Ec 5:8 - Chuj San Sebastian Bible

⁸ Man̈ sat qui c'ojlec quiln tz'aj yixtx eb' meb'a 'a 'aj matz yiclx tojlal, yujto a eb' 'ay yopiso, tzcolx eb' yuj jun tzo'n̈ xo eb' niwc yopiso. Ax eb' cha, tzcolx eb' yuj jun tzo'n̈ xo eb' yel xo niwc yopiso 'a yib'n̈ eb'.

Chuj San Mateo Bible

⁸ Mocab' sat co c'ol quilan yuj tas tz'aj yixtaj eb' meb'a' d'a co chon̈ab', b'aj max c'anab'ajaj tojolal, yujto a eb' ay yopisio scolji eb' yuj juntzan̈xo eb' nivac yopisio. Axo eb' chi' scolji eb' yuj juntzan̈xo eb' yelxo nivan yopisio d'a yib'an̈ eb'.

Ec 5:8 Iomraidhean Croise

2 Cr 26:10

Sb'on pax jun tzo'n̈ cuartel chi 'a lum cusltac lu'um. Caw niwn jun tzo'n̈ c'ob'a sjoyo, yujto caw niwn scajb'en noc' 'ay 'a lum pan̈n 'a'lic, yet' pax 'a yich eb' lum witz. An̈jtona', caw 'ay eb' smunljum tzmunlj 'a 'awj uva, yet' 'a jun tzo'n̈ xo 'awb'ente 'ay 'a lum jolm witz. Caw wal pitz'n 'och 'a sc'ojl smunlji.

Job 24:23

Toto tz'el 'a sc'ojl Dios to pitzn eb' tu tzyutj sb'a cha, palta q'uelnn̈ej 'och 'a tas tzlaj sb'o eb'.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Salmos 55:9

Mamin, satcn 'el eb' 'ajc'ojl cha, 'ac' somchjoc 'el eb', yujto may sniwnc'ojlal eb'. Cojxn̈ej owl tzwil sb'on eb' 'a yol chon̈ab'.

Salmos 82:1

A Dios 'ayc' 'a scal syamnil eb' 'ay yopiso, xb'eyc'ojlwi 'a scal eb'.

Salmos 83:18

sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.

Salmos 95:3

Yujto a Jehová Dios, caw niwn yel'chi, Rey 'a yib'n̈ jun tzo'n̈ xo comn dios.

Pr 22:16

A mach yuj snib'n 'och sb'a ricoal, yuj cha, tzyixtn eb' meb'a', yet' junc mach tz'a'n junc tas 'a eb' rico yic tzmontn eb', a eb' cha, 'oj lajwc 'ejm yuj meb'a'il.

Pr 24:12

Wach'xam tzcalec to man̈ cojcoc toto wan s'at eb' 'a chaml cha, palta a Dios tzb'eyc'ojlan tas nab'il cujec. A tzon̈ tan̈wniec, yojtac tas cajec. A 'oj 'a'nc spac 'ayn̈ junjn on̈c yuj tas tzqui b'o'ec.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Ec 3:16

A 'aj tzb'eyc'ojlax eb' 'anma 'a yolyib'n̈q'uinl tic, smoj wal to 'ay wach'il yet' tojlal, palta xwilni to cojn maysch'olnil tzb'o ta'.

Ec 4:1

'Ix wa'n 'at in nab'en 'a jantc tz'aj eb' 'anma yixtx 'a yolyib'n̈q'uinl tic. 'Ix wilni to caw wal tz'oc' eb', palta may mach tz'a'n sniwnal sc'ojl eb', yujto a eb' 'ay yopiso cha, a eb' tz'ixtn eb' yit 'anmal cha.

Ec 5:9

Yujto cojxn win rey niwn yel'ch yet' yopiso 'a yib'n̈ jun tzo'n̈ xo eb' yajal, yuj cha, a win yel xo niwn tas tzyij can 'a tas tz'el 'a sat lum lu'um.

Ec 7:7

A q'uen c'ultac tumin, a q'uen tz'a'n yixtc 'el sb'a eb' jelan, lajn xoj tz'ajcn eb' 'icha eb' may snab'en.

Ec 8:9

Smasnil jun tzo'n̈ tic, 'ix wila yic xwa'n 'ip wojcan 'el tas 'ay 'a yolyib'n̈q'uinl tic. 'Ay 'aj 'ay eb' 'aych yajlil 'a scal eb' yit 'anma'il, ax tz'aji, a eb' tz'ixtn pax eb' 'anma cha.

Is 10:12

A yic tox xlajw 'el'ch 'icha tas nab'il yuj Dios 'a yib'n̈ tzaln Sión yet' Jerusalén, 'ixta to b'i'an, ax ya'n 'och syailal win sreyl Asiria cha. Yujto cob' xyij chan̈ sb'a, sb'an̈n sb'a yuj tas xlaj sb'o cha.

Is 3:15

¿Tas eyaln eyic eyixtn eb' in chon̈b' tic, tzex q'ue chan̈ eyixtn pax eb' meb'a'? xchi Dios.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Is 5:7

'Icha win cha, 'ixta wal yaj Jehová yet' eb' yin̈tl Israel, 'icha to yawb'ente yaj eb', yet' pax eb' 'aj Judá. A Dios tztac' yuj smasnil, 'ix cob' stan̈woc to wach' tzyutj sb'a eb' 'a sley, palta ax x'aji, a milj 'anma sb'o eb'. May jac tojlal tzb'o eb', til wal yel yaw 'anma yixtx yuj eb'.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Ez 18:18

A smam cha, 'ixtm 'anma winac, caw wal 'elc'um, maysch'olnil tas sb'o 'a scal yit chon̈ab', yuj cha, mun 'oj cham yuj smul cha.

Am 5:12

Wojtac jantc maysch'olnil tz'el e b'oni. Man̈x 'a slajb' jun tzo'n̈ e mul cha. Caw tzeyixtj eb' wach' snab'en, tze chan q'uen c'ultac tumn yuj junc tas man̈ wach'c tzeyutj e b'onyaji. A 'a e despacho, ata tzeya'cn 'och 'a yib'n̈ eb' meb'a 'anma to wach' snab'en.

Am 6:12

¿Tom tztac' sb'ey q'ue no chej 'a sat tenam? ¿Tom tztac' yoch munljel 'a yib'n̈ a mar yet' q'uen arado? Palta ax xo tic, xe jelmtej 'och tojlal 'a 'ixtj 'anma'il, caw tu tzyab' eb' 'anma yuj tas tzeyutj e b'on yaj eb'.

Miqueas 2:9

Tze pech 'elt eb' 'ix 'ix 'a yol yatut to 'aych yipc sc'ojol, a smacl eb' 'unn wa'jnac, 'in tzeyij 'ec' 'a jun 'ejmn̈ej.

Zacarías 8:6

Ax tic ex can to 'a in chon̈b' tic, tzam e na'a to 'ajltac sb'o jun tzo'n̈ tic, palta an xo tic, may yajltacl sb'o wu'uj, an Jehová in tztac' wuj smasnil.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Lc 1:32

A jun cha, caw niwn 'oj 'aj 'el'chi. 'Oj alxc yu'uj, chajtlto Yunnal jun yel xo niwn yel'chi, atn Dios. Ax Cajlil, atn Dios cha, a 'oj 'a'nc 'och e reyloc. 'Oj 'ochcn sjelc win rey David, atn jun smam yicham.

Lc 1:35

—A spoder Yespíritu Dios, atn jun yel xo niwn yel'ch cha, a 'oj 'emlc 'a eb'n̈ 'icha sjaw junc 'asun. Yuj cha, a jun 'unn 'oj 'aljoc cha, yicn̈ej Dios 'oj 'ajoc. 'Oj alxc yu'uj, chajtlto Yunnal Dios.

Lc 1:76

Ach xo tic ach wunnal, ach 'oj och schecb'oc Dios jun yel xo niwn yel'chi. Yujto 'oj a b'ab'l 'ec' 'a Cajlil, ax a b'on snab'en eb' 'anma', 'icha tz'aj sb'o junc b'e.

A Tas Sc'ulejnac Eb' Schecab' Jesús Hechos 12:23

Yajn̈j wal cha, 'ix 'ajx can telwc win yuj jun yángel Cajlil, yujto ma'ix yala, to cojn qui Mam Dios 'ay yel'chi. 'Ix 'ocht ay winac. 'Ixta to b'i'an, 'ix chami.

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

A Sb'ab'el Carta San Pedro 4:12

Ex chamc'ojlb'il wu'uj, a yic tzon̈ 'ajx prowal yuj jun tzo'n̈ yailal caw ya, matz tac' sat qui c'ojlec yu'uj. Man̈ qui na'ec, to may 'aj tzjaw xon jun tzo'n̈ cha.

1 Jn 3:13

Ex wu'tac, ex wanab', matz tac' ton̈j tzeyac' sat e c'ojol, yic 'oj chichnc 'och eb' yic yolyib'n̈q'uinl tic 'ayex.