Ec 5:14 - Chuj San Sebastian Bible

¹⁴ Yujto 'ay 'aj cob' 'ay mach tzya'ch schon̈, ax tz'aji a chi tz'i'n cot 'a yib'an̈. Tzlajw can pax 'ejm tas 'ay 'a 'a, man̈x 'a jac tas wach' scan 'a yunnal.

Chuj San Mateo Bible

¹⁴ Yujto ay b'aj syac'och schon̈ eb', axo tz'aji a tz'ic'ancot d'a yib'an̈ eb', slajviel tastac ay d'a eb', man̈xalaj jab'oc tas vach' syac'can eb' d'a eb' yuninal.

Ec 5:14 Iomraidhean Croise

A Ch'an̈ B'ab'el Libro Yic Yab'ixal Eb' Rey 14:26

'Ix yi'n 'ec' win smasnil ricoal 'ay 'a yol yatut Jehová, yet' smasnil ricoal 'ay 'a yol yatut win rey, yet' pax smasnil jun tzo'n̈ q'uen tzmacn sat jul-lab' to nab'a oro b'ob'il can yuj Salomón.

Job 1:21

'Ix yaln win 'ixtic: —May xon jac tas wet'i yic in 'alj 'el 'a yolyib'n̈q'uinl tic, may pax jac tas 'oj wic' yic 'oj in meltzj paxi. A Jehová a x'a'n smasnil tas 'ayin, a pax x'i'n 'ec' jun 'ejm xo; alx cab' wach' paxti 'a 'a, xchi Job.

Job 5:5

A sat smasnil tas cob' 'awb'il yuj eb', a yic tz'el-li, ax eb' 'anma tzcham yuj wejel, a eb' tzc'uxni, c'uxn tzlaj say 'elt eb' 'a scal q'ui'ix. Ax eb' caw may jac tas 'ay 'a 'a, a eb' tzlaj 'i'noc can 'at smasnil sricoal eb' tu snab'en cha.

Salmos 39:6

An̈ 'anman̈ tic, lajn yec' qui q'uinl 'icha wewen. Nab'an̈ej tzquixtj qui b'a qui molb'tzan qui ricoal, ax tz'aji, chucx mach 'oj lajnoc.

Salmos 49:18

Wach'xam caw tzaljc'ojlal yaj eb' 'a yic pitzn to eb', tzlaj alx wach' paxti 'a eb' yuj eb' yit 'anma'il, yujto caw 'ay tas 'ay 'a eb',

Pr 23:5

yujto a q'uen tumin, yajn̈ej tzlajw 'ejm q'ue'en, 'icha to tz'och sc'axil, tz'at jen̈njoc 'icha tzyac' no cotc salt'iw.

Ec 2:26

Toto tzalj Dios quet'ec, caw yel tzyac' qui jelnalec, qui nab'enec yet' qui tzaljc'ojlalec. Palta ax eb' maysch'olnil, a tz'a'n yac' eb' yip smunlji, yic tzmolb'tzan eb' sricoal, ax tz'aji, ax 'a eb' wach' chi 'aj tzcanxi. An̈jtona junx tic, caw wal nab'an̈ej, yujto lajn 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 5:13

'Ix wilni to 'ay junx tas yel xo wal cusc'ojlal 'a yolyib'n̈q'uinl tic: 'Ay wal eb' caw wal tz'och 'il sayn 'ec' sricoal, palta ax tz'aji, a sricoal eb' chi tzjun'eli.

Ec 5:15

'Icha wal tz'aj yalj 'a yolyib'n̈q'uinl tic, 'ixta tz'aj smeltzj paxi; jitn 'eli yic tz'alji, ax yic 'oj meltzjoc paxi may jac chi 'oj yic' yet'oc. A jun cha, caw wal cusc'ojlaln̈ej yaji, scal xiwc'ojlal, scal yailal mto scal somc'ojlal tzwa'i, yuj cha, nab'an̈ej tzyixtj sb'a smunlji.

Hageo 1:9

A tze na'a to niwn tas 'oj eyic' 'a e munljel, palta jab' wali. An Jehová in, an tzwala, a tas cob' tze mol 'a yol eyatut, 'icha to an tzwutz'j 'at yet' wic'. ¿Tas yuj 'ixta tzex wutj tze na'a? 'Ixta tzex 'aji, yujto lann̈chjnac 'ejm watut, ya' sb'a ax xo tic, cojn eyatut chi 'ayx 'och 'il e b'oni.

A Ch'an̈ B'ab'el Libro Samuel 2:36

Ax smasnil eb' en̈tl 'oj canoc, 'oj jawc eb' wul yac' 'ejm sb'a 'a yojltac junc win cha, yic 'oj wul sc'annc eb' jac stumin mto c'axp'oc yo'och. 'Oj sc'ann eb' yopiso 'a winac yic tzmunlj yet' eb' ya'mal 'och sti eb' 'anma cha, sec ata tzyac' ganar jac tas tzc'uxu, xchi Dios, xchi jun checb' chi 'a win Elí.