Ec 5:11 - Chuj San Sebastian Bible

¹¹ Yujto a yic niwn tas 'ay 'ayn̈ec, niwn pax slajwi. Cojn qui ganarec, to tzquilc yec' 'a yol qui c'ab'.

Chuj San Mateo Bible

¹¹ Yujto ayic nivanxo tas ay d'ayon̈, nivan pax slajvieli. An̈ej co ganar, ton̈ej squil yec' q'uen tumin chi' d'a yol co c'ab'.

Ec 5:11 Iomraidhean Croise

Gn 12:16

Yujn̈ej Sarai, yuj cha, wach' 'ix yutj win rey snab'en 'a Abram cha. Til wal calnelu, wacax, b'uru, 'axna, cameyo, til wal pax ewin checab' yet' eb' 'ix checb' siyj win rey chi 'a winac.

Gn 13:2

A Abram, caw rico, til wal oro 'a 'a, yet' plata, til wal no noc' cajb'il yu'uj.

Pr 23:5

yujto a q'uen tumin, yajn̈ej tzlajw 'ejm q'ue'en, 'icha to tz'och sc'axil, tz'at jen̈njoc 'icha tzyac' no cotc salt'iw.

Ec 11:9

Ex quelmtac yet' ex cob'stac, tzaljan̈ec ya' sb'a caw te'n eyip; 'a'c tzaljoc e c'ojl 'a tas wach' ya' sb'a tztac' eyu'uj. 'Ixquec 'aj tze nib'j tzex 'ati, yet' tas tze nib'j tze b'o'o, palta tzeyojcan pax 'eli, to 'oj ex sb'eyc'ojloc Dios yuj smasnil jun tzo'n̈ tze b'o cha.

Ec 2:9

In 'och niwc wincal si'mb'il, til wal tas 'ay 'ayn 'a yib'n̈ eb' 'e'nc 'a Jerusalén 'a yaln̈taxi. Wach'xam 'ay smasnil jun tzo'n̈ tic 'ayin, palta ma'ix satl in jelnal.

Ec 5:12

Toto munljum on̈ec, toxn̈ej niwn tas tzqui c'uxec, mto ma'ay, palta tzon̈ wayc 'a tzaljc'ojlal. Ax toto rico on̈ec, matz on̈ way qui nan yuj tas 'ay 'ayn̈ec.

Ec 6:9

Yel xo wach' jab' cab' tas 'ay 'ayn̈ec, 'a yib'n̈ pax to tzqui nib'jec nan̈loc xo. A jun tic, caw nab'an̈ej paxi, lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Jeremías 17:11

A eb' tz'och ricoal yuj 'ixtj 'anma'il, lajn eb' 'icha junc no ch'ic tzman̈n 'elt no n̈olb' to man̈ yico'oc. Caw wal yol ste'nal eb' 'ay, ax yactn can eb' sricoal cha. Ax 'a slajub', ata 'oj checljoc 'eli, to may xon snab'en eb'.

Habacuc 2:13

A smasnil jun tzo'n̈ e munljel 'aj 'ix c'unb' eb' nacion̈ 'emnc eyuj cha, caw nab'an̈ej. A c'ac' 'oj satnc 'el smasnil tas sb'ojnac eb' cha. 'Ixta 'ix yutj Jehová snani, atn jun tztac' yuj smasnil.

1 Jn 2:16

A eb' yic yolyib'n̈q'uinl tic, cojxn yic sniwnal eb' tznib'j 'ochi. Tznib'n pax 'och eb' jun tzo'n̈ tastc tzyil yet' sat. Tzb'an̈n pax sb'a eb' yuj jun tzo'n̈ tastc 'ay 'a 'a. Palta a jun tzo'n̈ b'eyb'al cha, man̈ yico'oc qui Mam Dios, yic yolyib'n̈q'uinl tic.