Ec 5:15 - Chuj San Sebastian Bible

^15-17 'Icha wal tz'aj yalj 'a yolyib'n̈q'uinl tic, 'ixta tz'aj smeltzj paxi; jitn 'eli yic tz'alji, ax yic 'oj meltzjoc paxi may jac chi 'oj yic' yet'oc. A jun cha, caw wal cusc'ojlaln̈ej yaji, scal xiwc'ojlal, scal yailal mto scal somc'ojlal tzwa'i, yuj cha, nab'an̈ej tzyixtj sb'a smunlji.

Chuj San Mateo Bible

¹⁵ Icha tz'aj calji d'a yolyib'an̈q'uinal tic, b'eran on̈ eli on̈ javi, axo yic tzon̈ meltzajxi malaj jab'oc tas squic'b'at qued'oc.

Ec 5:15 Iomraidhean Croise

Job 1:21

'Ix yaln win 'ixtic: —May xon jac tas wet'i yic in 'alj 'el 'a yolyib'n̈q'uinl tic, may pax jac tas 'oj wic' yic 'oj in meltzj paxi. A Jehová a x'a'n smasnil tas 'ayin, a pax x'i'n 'ec' jun 'ejm xo; alx cab' wach' paxti 'a 'a, xchi Job.

Job 15:2

A mach jeln snab'en, man̈ smojc sta'w yet' jun tzo'n̈ paxti may yopiso, mto jun tzo'n̈ paxti ton̈j tzsatcn 'at 'a scal 'ic',

Salmos 49:17

palta a yic 'oj cham eb', toxn may jac wach' chi 'oj yic' eb' yet'oc. Sch'ocj xoj eb' 'oj 'at mucxoc 'a campusan cha.

Ec 5:14

Yujto 'ay 'aj cob' 'ay mach tzya'ch schon̈, ax tz'aji a chi tz'i'n cot 'a yib'an̈. Tzlajw can pax 'ejm tas 'ay 'a 'a, man̈x 'a jac tas wach' scan 'a yunnal.

Os 12:2

A eb' 'aj Judá, atn eb' yin̈tl Jacob, 'ay smul eb' 'a sat Jehová. Yuj cha, 'oj ya'ch yailal 'a yib'n̈ eb' yuj stu b'eyb'al cha. 'Oj stojlajwc eb' 'icha wal tas tz'el sb'oni.

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

1 Ti 6:7

Yic tzon̈ 'alji, may xon jac tas quet'i. An̈jtona', 'ixta 'oj qui paxi. May jac tas 'oj quic' quet' 'a yolyib'n̈q'uinl tic.