

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Ec 2:14

A eb' 'ay sjelnal, caw tzya'ilj eb' 'aj tz'eq'ui, ax pax eb' may snab'en, 'icha to q'uic'q'uinl 'aj tzb'ey eb'. Palta xnachj 'el wu'uj, to lajnn̈ej tzon̈ 'ajc 'el'chi.

Ec 3:20

Junn̈j lugar 'aj tzc'och qui niwnalec tic yet' no noc' cha, yujto a 'a lum lum cotn̈c on̈ec, an̈jtona', a pax ta tzon̈ meltzjec can qui masnil.

Ec 6:3

Wach'xam 'ay junc winc 'ay junc ciente yunnal, caw niwn pax yab'lil tzyil 'a yolyib'n̈q'uinl tic, palta toto matz yac' pax tzaljoc sc'ojl yet' tas wach', toxn to man̈ wach'c 'oj 'aj smucxi. A tzin na an tic, yel xo wach' yic junc 'e'lti 'unn 'a yib'n̈ jun winc cha.

Ec 6:5

matz yil xon jac sacq'uinal, may tas tzyojquej 'eli, palta yel xo wach' yilj 'a yib'n̈ jun winc cha.

Ec 7:2

Yel xo wach' yic tzon̈ 'atc tan̈j 'ac'wl 'a 'aj tz'och chamel, 'a yib'n̈ to tzon̈ 'atc can 'a q'uin̈, yujto a chaml cha, to quiquec yaj qui masnil. Wach' toto tzqui nac 'a yib'an̈ yic pitzn on̈c to.

Ec 9:2

Palta ax tz'aji, jun lajnn̈ej pax tz'aj sjaw 'a quib'n̈ec. Tzjaw 'a yib'n̈ eb' tojl snab'en yet' 'a eb' tu snab'en, 'a eb' wach' yet' 'a eb' tu'. Tzjaw 'a yib'n̈ eb' yiclum yet' 'a yib'n̈ eb' man̈ yiclumoc, 'a eb' tzyac' xajmb'al yet' 'a eb' matz yac' xajmb'al; lajn junc may smul yet' junc 'ay smul, tzjaw 'a yib'n̈ eb' tzlocn sb'i Dios yet' eb' tzxiw slocn sb'i.

Is 65:20

Ata', may eb' 'unn 'oj comn cham muc'uc, to jaye wal c'u tz'eq'ui. May pax eb' 'ichm 'anma 'oj comn chamoc, to ma'oj tz'acwc yab'lil. A eb' 'oj cham 'a jun ciente ab'il sq'uinal, caw 'unn 'anma to eb', ax eb' ma'oj q'ue'choc yab'lil 'a jun ciente ax schami, a eb' cha, to a smul eb' 'ixta tz'utni.

Is 65:22

Man̈x 'a te n̈a ton̈j 'oj sb'o eb', ax chucx mach tzcajni. Man̈x 'a tas ton̈j 'oj yawc eb', ax chucx mach tzlon sat yawb'ente eb' cha. A eb' in chon̈b' cha, caw wal 'oj najtxb'oc sq'uinl eb', lajn 'oj 'aj sq'uinl eb' 'icha eb' te niwc te'. A eb' 'anma sic'b'il 'el wu'uj, najtl 'oj tzaljoc eb' sc'uxn yel-l spac smunljel tzb'o'o.

Jeremías 17:6

A eb' cha, lajn wal eb' 'icha te q'uix 'ay 'a cusltac lu'um, may 'aj tzya'ilx te jab'oc. Tzq'uib' te 'a scal q'ue'en, 'a sat lum lum to 'ay 'atz'm 'a sat, 'a 'ajtil may mach cajn 'eq'ui.

A Ch'an̈ Carta D'a Eb' Hebreo 9:27

Smasnil 'anma', yowlal tzcham eb' jun 'ejem. 'Oj lajwc cha, ax sb'eyc'ojlax eb'.